കോട്ടയം: മാലിന്യമുക്തം നവകേരളം കാമ്പയിന്റെ ഭാഗമായി ഈരാറ്റുപേട്ട നഗരസഭ   സംഘടിപ്പിക്കുന്ന ക്ലസ്റ്റർ യോഗങ്ങളുടെ ഉദ്ഘാടനം നഗരസഭ അധ്യക്ഷ സുഹ്‌റ അബ്ദുൽ ഖാദർ നിർവഹിച്ചു. കടപ്ലക്കൽ അങ്കണവാടിയിൽ സംഘടിപ്പിച്ച ആദ്യയോഗത്തിൽ ഒന്നാം വാർഡ് നഗരസഭാംഗം സജീർ ഇസ്മായിൽ അധ്യക്ഷനായി.

കോട്ടയം: വിളനാശമുണ്ടായാൽ കർഷകനു സഹായമാകുന്ന കാലാവസ്ഥാധിഷ്ഠിത വിള ഇൻഷുറൻസ് പദ്ധതിയിലേക്കുള്ള അപേക്ഷ ഡിസംബർ 31 വരെ നൽകാം. കർഷകർക്ക് നേരിട്ടും അക്ഷയ, സി.എസ്.സി.കൾ വഴിയും ഓൺലൈനായി രജിസ്റ്റർ ചെയ്യാം. അപേക്ഷ പൂരിപ്പിച്ച ശേഷം നിശ്ചിത പ്രീമിയം തുക, ആധാറിന്റെ പകർപ്പ്, നികുതി രസീതിന്റെ പകർപ്പ്, ബാങ്ക് പാസ്ബുക്കിന്റെ പകർപ്പ്, പാട്ടത്തിനു കൃഷി ചെയ്യുന്നവരാണെങ്കിൽ പാട്ടക്കരാറിന്റെ പകർപ്പ് എന്നിവ കൂടി നൽകണം. ഓരോവിളയുടെയും പ്രീമിയം തുകയും ഇൻഷുറൻസ് തുകയും വ്യത്യസ്തമാണ്.

കോട്ടയം: സംസ്ഥാന പൊതുമരാമത്തു വകുപ്പിന്റെ ഉടമസ്ഥതയിലുള്ള ടോൾ ചെമ്മനാകരി റോഡിൽ ഡിസംബർ 20 മുതൽ ടാറിംഗ് പ്രവർത്തി നടക്കുന്നതിനാൽ ടോൾ ജംഗ്ഷൻ മുതൽ ചെമ്മനാകരി വരെ ഇനിയൊരറിയിപ്പ് ഉണ്ടാകുന്നതുവരെ ഗതാഗതം താത്കാലികമായി നിരോധിച്ചതായി വൈക്കം പൊതുമരാമത്ത് വകുപ്പ് നിരത്ത് വിഭാഗം അസിസ്റ്റന്റ് എൻജിനീയർ അറിയിച്ചു

കോട്ടയം: ഉന്നതവിദ്യാഭ്യാസ വകുപ്പിന് കീഴിലെ അസാപ്പ് കേരളയുടെ പാമ്പാടി കമ്മ്യൂണിറ്റി സ്‌കിൽ പാർക്കിൽ മൂന്നു മുതൽ എട്ടു വരെ ക്ലാസുകളിൽ പഠിക്കുന്ന കുട്ടികൾക്കായുള്ള അടിസ്ഥാന ഇലക്ട്രോണിക്സ് വർക്ക് ഷോപ്പ് സംഘടിപ്പിക്കുന്നു. വിവിധ ഗ്രേഡ് തലങ്ങളിലുള്ള വിദ്യാർഥികൾക്ക് ഇലക്ട്രോണിക് ഉപകരണങ്ങൾ, അവയുടെ ഘടകങ്ങൾ, ട്രബിൾഷൂട്ടിംഗ്, റിപ്പയർ ടെക്നിക്കുകൾ എന്നിവയെകുറിച്ച് അറിയാനും അവസരം ഒരുക്കും. വിശദവിവരത്തിന് ഫോൺ: 8921636122, 8289810279.

