കേരള ഓര്‍ഫനേജ് കണ്‍ട്രോള്‍ ബോര്‍ഡിന്റെയും ജില്ലാ സാമൂഹ്യനീതി കാര്യാലയത്തിന്റെയും നേതൃത്വത്തില്‍ കെയര്‍ടേക്കര്‍മാര്‍ക്കായി ജില്ലാതല ഏകദിന പരിശീലന പരിപാടി നടത്തി. ഓര്‍ഫനേജ് കണ്‍ട്രോള്‍ ബോര്‍ഡിന്റെ അംഗീകാരത്തോടെ പ്രവര്‍ത്തിക്കുന്ന ക്ഷേമസ്ഥാപനങ്ങള്‍ക്കായാണ് പരിശീലന പരിപാടി സംഘടിപ്പിച്ചത്. പോലീസ് കോ ഓപ്പറേറ്റീവ് സൊസൈറ്റി ഹാളില്‍ നടന്ന പരിപാടി ഓര്‍ഫനേജ്  കണ്‍ട്രോള്‍ ബോര്‍ഡ് ചെയര്‍മാന്‍ എന്‍ അലി അബ്ദുള്ള ഉദ്ഘാടനം ചെയ്തു. ഓര്‍ഫനേജ് കണ്‍ട്രോള്‍ ബോര്‍ഡ് അംഗം സിസ്റ്റര്‍ വിനീത ഡി എസ് എസ് അധ്യക്ഷത വഹിച്ചു. ജില്ലാ ആശുപത്രിയിലെ ജൂനിയര്‍ കണ്‍സള്‍ട്ടന്റ് ഡോ. പി ലത,  നോഡല്‍ ഓഫീസര്‍ ഡോ.

 ഫെബ്രുവരി 17  ന് ശനിയാഴ്ച  കണ്ണൂർ  ജില്ലയിൽ  ഉയർന്ന താപനില 38°C വരെ (സാധാരണയെക്കാൾ 3 - 4 °C കൂടുതൽ)  ഉയരാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. കോഴിക്കോട് , കോട്ടയം , ആലപ്പുഴ ജില്ലകളിലും താപനില ഉയരും.
സൂര്യാഘാതം, സൂര്യാതപം, നിർജ്ജലീകരണം തുടങ്ങി നിരവധി ഗുരുതരമായ  ആരോഗ്യപ്രശ്നങ്ങൾക്ക്  ഉയർന്ന ചൂട്  കാരണമാകുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രതാ നിർദേശങ്ങൾ പുറത്തിറക്കി.

കോട്ടയം: ആർ.ആർ. കോടതി പിഴ കുടിശികയിനത്തിൽ 25000 രൂപ ഈടാക്കുന്നതിന് ജപ്തി ചെയ്ത കാഞ്ഞിരപ്പള്ളി താലൂക്കിൽ കൂട്ടിക്കൽ വില്ലേജിൽ ബ്ലോക്ക് 76ൽ റീസർവേ നമ്പർ 143/2- 7ൽ പെട്ട 06.00 ആർ വസ്തു ഫെബ്രുവരി 22ന് രാവിലെ 11ന് കൂട്ടിക്കൽ വില്ലേജ് ഓഫീസിൽ ലേലം ചെയ്യും. വിശദവിവരത്തിന് ഫോൺ: 04828202331.

•   94 വനിതകൾക്ക്‌ സൗജന്യ പരിശീലനം നൽകി

സംസ്ഥാനത്ത് ഉയര്‍ന്ന ചൂട് റിപ്പോര്‍ട്ട് ചെയ്യപ്പെട്ട സാഹചര്യത്തില്‍ സംസ്ഥാന ദുരന്തനിവാരണ അതോറിറ്റി പൊതുജനങ്ങള്‍ക്കായി ജാഗ്രതാ നിര്‍ദേശം പുറപ്പെടുവിച്ചു. ഉയര്‍ന്ന ചൂട് സൂര്യാഘാതം, സൂര്യാതപം, നിര്‍ജ്ജലീകരണം തുടങ്ങിയ നിരവധി ഗുരുതരമായ  ആരോഗ്യപ്രശ്നങ്ങള്‍ക്ക് കാരണമാകും. അതുകൊണ്ട് പൊതുജനങ്ങള്‍ താഴെപറയുന്ന നിര്‍ദേശങ്ങള്‍ പാലിക്കേണ്ടതാണെന്ന് ദുരന്ത നിവാരണ അതോറിറ്റി അധികൃതര്‍ അറിയിച്ചു.

ശ്രദ്ധിക്കേണ്ട കാര്യങ്ങള്‍

കുട്ടിക്കാനം മാര്‍ ബസേലിയോസ് കോളേജിന്റെ സഹകരണത്തോടെ ഇടുക്കി ജില്ലാ എംപ്ലോയ്മെന്റ് എക്സ്ചേഞ്ച് സംഘടിപ്പിക്കുന്ന മെഗാ ജോബ് ഫെയര്‍ ഇന്ന് (17) മാര്‍ ബസേലിയോസ് കോളേജില്‍ നടക്കും.  രാവിലെ 10 മണിക്ക് അഡ്വ. ഡീന്‍ കുര്യാക്കോസ് എം.പി. മേള  ഉദ്ഘാടനം ചെയ്യും. വാഴൂര്‍ സോമന്‍ എം.എല്‍.എ. അധ്യക്ഷത വഹിക്കും. ഇടുക്കി ജില്ലാ പഞ്ചായത്ത് പ്രസിഡന്റ്  കെ ടി ബിനു മുഖ്യപ്രഭാഷണം നിര്‍വഹിക്കും.

