സംസ്ഥാന സര്‍ക്കാര്‍ ദശലക്ഷക്കണക്കിനു വരുന്ന ഭക്തജനങ്ങള്‍ക്കൊപ്പമാണ് നിലകൊള്ളുന്നതെന്നും അല്ലാതെ അമ്പലം വിഴുങ്ങികളോടൊപ്പമല്ലെന്നും ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. ശബരിമല സന്നിധാനത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. 

വനാതിര്ത്തിോ പങ്കിടുന്ന പ്രദേശങ്ങളിലെ വനം-റവന്യു തര്ക്കടഭൂമി പ്രശ്ന പരിഹാരത്തിനായി വനം-റവന്യുവകുപ്പ് സംയുക്ത മന്ത്രിതല യോഗം ചേരുമെന്ന് വനം-മൃഗസംരക്ഷണ വകുപ്പ് മന്ത്രി കെ. രാജു പറഞ്ഞു. മണ്ണാര്ക്കാ ട്  വനം ഡിവിഷന് കീഴില്‍ പുതൂര്‍ മാതൃകാ വനം സ്റ്റേഷനില്‍ പുതുതായി നിര്മിവച്ച കെട്ടിടം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. 

വനം-വന്യജീവി സംരക്ഷണം ശക്തിപ്പെടുത്തുന്നതിനായി സംസ്ഥാനത്ത് കൂടുതൽ മാതൃകാ ഫോറസ്റ്റ് സ്റ്റേഷനുകൾ നിർമിക്കുമെന്ന് വനം-മൃഗസംരക്ഷണ വകുപ്പ് മന്ത്രി കെ.രാജു പറഞ്ഞു. മണ്ണാർക്കാട് വനം  ഡിവിഷന് കീഴിൽ പുതുതായി നിർമിച്ച പാലക്കയം മാതൃകാ ഫോറസ്റ്റ് സ്റ്റേഷൻ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

    ജില്ലാ മൃഗസംരക്ഷണ ഓഫീസിലെ കെ.എല്‍ 01 ആര്‍ 2641 നമ്പര്‍ അബാസഡര്‍ കാര്‍ നവംബര്‍ 18ന് രാവിലെ 11ന് മലപ്പുറം ജില്ലാ മൃഗസംരക്ഷണ ഓഫീസില്‍ ലേലം ചെയ്യും.

          ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ ഓഫീസിലേക്ക് കോണ്‍ട്രാക്ട് അടിസ്ഥാനത്തില്‍ വാഹനം  ആവശ്യമുണ്ട്.  വിശദ വിവരങ്ങള്‍ക്ക് ഓഫീസുമായി ബന്ധപ്പെടുക

സ്വകാര്യ മെഡിക്കല്‍ സ്ഥാപനങ്ങളെ കുറിച്ച് സര്‍വ്വെ നടത്തുന്നതിന്റെ ഭാഗമായി സാമ്പത്തിക സ്ഥിതി വിവര വകുപ്പിന്റെ ആഭിമുഖ്യത്തില്‍ ജീവനക്കാര്‍ക്ക് വേണ്ടി പരിശീലന പരിപാടി സംഘടിപ്പിച്ചു.  മലപ്പുറം ദാരിദ്ര്യ ലഘൂകരണ വിഭാഗം ഹാളില്‍ നടന്ന പരിപാടി ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.  
ഡെപ്യൂട്ടി ഡയറക്ടര്‍ ഉസ്മാന്‍ ഷെരീഫ് കൂരി, സി.പി മോഹനന്‍, ജില്ലാ മെഡിക്കല്‍ ഓഫീസര്‍ ഡോ. സക്കീന, ഡോ. ആശ, എന്‍.വി മധുസൂദനന്‍ തുടങ്ങിയവര്‍ പങ്കെടുത്തു.  പി.എം. ഹസീബുള്ള, കെ. മുഹമ്മദ് ഷെരീഫ്, ഷമീര്‍ മോന്‍ സി, സെയ്തലവി.കെ.ടി എന്നിവര്‍ ക്ലാസെടുത്തു.

മഞ്ചേരി കെ.എസ്.ഇ.ബി ഇലക്ട്രിക്കല്‍ ഡിവിഷന്‍ ഓഫീസ് മുഖേന പെന്‍ഷന്‍ വാങ്ങുന്നവര്‍ ഡിസംബര്‍ 15നകം ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

പെരിന്തല്‍മണ്ണ, നിലമ്പൂര്‍, കൊണ്ടോട്ടി, മലപ്പുറം, പൊന്നാനി ബ്ലോക്കുകളില്‍ രാത്രികാല മൃഗചികിത്സ നടത്തുന്നതിന് വെറ്ററിനറി സയന്‍സില്‍ ബിരുദവും വെറ്ററിനറി കൗണ്‍സില്‍ രജിസ്‌ട്രേഷനുമുള്ള വെറ്ററിനറി ഡോക്ടര്‍മാരുടെയും കായികക്ഷമതയുള്ള അറ്റന്റന്റ്മാരുടെയും ഒഴിവിലേക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ മലപ്പുറം സിവില്‍ സ്റ്റേഷനിലെ ജില്ലാ മൃഗസംരക്ഷണ ഓഫീസില്‍ നവംബര്‍ 17ന് രാവിലെ 10.30ന് രേഖകള്‍ സഹിതം കൂടിക്കാഴ്ചയ്ക്ക് എത്തണം.

അക്ഷയ പതിനഞ്ചാം വാര്‍ഷികത്തിന്റെ ഭാഗമായി ശിശുദിനത്തില്‍ (ഇന്ന്) 15 വയസ്സിന് താഴെയുള്ള കുട്ടികള്‍ക്ക് അക്ഷയ ആധാര്‍ എന്റോള്‍മെന്റ് സെന്ററുകളില്‍  ആധാര്‍ എടുക്കുന്നതിനും, എഡിറ്റിംഗിനും   മുന്‍ഗണന ലഭിക്കുമെന്ന് അക്ഷയ ജില്ലാ പ്രൊജക്ട് മാനേജര്‍ കിരണ്‍ എസ് മേനോന്‍ അറിയിച്ചു.