സാമൂഹികനീതി വകുപ്പും സംസ്ഥാന ബാലാവകാശ സംരക്ഷണ കമ്മീഷനും ചേര്‍ന്ന് നടത്തുന്ന  ബാലാവകാശ സംരക്ഷണ വാരാചരണത്തിന്‍റെ ഭാഗമായി ഇന്ന് (നവംബര്‍ 18) ഫ്ലാഷ് മോബും തെരുവുനാടകവും നടത്തും. കുട്ടികള്‍ക്കെതിരെയുള്ള അതിക്രമങ്ങള്‍ തടയുന്നതിന്  ബോധവത്കരണം നല്‍കുകയാണ് പരിപാടിയുടെ ലക്ഷ്യം. രാവിലെ ഒമ്പതിന് ഒലവക്കോടും ഉച്ചയ്ക്ക് 12.30ന് സിവില്‍ സ്റ്റേഷനിലും  വൈകീട്ട് നാലിന് സ്റ്റേഡിയം ബസ് സ്റ്റാന്‍ഡിലുമാണ് പരിപാടി നടത്തുക. 

          ജില്ലാ റവന്യൂ കലോത്സവ നടത്തിപ്പിനായി രൂപീകരിച്ച സംഘാടക സമിതിയോഗം ഇന്ന് (നവംബര്‍ 18)ന് രാവിലെ  11ന് ചേരും.

    സാമൂഹിക നീതി വകുപ്പുമായി സഹകരിച്ച് 'പേശി രോഗങ്ങളും പുനരധിവാസവും'  വിഷയത്തില്‍ നാഷനല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിങ് (നിഷ്) തത്സമയ വിഡിയോ കോണ്‍ഫറന്‍സ് -  ഓണ്‍ലൈന്‍ സെമിനാര്‍  നവംബര്‍ 18ന് രാവിലെ  10.30  ന് റോബിന്‍സണ്‍ റോഡിലെ, നഗരസഭ കോംപ്ലക്സിലുള്ള  ജില്ലാ ശിശു സംരക്ഷണ ഓഫീസില്‍ നടക്കുമെന്ന് ജില്ലാ ശിശു സംരക്ഷണ ഓഫീസര്‍ അറിയിച്ചു. വിശദ വിവരം ജില്ലാ ശിശു സംരക്ഷണ ഓഫീസ്, നഗരസഭാ കോംപ്ലക്സ്, റോബിന്‍സണ്‍ റോഡ്, പാലക്കാട് - 678001.ഫോണ്‍ - 0491 2531098, 9446689508.

    കെ.എ.പി. ഒന്ന്, രണ്ട് ബറ്റാലിയന്‍ പൊലീസ് കോണ്‍സ്റ്റബ്ള്‍മാരുടെ പാസിങ് ഔട്ട് പരേഡില്‍ മുഖ്യമന്ത്രി പിണറായി വിജയന്‍ സല്യൂട്ട് സ്വീകരിക്കും. ഇന്ന് (നവംബര്‍ 18) രാവിലെ എട്ടിന് മുട്ടിക്കുളങ്ങരയില്‍ കെ.എ.പി രണ്ടാം ബറ്റാലിയന്‍ പരേഡ് ഗ്രൗണ്ടിലാണ് പാസിങ് ഔട്ട് നടക്കുക. സംസ്ഥാന പൊലീസ് മേധാവി ലോക്നാഥ് ബഹ്റ, ഡി.ഐ.ജി (ആംഡ് പൊലീസ് ബറ്റാലിയന്‍) കെ.ഷെഫീന്‍ അഹമ്മദ്, എ.ഡി.ജി.പി( ആംഡ് പൊലീസ് ബറ്റാലിയന്‍) സുധേഷ് കുമാര്‍ തുടങ്ങിയവര്‍ പങ്കെടുക്കും. പി.വി വില്‍സനാണ് കെ.എ.പി ഒന്നാം ബറ്റാലിയന്‍ കമാന്‍ഡന്‍റ്. പി.എസ് ഗോപിനാഥാണ് രണ്ടാം ബറ്റാലിയന്‍ കമാന്‍ഡന്‍റ്. 

• ·       വി.ജി.വിജയന്റെ സ്മരണാര്‍ഥം റൂറല്‍ റിപ്പോര്‍ട്ടിങ്ങിനായി ദ്വിദിന സെമിനാര്‍