ആലുവ താലൂക്ക് മലയാറ്റൂർ വില്ലേജ് ബ്ലോക്ക് 23 റിസർവെ 921 ൽ പെട്ട സർക്കാർ പുറമ്പോക്ക് ഭൂമിയിലെ അപകടാവസ്ഥയിലായ ഈട്ടി മരം മുറിച്ചുനീക്കി കഷ്ണങ്ങളാക്കി സ്ഥലത്ത് സൂക്ഷിച്ചിട്ടുളളത് പരസ്യലേലം നടത്തുന്നു. ലേല വസ്തുക്കൾ പ്രവൃത്തി ദിവസങ്ങളിൽ പകൽ 10 മുതൽ വൈകിട്ട് 5 വരെ മലയാറ്റൂർ വില്ലേജ് ആഫീസറുടെ സാന്നിധ്യത്തിൽ പരിശോധിക്കാം.  സെപ്റ്റംബർ 14 ന് പകൽ 11.30 ന് മരം സൂക്ഷിച്ചിരിക്കുന്ന സ്ഥലത്ത് ലേലം നടത്തും. 

കളമശേരി ഗവ. വനിത ഐ.ടി.ഐ യിൽ ഐ.എം.സി യുടെ ആഭിമുഖ്യത്തിൽ പ്ലസ് ടു മുതൽ യോഗ്യതകൾ ഉളള ആൺകുട്ടികൾക്കും പെൺകുട്ടികൾക്കും തൊഴിലധിഷ്ഠിത പ്ലേസ്മെന്റ് സപ്പോർട്ടോടു കൂടിയ ഇന്‍റര്‍നാഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ കോഴ്സിലേയ്ക്ക് അഡ്മിഷൻ ആരംഭിച്ചു. വിശദവിവരങ്ങൾക്ക്  ഫോൺ: 8075918569

നാളികേര വികസന ബോര്‍ഡ് ഹിന്ദി പക്ഷാചരണത്തോടനുബന്ധിച്ച് ജില്ലയിലെ സ്‌കൂളുകളിലെ ഹിന്ദി അധ്യാപകര്‍ക്കും വിദ്യാര്‍ത്ഥികള്‍ക്കുമായി ഹിന്ദി  കവിത രചന മത്സരം സംഘടിപ്പിക്കുന്നു.  അഞ്ച് മുതല്‍ ഏഴ് വരെ ക്ലാസുകളിലെ വിദ്യാര്‍ത്ഥികള്‍ക്ക് ജൂനിയര്‍ വിഭാഗത്തിലും എട്ട് മുതല്‍ പത്ത് വരെയുളളവര്‍ക്ക് സീനിയര്‍ വിഭാഗത്തിലും പങ്കെടുക്കാം.  'അനൂഠാ നാരിയല്‍ മഹിമ അപാര്‍'(അദ്വിതീയം നാളികേരം, മഹിമ അപാരം) എന്നതാണ് മത്സര വിഷയം.

ഏലൂർ നഗരസഭയിലെ ഹരിത കർമ്മ സേനാംഗങ്ങൾക്ക് ഓണം പ്രമാണിച്ച് 7500 രൂപ ബോണസും ശമ്പള വർധനയും നൽകാൻ തീരുമാനം. ദിവസ കൂലിയിൽ 40 രൂപ വർദ്ധിപ്പിച്ച് 675 രൂപ നൽകാനാണ് ഹരിത കർമ്മസേന കൺസോഷ്യത്തിന്റെ തീരുമാനം. നിലവിൽ 635 രൂപയാണ് ഓരോ അംഗത്തിനും ലഭിക്കുന്നത്. 

യൂസർ ഫീ കളക്ഷൻ കൂടുന്നതനുസരിച്ച് ഭാവിയിൽ ശമ്പളം വർധിപ്പിക്കാൻ ആലോചനയുണ്ട്. മുൻസിപ്പാലിറ്റിയിലെ 23 സേനാംഗങ്ങൾക്ക് പുതിയ യൂണിഫോം ഉടൻതന്നെ വിതരണം ചെയ്യുമെന്ന് ചെയർമാൻ എ.ഡി സുജില്‍ അറിയിച്ചു. 

