കൊല്ലം-തിരുമംഗലം ദേശീയ പാതയില്‍(എന്‍.എച്ച് 744) കൊല്ലം ചിന്നക്കട മുതല്‍ ചന്ദനത്തോപ്പ് വരെയുള്ള പരസ്യബോര്‍ഡുകളും അനധികൃത ഇറക്കുകളും കൊല്ലം കോര്‍പ്പറേഷന്റെയും ദേശീയപാതാ വിഭാഗത്തിന്റെയും സംയുക്താഭിമുഖ്യത്തില്‍ നവംബര്‍ 15ന് നീക്കം ചെയ്യുമെന്ന് എക്‌സിക്യുട്ടീവ് എന്‍ജിനീയര്‍ അറിയിച്ചു. 

 (പി.ആര്‍.കെ.നമ്പര്‍  2555/17)

സാക്ഷരതാ മിഷന്‍ ചിറ്റുമലയില്‍ സംഘടിപ്പിച്ച തുടര്‍വിദ്യാഭ്യാസ കലോത്സവത്തില്‍ 73 പോയിന്റോടെ അഞ്ചല്‍ ബ്ലോക്ക് പഞ്ചായത്ത് കിരീടം നേടി. കൊട്ടാരക്കര നഗരസഭയും(52) ചിറ്റുമല ബ്ലോക്ക് പഞ്ചായത്തു(31) മാണ് യഥാക്രമം രണ്ടും മൂന്നും സ്ഥാനങ്ങളില്‍.30 പോയിന്റ് നേടിയ ട്രാന്‍സ്‌ജെന്‍ഡേഴ്‌സിന് പ്രത്യേക സമ്മാനം നല്‍കി. 

സമാപന സമ്മേളനം ഉദ്ഘാടനം ചെയ്ത കോവൂര്‍ കുഞ്ഞുമോന്‍ എം.എല്‍.എ സമ്മാനദാനം നിര്‍വഹിച്ചു. ഘോഷയാത്രയില്‍ കരുനാഗപ്പള്ളി നഗരസഭ ഒന്നാം സ്ഥാനവും കൊട്ടാരക്കര നഗരസഭ രണ്ടാം സ്ഥാനവും നേടി. 

ശിശുദിനാഘോഷ റാലിയും പൊതുസമ്മേളനവും സംബന്ധിച്ചുള്ള ആലോചനാ യോഗം ഇന്ന് (നവംബര്‍ 9) വൈകിട്ട് നാലിന് കലക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

ജില്ലാ കലക്ടര്‍ ഡോ. എസ്. കാര്‍ത്തികേയന്റെ അധ്യക്ഷതയില്‍ ചേരുന്ന യോഗത്തില്‍ കൊല്ലം വിദ്യാഭ്യാസ ജില്ലയിലെ ഹെഡ്മാസ്റ്റര്‍മാരും പങ്കെടുക്കണമെന്ന് ശിശുക്ഷേമ സെക്രട്ടറി ആര്‍. സന്തോഷ് അറിയിച്ചു.

(പി.ആര്‍.കെ.നമ്പര്‍  2553/17)

നവംബര്‍ മാസത്തെ ജില്ലാ വികസന സമിതി യോഗം 25ന് രാവിലെ 11ന് ജില്ലാ കലക്ടറുടെ അധ്യക്ഷതയില്‍ കലക്‌ട്രേറ്റ് സമ്മേളന ഹാളില്‍ ചേരും.

(പി.ആര്‍.കെ.നമ്പര്‍  2552/17)

ശുചിത്വ കൊല്ലം പദ്ധതിയുമായി ബന്ധപ്പെട്ട് ജില്ലയിലെ മാലിന്യ പ്രശ്‌നങ്ങളെ കുറിച്ചും മാലിന്യ സംസ്‌കരണ മാര്‍ഗങ്ങളെക്കുറിച്ചും ചര്‍ച്ച ചെയ്യുന്നതിനുള്ള യോഗം നാളെ(നവംബര്‍ 10) വൈകുന്നേരം 3.30ന്  കൊല്ലം ടൗണ്‍ ഹാളില്‍ നടക്കും. ഫിഷറീസ് മന്ത്രി ജെ. മേഴ്‌സിക്കുട്ടിയമ്മ അധ്യക്ഷത വഹിക്കും.

