ജില്ലാതല നെയ്ബർഹുഡ് യൂത്ത് പാർലമെന്റ് ഉദ്ഘാടനം ഇന്ന്

നെഹ്റു യുവകേന്ദ്രയുടെ ആഭിമുഖ്യത്തിൽ പാലക്കാട് കാലിക്കറ്റ് യൂണിവേഴ്സിറ്റി എൻ.എസ്.എസ് യൂണിറ്റിന്റെ സഹകരണത്തോടെ ഇന്ന് (ഫെബ്രുവരി 17ന്) രാവിലെ 10 മുതൽ വൈകിട്ട് 3.30 വരെ ഷാദി മഹലിൽ നടക്കുന്ന ജില്ലാതല നെയ്ബർഹുഡ് യൂത്ത് പാർലമെന്റിന്റെ ഉദ്ഘാടനവും ക്യാച്ച് ദി റൈൻ മൂന്നാംഘട്ടത്തിന്റെ ലോഞ്ചിങ്ങും വി.കെ ശ്രീകണ്ഠൻ എം.പി നിർവഹിക്കും. ജില്ലാ കലക്ടർ ഡോ.ചിത്ര അധ്യക്ഷയാവുന്ന പരിപാടിയിൽ ജില്ലാ പ്ലാനിംഗ് ഓഫീസർ ഏലിയാമ്മ നിനാൻ സ്പോർട്സ് കിറ്റ് വിതരണം ചെയ്യും. രാവിലെ 11 ന് യൂത്ത് ആൻഡ് കമ്മ്യൂണിറ്റി ഡെവലപ്മെന്റ് എന്ന വിഷയത്തിൽ ബ്രഹ്മനായകം മഹാദേവൻ ക്ലാസ്സെടുക്കും. ഉച്ചയ്ക്ക് രണ്ടിന് കലാപരിപാടികൾ ഉണ്ടായിരിക്കും. വൈകിട്ട് മൂന്നിന് ഇന്ത്യാസ് ജി20 പ്രസിഡൻസി എന്ന വിഷയത്തിൽ അഡ്വ. റെബിൻ വിൻസന്റ് ഗ്രാലൻ ക്ലാസ്സെടുക്കും. ജില്ലാ ഇൻഫർമേഷൻ ഓഫീസർ പ്രിയ ഉണ്ണികൃഷ്ണൻ, എൻ.വൈ.കെ ജില്ലാ യൂത്ത് ഓഫീസർ സി. ബിൻസി, എൻ.എസ്.എസ് ജില്ലാ കോ-ഓർഡിനേറ്റർ മുഹമ്മദ് റഫീഖ്, വിക്ടോറിയ കോളെജ് എൻ.എസ്.എസ് പ്രോഗ്രാം ഓഫീസർ സി.എസ് സന്ധ്യ, ഒറ്റപ്പാലം എൻ.എസ്.എസ് കോളെജ് എൻ.എസ്.എസ് പ്രോഗ്രാം ഓഫീസർ ഹിമ, എൻ.വൈ.കെ അക്കൗണ്ട്സ് ആൻഡ് പ്രോഗ്രാം ഓഫീസർ എൻ. കർപ്പക്കം എന്നിവർ പരിപാടിയിൽ പങ്കെടുക്കും.