 ആദ്യപ്രദർശനം ബുധനാഴ്ച (ആഗസ്റ്റ് 9)

 കൊച്ചി സിറ്റി ട്രാഫിക് പോലീസിന്റെ ട്രാഫിക് ബോധവൽക്കരണ പരിപാടി ശുഭയാത്രയുടെ ഭാഗമായി തയാറാക്കിയ ശുഭയാത്ര എന്ന ഹ്രസ്വ ചിത്രത്തിന്റെ ആദ്യപ്രദർശനം ബുധനാഴ്ച (ആഗസ്റ്റ് 9) രാവിലെ 9.30ന് ഷേണായിസ് തീയറ്ററിൽ നടക്കും. കൊച്ചി മേയർ അഡ്വ. എം. അനിൽ കുമാർ, ജില്ലാ കളക്ടർ എൻ. എസ്. കെ ഉമേഷ്, സിറ്റി പോലീസ് കമ്മീഷണർ കെ. സേതുരാമൻ   എന്നിവർ ചേർന്ന് ചിത്രത്തിന്റെ ആദ്യ പ്രദർശനം ഉദ്ഘാടനം ചെയ്യും. 

തൃശൂർ മാനസികാരോഗ്യ കേന്ദ്രത്തിലെ മെഡിക്കൽ റെക്കോർഡ്  ലൈബ്രറിയിലേക്ക് ഹൈ എൻഡ് കമ്പ്യൂട്ടർ വിതരണം ചെയ്യുന്നതിനായി വ്യക്തികളിൽ / സ്ഥാപനങ്ങളിൽ നിന്ന് ടെൻഡർ ക്ഷണിച്ചു. ടെൻഡർ അവസാനിക്കുന്ന തീയതി സെപ്റ്റംബർ 9ന് രാവിലെ 11 മണി. ഫോൺ : 0487 2383684.

തൃശൂർ മാനസികാരോഗ്യ കേന്ദ്രത്തിൽ പ്രവേശിപ്പിച്ച രോഗികളുടെ ലാബ് ടെസ്റ്റുകൾ ചെയ്തു നൽകുന്നതിനായി വ്യക്തികൾ/സ്ഥാപനങ്ങളിൽ നിന്നും ടെൻഡറുകൾ ക്ഷണിക്കുന്നു. സെപ്റ്റംബർ 1 മുതൽ രണ്ടുവർഷ കാലയളവിലേയ്ക്കാണ് ടെൻഡർ ക്ഷണിക്കുന്നത്. ടെൻഡർ ലഭിക്കേണ്ട അവസാന തീയതി ഓഗസ്റ്റ് 25 ന് രാവിലെ 11 മണി. ഫോൺ: 0487 2383684.

തൃശൂർ ജില്ലയിലെ കോൾപ്പടവ് പ്രതിനിധികളുടേയും ബന്ധപ്പെട്ട ഉദ്യോഗസ്ഥരുടേയും സംയുക്ത വാർഷിക പൊതുയോഗം ഓഗസ്റ്റ് 14 തിങ്കളാഴ്ച്ച രാവിലെ 11 മണിക്ക് തൃശൂർ ജില്ലാ പ്ലാനിംഗ് ഹാളിൽ വച്ച് നടക്കും.  വാർഷിക പൊതുയോഗത്തിൽ നിന്നും കോൾ ഉപദേശ സമിതിയിലേയ്ക്ക് 11 കർഷക പ്രതിനിധികളെ തെരഞ്ഞെടുക്കുന്നതാണ്.

മാടക്കത്തറ പഞ്ചായത്ത് പതിനഞ്ചാം വാർഡ് താണിക്കുടത്ത് ഉപതെരഞ്ഞെടുപ്പ് നടക്കുന്ന ഓഗസ്റ്റ് 10ന് വാർഡ് പരിധിയിലെ വിദ്യാഭ്യാസ സ്ഥാപനങ്ങൾക്കും സർക്കാർ, അർധ സർക്കാർ സ്ഥാപനങ്ങൾക്കും ജില്ലാ കലക്ടർ അവധി പ്രഖ്യാപിച്ചു. പോളിംഗ് സ്റ്റേഷനായി തീരുമാനിച്ച വിദ്യാഭ്യാസ സ്ഥാപനങ്ങൾക്ക് 9നും അവധിയായിരിക്കും.