ജില്ലാ നിയമ സേവന അതോറിറ്റി നിയമസേവന ദിനാചരണത്തോടനുബന്ധിച്ച് സംഘടിപ്പിക്കുന്ന ദശദിന പ്രചാരണ പരിപാടിയുടെ ഉദ്ഘാടനം ഇന്ന്(നവംബര്‍ ഒമ്പത്) രാവിലെ പത്തിന് ജില്ലാ പഞ്ചായത്ത് ഐ.ടി. ഹാളില്‍  അതോറിറ്റി ചെയര്‍മാന്‍ ജില്ലാ ആന്റ് സെഷന്‍സ് ജഡ്ജി ഇ. എം. മുഹമ്മദ് ഇബ്രാഹിം നിര്‍വഹിക്കും. ജില്ലാ പഞ്ചായത്ത് പ്രസിഡന്റ് കെ. ജഗദമ്മ അധ്യക്ഷത വഹിക്കും. 

പാലക്കാട് വ്യാവസായിക ട്രൈബ്യൂണലും, ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ നവംബര്‍ 13, 14, 20, 21, 27, 28 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളിലും(ആര്‍.ഡി.ഒ കോര്‍ട്ട്) ഇന്ന് (നവംബര്‍ 9) പെരിന്തല്‍മണ്ണ സബ് ഡിവിഷണല്‍ മജിസ്‌ട്രേറ്റ് കോടതി ഹാളിലും 17ന് മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിംഗിലെ ഒന്നാം നിലവിലെ കോടതി ഹാളിലും 24നകം തിരൂര്‍ സബ് കളക്ടറുടെ കാര്യാലയത്തിലെ രണ്ടാം നിലയിലെ കോര്‍ട്ട് ഹാളിലും തൊഴില്‍ തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.4770/17

 ദേശീയ ഭക്ഷ്യഭദ്രതാ നിയമം നടപ്പിലാക്കുന്നതിന്റെ ഭാഗമായി റേഷന്‍ വ്യാപാരികളുടെ പാക്കേജിന് മന്ത്രിസഭ അംഗീകാരം നല്‍കിയതായി ഭക്ഷ്യസിവില്‍ സപ്ലൈസ് വകുപ്പ് മന്ത്രി പി. തിലോത്തമന്‍ വാര്‍ത്താസമ്മേളനത്തില്‍ അറിയിച്ചു.

എല്ലാ സ്‌കൂളുകളിലും മികച്ച പഠനാനുഭവം ഉറപ്പാക്കി സര്‍ക്കാര്‍ സ്‌കൂളുകളിലേക്ക് കൂടുതല്‍ കുട്ടികളെ ആകര്‍ഷിക്കാന്‍ ഉപജില്ലാ വിദ്യാഭ്യാസ ഓഫീസര്‍മാര്‍ക്കും ഹെഡ്മാസ്റ്റര്‍മാര്‍ക്കും കഴിയുമെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. സീമാറ്റ്-കേരളയുടെ ആഭിമുഖ്യത്തില്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ഉപജില്ലാ വിദ്യാഭ്യാസ ഓഫീസര്‍മാരുടെ സംസ്ഥാനതല അവലോകന യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. 

കാല്‍ നൂറ്റാണ്ടിനുശേഷം സംസ്ഥാന മൃഗസംരക്ഷണ വകുപ്പ് സംഘടിപ്പിക്കുന്ന ദേശീയ പക്ഷി-മൃഗ പ്രദര്‍ശനം നാളെ (നവംബര്‍ 10) മുതല്‍ ആശ്രാമം മൈതാനത്ത് ആരംഭിക്കും. മൂന്ന് ദിവസം നീളുന്ന മേള നവംബര്‍ 10 ന് വൈകിട്ട് അഞ്ചിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മന്ത്രി കെ.രാജു അദ്ധ്യക്ഷനായിരിക്കും.