Post Category
തരൂരില് കൊയ്ത്ത് യന്ത്രത്തിന് വാടക നിശ്ചയിച്ചു നല്കി
തരൂര് നിയോജകമണ്ഡലത്തില് പി.പി. സുമോദ് എം.എല്.എയുടെ നേതൃത്വത്തില് നടപ്പാക്കുന്ന സമഗ്ര കാര്ഷിക വികസന പദ്ധതിയായ സമൃദ്ധിയിലൂടെ കൊയ്ത്ത് യന്ത്രത്തിന് വാടക നിശ്ചയിച്ചു. മണിക്കൂറിന് 2200 രൂപയാണ് നിശ്ചയിച്ചിരിക്കുന്നത്. പി.പി സുമോദ് എം.എല്.എയുടെ നേതൃത്വത്തില് ചേര്ന്ന യോഗത്തിലാണ് തീരുമാനം. മണ്ഡലത്തിലെ ഓരോ ഗ്രാമപഞ്ചായത്തില്നിന്നും രണ്ട് പ്രതിനിധികളെ വീതം കൊയ്ത്തു യന്ത്രത്തിന്റെ കോ-ഓര്ഡിനേറ്റര്മാരായി ചുമതല നല്കുകയും ചെയ്തു. യോഗത്തില് സമൃദ്ധി കണ്വീനറും തരൂര് കൃഷി ഓഫീസറുമായ റാണി, സമൃദ്ധി ഉപദേഷ്ടാവ് ശിവദാസന് പെരിങ്ങോട്ടുകുറിശ്ശി തുടങ്ങിയവര് പങ്കെടുത്തു.
date
- Log in to post comments