ആകാശവാണി ദേവികുളം നിലയത്തിന്റെയും തൂക്കുപാലം കാപ്കോ സാംസ്‌കാരിക വേദിയുടെയും സംയുക്താഭിമുഖ്യത്തില്‍ റേഡിയോ കര്‍ഷക ദിനം ആഘോഷിച്ചു. തൂക്കുപാലം മംഗല്യ ഓഡിറ്റോറിയത്തില്‍ നടന്ന പരിപാടി നെടുങ്കണ്ടം ബ്ലോക്ക് പഞ്ചായത്ത് പ്രസിഡന്റ് കെ ടി കുഞ്ഞ് ഉദ്ഘാടനം ചെയ്തു. ആകാശവാണി ദേവികുളം നിലയം പ്രോഗ്രാം മേധാവി മനേഷ് എം പി അധ്യക്ഷനായി. ചടങ്ങില്‍ അഞ്ച് മുതിര്‍ന്ന കര്‍ഷകരെ ആദരിച്ചു. വാത്തിക്കുടി മൃഗസംരക്ഷണ കേന്ദ്രത്തിലെ വെറ്ററിനറി സര്‍ജന്‍ ഡോ. റോമിയോ സണ്ണിയും മൈലാടുംപാറ ഏലം ഗവേഷണ കേന്ദ്രത്തിലെ ശാസ്ത്രജ്ഞന്‍ ഡോ. കെ ധനപാലും കര്‍ഷകര്‍ക്കായി പഠന ക്‌ളാസുകള്‍ നടത്തി.

ഇടുക്കി വൈല്‍ഡ് ലൈഫ് വാര്‍ഡന്‍ ഓഫീസിലെ മരാമത്ത് പണികള്‍ക്ക് അംഗീകൃത പൊതുമരാമത്ത് കരാറുകാരില്‍ നിന്നും മത്സരസ്വഭാവമുള്ളതും മുദ്രവെച്ചതുമായ ടെന്‍ഡറുകള്‍ ക്ഷണിച്ചു. ഇടുക്കി വന്യജീവി സങ്കേതത്തിലെ വെളളാപ്പാറയിലുളള   വൈല്‍ഡ് ലൈഫ് വാര്‍ഡന്റെ ക്വാര്‍ട്ടേഴ്സ് കെട്ടിടത്തിന്റെ പുറംഭാഗവും ചുറ്റുമതിലും ഗെയിറ്റും പെയിന്റ് ചെയ്യല്‍, വെളളാപ്പാറയിലെ  ഫോറസ്റ്റ് ഐ.ബി. യുടെ മുന്‍ഭാഗവും വലതുവശത്തുളള ചുറ്റുമതിലും പെയിന്റ് ചെയ്യല്‍ എന്നീ പ്രവൃത്തികള്‍ക്കാണ് ടെന്‍ഡര്‍ ക്ഷണിച്ചത്. ടെന്‍ഡറുകള്‍ ഫെബ്രുവരി 23ന് ഉച്ചയ്ക്ക് മൂന്ന് മണിക്ക് മുമ്പ് വൈല്‍ഡ് ലൈഫ് ഡിവിഷന്‍ ഇടുക്കി ഓഫീസില്‍ ലഭിക്കണം.

ഇടുക്കി ജില്ലയിലെ പാചകവാതക ഉപഭോക്താക്കളുടെ പരാതികള്‍ കേള്‍ക്കുന്നതിനും പരിഹരിക്കുന്നതിനും ഉപഭോക്താക്കള്‍, ഉപഭോക്തൃസംഘടനകള്‍, എണ്ണക്കമ്പനി പ്രതിനിധികള്‍, പാചകവാതക ഏജന്‍സികള്‍ എന്നിവരെ ഉള്‍പ്പെടുത്തിയിട്ടുള്ള എല്‍.പി.ജി. ഓപ്പണ്‍ ഫോറം ഫെബ്രുവരി 27 ന് ചൊവ്വാഴ്ച രാവിലെ 11 മണിക്ക് ഇടുക്കി ജില്ലാ കളക്ടറേറ്റ് കോണ്‍ഫറന്‍സ് ഹാളില്‍ ചേരും. ബന്ധപ്പെട്ടവര്‍ കൃത്യസമയം പാലിച്ച് പങ്കെടുക്കണമെന്ന് ജില്ലാ സപ്ലൈ ഓഫീസര്‍ അറിയിച്ചു.

 ഉടുമ്പന്‍ചോല താലൂക്കിലെ രാജാക്കാട് വില്ലേജില്‍ ഉള്‍പ്പെടുന്ന പ്രദേശങ്ങളിലെ ഡിജിറ്റല്‍ സര്‍വെ , കേരള സര്‍വെയും അതിരടയാളവും പൂര്‍ത്തിയായി. സര്‍വെ രേഖകള്‍ ലിലേയവീീാശ.സലൃമഹമ.ഴീ്.ശി എന്ന പോര്‍ട്ടലിലും രാജാക്കാട് എല്‍.എ. സര്‍വെ സൂപ്രണ്ട് ഓഫീസിലും പരിശോധനയ്ക്ക് ലഭ്യമാണ്. രേഖകളില്‍ ആക്ഷേപമുള്ളവര്‍  30 ദിവസങ്ങള്‍ക്കകം എ.എല്‍.സി ഫോറം 160 ല്‍ നേരിട്ടോ എന്റെ ഭൂമി പോര്‍ട്ടല്‍ മുഖേന ഓണ്‍ലൈനായോ അപ്പീല്‍ സമര്‍പ്പിക്കണം.