എറണാകുളം ജില്ലയില്‍ ഫിഷറീസ് വകുപ്പിന്റെ നേതൃത്വത്തില്‍ പ്രവര്‍ത്തിക്കുന്ന വിവിധ കണ്‍ട്രോള്‍ റൂമുകള്‍ക്ക് ഉപരിയായി കൊച്ചി കേന്ദ്രീകരിച്ച് നേവിയുടെ സഹായത്തോടെ നിലവിലുളള രക്ഷാപ്രവര്‍ത്തനങ്ങള്‍ ശക്തിപ്പെടുത്തുന്നതിനും മറ്റ് സംസ്ഥാനങ്ങളില്‍ എത്തിയ മത്സ്യത്തൊഴിലാളികളെയും മത്സ്യബന്ധന ഉപകരണങ്ങളെയും സുരക്ഷിതമായി തിരികെകൊണ്ടുവരുന്നതിനുളള പ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ഒരു പുതിയ കണ്‍ട്രോള്‍ റൂം കൂടി തുറക്കുമെന്ന് ഫിഷറീസ് മന്ത്രി ജെ. മെഴ്‌സിക്കുട്ടി അമ്മ അറിയിച്ചു.

കൊച്ചി: ശുചിത്വമിഷന്റെ നേതൃത്വത്തില്‍ ചെല്ലാനം മേഖലയില്‍ 9 ടാങ്കറുകളാണ് ഇന്ന് (ഡിസംബര്‍ 5) സെപ്റ്റിക് ടാങ്ക് ക്ലീനിംഗ് പൂര്‍ത്തിയാക്കിയത്. 60 ഓളം വീടുകളില്‍ ശുചീകരണ പ്രവര്‍ത്തനം നടത്തി. നാളെ (ഡിസംബര്‍ 6) വൈപ്പിന്‍, ചെല്ലാനം മേഖലകളില്‍ 12 ടാങ്കറുകള്‍ മാലിന്യം നീക്കം ചെയ്യും. വിവിധ വാര്‍ഡുകളിലായി 300 വീടുകളില്‍ ശുചിത്വ മിഷന്‍ ടീം സന്ദര്‍ശനം നടത്തി. 20 വീടുകളില്‍ ശുചിമുറികള്‍ അറ്റകുറ്റപ്പണി നടത്തി. 

കൊച്ചി: ഓഖി ചുഴലിക്കാറ്റിനെ തുടര്‍ന്നുണ്ടായ കടല്‍ക്ഷോഭത്തില്‍ വെള്ളക്കെട്ടുണ്ടായ മേഖലകളില്‍ പകര്‍ച്ചവ്യാധികള്‍ പടര്‍ന്നു പിടിക്കുവാനുള്ള സാധ്യത കൂടുതലായതിനാല്‍ പ്രത്യേക ജാഗ്രത പാലിക്കണമെന്ന് ജില്ല കളക്ടര്‍ മുഹമ്മദ് വൈ സഫീറുള്ള അറിയിച്ചു. വെള്ളം കയറി വിവിധ ഇടങ്ങളില്‍ സെപ്റ്റിക്ക് ടാങ്കുകള്‍ തകര്‍ന്നതും, കുടിവെള്ള സംഭരണികള്‍ ഉപയോഗശൂന്യമായതും, കാനകളിലും ഓടകളിലും മാലിന്യങ്ങള്‍  അടിഞ്ഞതും രോഗപകര്‍ച്ചക്ക് ഇടയാക്കാമെന്ന് കളക്ടര്‍ മുന്നറിയിപ്പ് നല്‍കി.

· രക്ഷാപ്രവര്‍ത്തനങ്ങള്‍ ഏകോപിപ്പിക്കാന്‍ പ്രത്യേക റെസ്‌ക്യൂ ടീം

· കടല്‍ക്ഷോഭത്തില്‍ തകര്‍ന്നു പോയ ടോയ്‌ലെറ്റുകളുടെ നിര്‍മ്മാണം ഉടന്‍ പൂര്‍ത്തിയാക്കും

· സെപ്റ്റിക് ടാങ്ക് ക്ലീനിംഗ് അടിയന്തിരമായി പൂര്‍ത്തിയാക്കാന്‍ ആരോഗ്യ-ശുചിത്വ മിഷന്‍ വകുപ്പുകള്‍

