നവകേരള സദസ്; കടുത്തുരുത്തിയിൽ   ലഭിച്ചത് 3856 നിവേദനങ്ങൾ

 
കോട്ടയം: മുഖ്യമന്ത്രിയും മന്ത്രിമാരും ജനങ്ങളുമായി സംവദിക്കുന്ന  കടുത്തുരുത്തി  മണ്ഡലതല നവകേരള സദസിൽ  3856 നിവേദനങ്ങൾ ലഭിച്ചു. 25 കൗണ്ടറുകളാണ് നിവേദനങ്ങൾ സ്വീകരിക്കാൻ  നവകേരള സദസ് വേദിക്ക് സമീപം ഒരുക്കിയത്. അഞ്ച് കൗണ്ടറുകൾ സ്ത്രീകൾക്കും നാലെണ്ണം വയോജനങ്ങൾക്കും രണ്ടെണ്ണം  ഭിന്നശേഷിക്കാർക്കായും  പ്രത്യേകം ഒരുക്കിയിരുന്നു. കുറവിലങ്ങാട് ദേവമാതാ കോളേജ് മൈതാനത്ത് സദസ് ആരംഭിക്കുന്നതിന് മൂന്ന് മണിക്കൂർ മുൻപ് മുതൽ കൗണ്ടറുകൾ  പ്രവർത്തനം ആരംഭിച്ചിരുന്നു. ലഭിച്ച നിവേദനങ്ങൾ  ബന്ധപ്പെട്ട വകുപ്പുകൾക്ക് കൈമാറി സമയബന്ധിതമായി നടപടികൾ സ്വീകരിക്കും.