വികസന പാതയിലൂടെ ഒരു യാത്ര- കേരളത്തിന്റെ നേട്ടങ്ങളുടെ ഓർമപ്പെടുത്തലായി പ്രദർശനം

കേരളത്തിന്റെ വികസന വഴികളിലൂടെ ഒരു യാത്രയാണ് പുരോഗമന നയങ്ങളും വികസനവും എന്ന പേരിൽ സെൻട്രൽ സ്റ്റേഡിയത്തിൽ ഒരുക്കിയിട്ടുള്ള പ്രദർശനം. സംസ്ഥാനം നാളിതുവരെ കൈവരിച്ചിട്ടുള്ള വികസന നേട്ടങ്ങളും അവയ്ക്ക് നേതൃത്വം നൽകിയ ഭരണാധികാരികളെയും പ്രദർശനം ഓർമിപ്പിക്കുന്നു. ഒപ്പം ഓരോ കാലഘട്ടത്തിലും സ്വീകരിച്ചിട്ടുള്ള നയങ്ങളും പദ്ധതികളും അവ കൊണ്ടുവന്ന സാമൂഹിക സാമ്പത്തിക മാറ്റവും അടിസ്ഥാന സൗകര്യ വികസനവും പ്രദർശനത്തിന്റെ ഭാഗമാണ്.

കേരളം ലോകത്തിനു മാതൃകയായിട്ടുള്ള വിദ്യാഭ്യാസ ആരോഗ്യ മേഖലകളിലെ നയങ്ങൾ, പദ്ധതികൾ, നേട്ടങ്ങൾ, ഭൂപരിഷ്‌കരണം, ഭവന രംഗത്തെ മാതൃകകളായ ലൈഫ് മിഷൻ, പുനർഗേഹം പദ്ധതികൾ,

തുറമുഖ വികസനം, കൊച്ചി വാട്ടർ മെട്രോ എന്നിവയും പ്രദർശനം എടുത്തു കാട്ടുന്നു.

സഹകരണ മേഖല, അധികാര വികേന്ദ്രീകരണം, കുടുംബശ്രീ എന്നിവയിലൂടെ സംസ്ഥാനം കൈവരിച്ച സാമൂഹിക-സാമ്പത്തിക വികസനം, സ്ത്രീശാക്തീകരണം, പട്ടിണി നിർമാർജനം എന്നിവയും പ്രദർശനം വരച്ചു കാട്ടുന്നു. ഒപ്പം റോഡ് വികസനം, തൊഴിലിടങ്ങളും തൊഴിൽ സാധ്യതകളും ഇതരദേശ തൊഴിലാളികൾ, ഇൻഫർമേഷൻ ടെക്നോളജി, പൊതുഭരണം, അതിദാരിദ്ര നിർമാർജ്ജനം, കെ ഫോൺ, വ്യവസായ പാർക്കുകൾ, മാലിന്യ സംസ്‌കരണം, വിനോദസഞ്ചാര മേഖല, കാർഷിക രംഗം തുടങ്ങിയ മേഖലകളിലെ നേട്ടങ്ങളും പ്രധാന നയങ്ങളും പ്രദർശിപ്പിച്ചിട്ടുണ്ട്. കൂടാതെ, കേരളത്തിലെ മുഖ്യമന്ത്രിമാരുടെ ചിത്രങ്ങളും കുറിപ്പും, മഹാമാരികളെ കേരളം നേരിട്ട രീതി, ഡോക്യുമെന്ററി പ്രദർശനം എന്നിവയുമുണ്ട്.  കേരള ആർട്സ് ആൻഡ് ക്രാഫ്റ്റ് വില്ലേജാണ് പ്രദർശനം ഒരുക്കിയത്.

പി.എൻ.എക്‌സ്. 5296/2023