എം.ബി.എ. പ്രവേശന അഭിമുഖം
ആലപ്പുഴ: സഹകരണ വകുപ്പ് സംസ്ഥാന സഹകരണ യൂണിയന്റെ തിരുവനന്തപുരത്തെ കേരള ഇന്സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില് (കിക്മ) എം.ബി.എ. (ഫുള്ടൈം) 2024-26 ബാച്ച്് പ്രവേശന അഭിമുഖം മാര്ച്ച് നാലിന് നടത്തും. ചേര്ത്തല ദീപിക ജംഗ്ഷനിലുളള കോ-ഓപ്പറേറ്റീവ് ട്രെയിനിംഗ് കോളേജില് രാവിലെ 10 മുതല് ഉച്ചയ്ക്ക് ഒരുമണിവരെയാണ് അഭിമുഖം.
കേരള സര്വകലാശാലയുടെയും എ.ഐ.സി.ടി.യുടെയും അംഗീകാരത്തോടെ നടത്തുന്ന ദ്വിവല്സര കോഴ്സില് ഫിനാന്സ്, മാര്ക്കറ്റിംഗ്, ഹ്യൂമന് റിസോഴ്സ്, ലോജിസ്റ്റിക്സ് എന്നിവയില് ഡ്യൂവല് സ്പെഷ്യലൈസേഷന് അവസരമുണ്ട്. സഹകരണ മേഖലയില് പ്രവര്ത്തിക്കുന്നവരുടെ ആശ്രിതര്ക്കും ഫിഷറീസ് സ്കോളര്ഷിപ്പിന് അര്ഹതയുളള വിദ്യാര്ഥികള്ക്കും പ്രത്യേക സീറ്റ് സംവരണം ലഭിക്കും. ഒ.ഇ.സി./എസ്.സി.-എസ്.ടി വിദ്യാര്ഥികള്ക്ക് സര്ക്കാര് യൂണിവേഴ്സിറ്റി നിബന്ധനകള്ക്ക് വിധേയമായി ഫീസ് ആനുകൂല്യം ലഭിക്കും. 50 ശതമാനം മാര്ക്കില് കുറയാതെ ബിരുദമാണ് അടിസ്ഥാന യോഗ്യത. അവസാന വര്ഷ ബിരുദ വിദ്യാര്ഥികള്ക്കും ഇതേവരെ അപേക്ഷ നല്കിയിട്ടില്ലാത്തവര്ക്കും അഭിമുഖത്തില് പങ്കെടുക്കാം.
വിവരങ്ങള്ക്ക്: 9496366741/8547618290, www.kicma.ac.in
- Log in to post comments