ഹോമിയോപ്പതി വകുപ്പ് ജില്ലയില്‍ ഗ്രാമപഞ്ചായത്ത് തലത്തില്‍ ആരംഭിക്കുന്ന സ്‌പെഷ്യാലിറ്റി മെഡിക്കല്‍ ക്യാമ്പുകളുടെ സൗഹാര്‍ദ്ദം-2017  ജില്ലാതല ഉദ്ഘാടനം നവംബര്‍ 27ന് പൂതാടി ഗ്രാമപഞ്ചായത്തിലെ വാകേരി ജി.വി.എച്ച്.എസ്.എസ്.-ല്‍ നടക്കും.  പൂതാടി ഗ്രാമപഞ്ചായത്ത് പ്രസിഡന്റിന്റെ അധ്യക്ഷതയില്‍ ജില്ലാ കളക്ടര്‍ എസ്. സുഹാസ് ഉദ്ഘാടനം ചെയ്യും.

                മുത്തങ്ങ ഭൂസമരത്തില്‍ പങ്കെടുത്തവര്‍ക്കുള്ള കൈവശരേഖ വിതരണം നവംബര്‍ 28ന് രാവിലെ 11.30ന് വൈത്തിരി ഗ്രാമപഞ്ചായത്ത് കമ്മ്യൂണിറ്റി ഹാളില്‍ നടക്കും.

    പ്രൊഫഷനല്‍ കോഴ്സുകളില്‍ ഒന്നാം വര്‍ഷം പഠിക്കുന്ന വിമുക്തഭടന്‍മാരുടെ കുട്ടികള്‍ക്കും യുദ്ധസമാന സാഹചര്യങ്ങളില്‍ മരിച്ച ജവാന്‍മാരുടെ വിധവകള്‍ക്കും  പ്രധാനമന്ത്രിയുടെ 2017-18ലെ മെറിറ്റ് സ്കോളര്‍ഷിപ്പിന് അപേക്ഷിക്കാം. സയെ.ഴീ്.ശില്‍ ഓണ്‍ലൈനായി നവംബര്‍ 30 വരെ അപേക്ഷ സ്വീകരിക്കും. കൂടുതല്‍ വിവരം ജില്ലാ സൈനികക്ഷേമ ഓഫീസിലും 0491 2501633 നമ്പറില്‍ അറിയാം. 

    ഫോട്ടായില്‍ കാണുന്ന സനല്‍കുമാര്‍ (60), ശ്രീലകം , വാക്കാട്കളം, വടവന്നൂര്‍ നവംബര്‍ 21 വൈകീട്ട് 4.30ന് വീട്ടില്‍ നിന്ന് ഇറങ്ങി പോയതിന് ശേഷം തിരിച്ച് വന്നിട്ടില്ല. എന്തെങ്കിലും വിവരം ലഭിക്കുന്നവര്‍ കൊല്ലങ്കോട് പൊലീസ് സ്റ്റേഷനില്‍ അറിയിക്കണം. 
 

കോഴിക്കോട് ജില്ലയിലെ വിവിധ വകുപ്പുകളില്‍ ഡ്രൈവര്‍ (എന്‍.സി.എ- മുസ്്‌ലിം- കാറ്റഗറി നമ്പര്‍ 614/15) തസ്തികയുടെ അംഗീകരിച്ച ചുരുക്കപ്പട്ടിക പ്രസിദ്ധീകരിച്ചു. പരിശോധനയ്ക്കായി ജില്ലാ ഇന്‍ഫര്‍മേഷന്‍ സെന്ററില്‍ ലഭ്യമാണ്.

ജില്ലയിലെ തദ്ദേശഭരണ സ്ഥാപനങ്ങള്‍ പദ്ധതി നിര്‍വഹണ പുരോഗതിയില്‍ രണ്ടാമതാണെന്നും പദ്ധതി നിര്‍വ്വഹണ ഉദ്യോഗസ്ഥരുടെ കുറവ് അടിയന്തിരമായി  പരിഹരിക്കുമെന്നും തദ്ദേശസ്വയംഭരണ വകുപ്പ് മന്ത്രി ഡോ. കെ. ടി. ജലീല്‍. ജില്ലയുടെ സംസ്ഥാനതല വാര്‍ഷിക പദ്ധതി നിര്‍വഹണ പുരോഗതി കോട്ടയം മാമ്മന്‍ മാപ്പിള ഹാളില്‍ അവലോകനം ചെയ്യുകയായിരുന്നു അദ്ദേഹം. ജില്ലയില്‍  ചിലയിടത്തെങ്കിലും നിര്‍വ്വഹണ ഉദ്യോഗസ്ഥരുടെ അഭാവം പദ്ധതി പുരോഗതിയെ ബാധിച്ചിട്ടുണ്ട്. ഈ കുറവ് അടിയന്തിരമായി പരിഹരിക്കും.