കോട്ടയം: ഐ.ടി.ഐ./ഐ.ടി.സി./എൻജിനീയറിങ്/ഡിഗ്രി/ഡിപ്ലോമ കോഴ്സുകൾ പാസായ തൊഴിൽരഹിതരായ പട്ടികജാതി വിഭാഗക്കാർക്ക് പഠിച്ച ട്രേഡുകളിൽ പ്രാവീണ്യം നേടാൻ അവസരം. പട്ടികജാതി വികസന വകുപ്പ് നടപ്പാക്കുന്ന ട്രെയിനിംഗ്-കം-എംപ്ലോയ്മെന്റ്/ അഡീഷണൽ അപ്രന്റീസ്ഷിപ്പ് സ്‌കീമിന്റെ ഒരു വർഷ പരിശീലന പദ്ധതിയിലേക്ക് ളാലം ബ്ലോക്ക് പട്ടികജാതി വികസന ഓഫീസിൽ അപേക്ഷിക്കാം. ഡിസംബർ 30 നകം അപേക്ഷ നൽകണം. സ്‌കീം പ്രകാരം തെരഞ്ഞെടുക്കപ്പെടണമെങ്കിൽ എൻ.സി.വി.റ്റിയുടെ ഓൾ ഇന്ത്യാ അപ്രന്റീസ്ഷിപ്പ് ട്രേഡ് ടെസ്റ്റ് പാസാകണം. താത്പര്യമുള്ളവർ എസ്.എസ്.എൽ.സി.

കോട്ടയം: ജില്ലയിൽ ഫോറസ്റ്റ് വകുപ്പിൽ റിസർവ് വാച്ചർ, ഡിപ്പോ വാച്ചർ, സർവ്വേ ലാസ്‌കർ (കാറ്റഗറി നമ്പർ 408/2021)  തസ്തികകളിലേക്കുള്ള തിരഞ്ഞെടുപ്പിനായി പ്രസിദ്ധീകരിച്ച ചുരുക്കപ്പട്ടികയിൽ ഉൾപ്പെട്ട ഉദ്യോഗാർഥികൾക്കുള്ള ശാരീരിക അളവെടുപ്പും ഒ.ടി.ആർ. വെരിഫിക്കേഷനും ഡിസംബർ 22ന് രാവിലെ 10 മുതൽ കോട്ടയം ജില്ലാ പി.എസ്.സി. ഓഫീസിൽ നടക്കും.

കോട്ടയം: പാലാ ഗവൺമെന്റ് കൊമേഴ്സ്യൽ ഇൻസ്റ്റിറ്റ്യൂട്ട് വളപ്പിൽ മുറിച്ചിട്ടിരിക്കുന്ന പ്ലാവ്, കാട്ടുവേപ്പ് എന്നീ മരങ്ങളും തേരകം, മരുത് എന്നിവയുടെ ശിഖിരങ്ങളും വിൽക്കുന്നതിന് ക്വട്ടേഷൻ ക്ഷണിച്ചു.  ജനുവരി മൂന്നിന് ഉച്ചകഴിഞ്ഞ് രണ്ടിന് ക്വട്ടേഷൻ തുറക്കും. വിശദവിവരത്തിന് ഫോൺ: 04822 201650.

കോട്ടയം: എലിക്കുളം ഗ്രാമപഞ്ചായത്തിന്റെയും പൈക സാമൂഹികാരോഗ്യ കേന്ദ്രത്തിന്റെയും നേതൃത്വത്തിൽ നടത്തിയ പാലിയേറ്റീവ് രോഗികളുടെയും കൂട്ടിരിപ്പുകാരുടെയും ഒത്തുചേരൽ ജില്ലാ പഞ്ചായത്ത് പ്രസിഡന്റ് കെ.വി. ബിന്ദു ഉദ്ഘാടനം ചെയ്തു. ഇളങ്ങുളം കെ.വി.എൽ.പി. സ്‌കൂൾ ഓഡിറ്റോറിയത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് എസ.് ഷാജി അധ്യക്ഷത വഹിച്ചു.
സി.എച്ച്.സി. പൈക മെഡിക്കൽ ഓഫീസർ ഡോ. ജെയ്സി എം. കട്ടപ്പുറം പദ്ധതി വിശദീകരിച്ചു.

കോട്ടയം: പാമ്പാടി എൽ.ബി.എസ് ഉപകേന്ദ്രത്തിൽ ജനുവരി മൂന്നിന് ആരംഭിക്കുന്ന ഡാറ്റാ എൻട്രി ആൻഡ് ഓഫീസ് ഓട്ടോമേഷൻ (ഇംഗ്ലീഷ് ആൻഡ് മലയാളം) കോഴ്സിലേക്ക് അപേക്ഷിക്കാം. നാലു മാസമാണ് ദൈർഘ്യം. യോഗ്യത: എസ്.എസ്.എൽ.സി. വിശദവിവരത്തിന് ഫോൺ: 0481 2505900, 9895041706.