ജില്ല കേരളോത്സവം 2023 ഓവറോൾ ട്രോഫി പട്ടണക്കാട് ബ്ലോക്ക് പഞ്ചായത്തിന്
ആലപ്പുഴ: നവംബർ 23,24,25,26 തീയതികളിലായി ഏഴ് വേദികളിലായി നടന്ന കേരളോത്സവത്തിൻ്റെ സമാപന സമ്മേളനം എ.എം. ആരിഫ് എം. പി. ഉദ്ഘാടനം ചെയ്തു. വിവിധ മത്സരങ്ങളിലായി നൂറ് കണക്കിന് പ്രതിഭകളാണ് കേരളോത്സവത്തിൽ പങ്കെടുത്തത്. ആലപ്പുഴ ജില്ലയിലെ 12 ബ്ലോക്ക് പഞ്ചായത്തുകളിലും ആറ് മുനിസിപ്പാലിറ്റികളിലും വിജയികളായവരാണ് മത്സരങ്ങളിൽ പങ്കെടുത്തത്. ഒന്നാം സ്ഥാനം നേടിയ പട്ടണക്കാട് ബ്ലോക്ക് പഞ്ചായത്ത് 446 പോയിന്റും രണ്ടാം സ്ഥാനം നേടിയ തൈക്കാട്ടുശ്ശേരി ബ്ലോക്ക് പഞ്ചായത്തിന് 296 പോയിന്റും മൂന്നാം സ്ഥാനം നേടിയ കഞ്ഞിക്കുഴി ബ്ലോക്ക് പഞ്ചായത്തിന് 221 പോയിൻ്റും കരസ്ഥമാക്കി. വിജയികൾക്കുളള്ള സമ്മാനം ജില്ലാ പഞ്ചായത്ത് പ്രസിഡൻ്റ് കെ. ജി. രാജേശ്വരി നൽകി. പട്ടണക്കാട് എസ്.സി. യു. ജി. വി. എച്ച്. എസ്. എസിൽ നടന്ന സമാപന സമ്മേളനത്തിൽ ജില്ലാ പഞ്ചായത്ത് വൈസ് പ്രസിഡൻ്റ് എൻ എസ് ശിവപ്രസാദ് അദ്ധ്യക്ഷ സ്ഥാനം വഹിച്ചു. സ്വാഗതം പ്രോഗാം കമ്മറ്റി ചെയർമാൻ പി എസ് ഷാജി ആശംസിച്ചു. ചലച്ചിത്ര താരം ലീനാ ആന്റണിയെ ചടങ്ങിൽ ആദരിച്ചു. സ്റ്റാൻ്റിംഗ് കമ്മറ്റി ചെയർമാൻമാരായ ടി എസ് താഹ, ബിനു ഐസക് രാജു, എം വി പ്രിയ ജില്ലാ പഞ്ചായത്ത് അംഗങ്ങളായ അനന്തു രമേശൻ, അഞ്ജു, ഉത്തമൻ, സജിമോൾ ഫ്രാൻസിസ്, യൂത്ത് പ്രോഗാം ഓഫീസർ ഷീജ തുടങ്ങിയവർ പങ്കെടുത്തു. ജില്ലാ പഞ്ചായത്ത് സെക്രട്ടറി കെ ആർ ദേവദാസ് നന്ദി പറഞ്ഞു.
- Log in to post comments