Post Category
ഫ്ളാഷ്മോബ്
കടയ്ക്കല് താലൂക്ക് ആശുപത്രിയുടെ ആഭിമുഖ്യത്തില് ശുചിത്വകേരളമെന്ന വിഷയത്തില് കടയ്ക്കല് ബസ് സ്റ്റാന്ഡില് ഫ്ളാഷ്മോബ് സംഘടിപ്പിച്ചു. പൊതുജനാരോഗ്യം മുന്നിര്ത്തി മാലിന്യം വലിച്ചെറിയല്, ഇ- വേസ്റ്റ് മാനേജ്മെന്റ്, വ്യക്തിശുചിത്വം തുടങ്ങിയവയെക്കുറിച്ച് അവബോധം നല്കുകയാണ് ലക്ഷ്യം. പാരിപ്പളളി മെഡിക്കല് കോളജിലെ ഹൗസ് സര്ജ•ാര് നേതൃത്വം നല്കി.
ചടയമംഗലം ബ്ലോക്ക് പഞ്ചായത്ത് പ്രസിഡന്റ് ലതികാ വിദ്യാധരന് ഉദ്ഘാടനം ചെയ്തു. ആശുപത്രി സൂപ്രണ്ട് ഡോ. ധനുജ വി അധ്യക്ഷയായി. ബ്ലോക്ക് പഞ്ചായത്ത് സ്ഥിരംസമിതി അധ്യക്ഷരായ ജി ദിനേശ്കുമാര്, എസ് ഉഷ, പഞ്ചായത്ത് പ്രസിഡന്റ് എം മനോജ് കുമാര്, ബ്ലോക്ക് പഞ്ചായത്ത് അംഗം സുധിന് കടയ്ക്കല്, ആശുപത്രി വികസന സമിതി അംഗങ്ങളായ ആര് എസ് ബിജു, മഞ്ഞപ്പാറ സലിം, ആശുപത്രി ജീവനക്കാര് തുടങ്ങിയവര് പങ്കെടുത്തു.
date
- Log in to post comments