· പൊതുസ്ഥലങ്ങളിലും പരിസരങ്ങളിലും ക്ലോറിനേഷന്‍

· കുടുംബങ്ങള്‍ക്ക് 15 കിലോ അരി 

തൊഴില്‍ അവസരങ്ങള്‍

ആയുഷ് ഹോമിയോപ്പതി വകുപ്പ് നടപ്പാക്കുന്ന പാലിയേറ്റീവ് കെയര്‍ സംസ്ഥാനതല ഉദ്ഘാടനവും തിരുവനന്തപുരം ജില്ലയിലെ 'ജനനി' വന്ധ്യതാ നിവാരണ പദ്ധതി ചികിത്‌സയിലൂടെ ജനിച്ച കുഞ്ഞുങ്ങളുടെയും മാതാപിതാക്കളുടെയും സംഗമവും ഇന്ന് (ഡിസംബര്‍ ആറ്) നടക്കും. കിഴക്കേക്കോട്ട പട്ടം താണുപിള്ള സ്മാരക ഹോമിയോ ആശുപത്രിയില്‍ നടക്കുന്ന ചടങ്ങ് ആരോഗ്യമന്ത്രി കെ.കെ. ശൈലജ ടീച്ചര്‍ ഉദ്ഘാടനം ചെയ്യും. വൈകിട്ട് മൂന്ന് മണിക്ക് നടക്കുന്ന ചടങ്ങില്‍ വി.എസ്. ശിവകുമാര്‍ എം.എല്‍.എ അധ്യക്ഷനാകും. മേയര്‍ വി.കെ. പ്രശാന്ത് വിശിഷ്ടാതിഥിയായിരിക്കും. 

പി.എന്‍.എക്‌സ്.5207/17

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇന്‍സ്റ്റിറ്റ്യൂട്ടായ കിറ്റ്‌സില്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ പബ്ലിക് റിലേഷന്‍സ് ആന്റ് ടൂറിസം കോഴ്‌സിന് അപേക്ഷിക്കാം.  പി.എസ്.സി അംഗീകാരമുളള കോഴ്‌സിന് അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തില്‍ 45 ശതമാനം മാര്‍ക്കോടുകൂടിയ ഡിഗ്രി ആണ് യോഗ്യത.  പബ്ലിക് റിലേഷന്‍സ്, ടൂറിസം വിഷയങ്ങളും, ജര്‍മ്മന്‍, ഫ്രഞ്ച് ഭാഷകള്‍ പഠിക്കാന്‍ സൗകര്യവും  കോഴ്‌സില്‍ ലഭിക്കും.  അപേക്ഷ കിറ്റ്‌സ് കേന്ദ്രങ്ങളില്‍ സമര്‍പ്പിക്കേണ്ട അവസാന തീയതി ഡിസംബര്‍ 12.  www.kittesedu.org വെബ്‌സൈറ്റ് ഫോണ്‍: 0471 2329468, 9446529467, 9496308760

പി.എന്‍.എക്‌സ്.5206/17

കേരളത്തിലെ പരമ്പരാഗത തൊഴിലാളികളായ മരപ്പണി, കല്‍പ്പണി, ഇരുമ്പു പണി, മണ്‍പാത്ര നിര്‍മ്മാണം തുകല്‍ ഉല്‍പ്പന്ന നിര്‍മ്മാണം, ചെമ്പ്/ഓട്ടുപാത്ര നിര്‍മ്മാണം, പ്ലംബിംഗ്, ഇലക്ട്രീഷന്‍ എന്നീ മേഖലയില്‍ പണിയെടുക്കുന്നവര്‍ക്ക് കേരള ആര്‍ട്ടിസാന്‍സ് ഡെവലപ്‌മെന്റ് കോര്‍പ്പറേഷനില്‍ രജിസ്റ്റര്‍ ചെയ്ത് കോര്‍പ്പറേഷന്റെ വിവിധ പദ്ധതികളുടെ ഗുണഭോക്താക്കളാകാന്‍ അവസരം.

പട്ടികജാതി വികസന വകുപ്പ് പുതുതായി ആരംഭിക്കുന്ന മൊബൈല്‍ ആപ്ലിക്കേഷന്‍ പദ്ധതിയിലേക്ക് യോഗ്യതയുള്ള പട്ടികജാതി വിദ്യാര്‍ത്ഥികളില്‍ നിന്നും അപേക്ഷ ക്ഷണിച്ചു. അപേക്ഷകര്‍ എം.ടെക് കമ്പ്യൂട്ടര്‍ സയന്‍സ്/എം.എസ്.സി/എം.എ/തുല്യ യോഗ്യത ഉള്ളവരായിരിക്കണം. വിദേശത്ത് ഉന്നത പഠനം പൂര്‍ത്തീകരിച്ചവര്‍ക്ക് മുന്‍ഗണന നല്‍കും. കുറഞ്ഞ പ്രായപരിധി 25 വയസ്സ്. താല്പര്യമുള്ളവര്‍ വിശദമായ ബയോഡേറ്റ സഹിതം ഡയറക്ടര്‍, പട്ടികജാതി വികസന വകുപ്പ് ഡയറക്ടര്‍ ഓഫീസ്, അയ്യന്‍കാളി ഭവന്‍, വെള്ളയമ്പലം, തിരുവനന്തപുരം എന്ന വിലാസത്തില്‍ ഡിസംബര്‍ 20 വൈകിട്ട് മൂന്നിനു മുമ്പ് അപേക്ഷിക്കണം.

പി.എന്‍.എക്‌സ്.5204/17