വിദഗ്ധസംഘം എത്തി
കവളപ്പാറ പ്രദേശത്ത് തിരച്ചില് നടത്തുന്നതിനായി ഹൈദരാബാദ് നാഷനല് ജിയോഫിസിക്കല് റിസേര്ച്ച് ഇന്സ്റ്റിറ്റ്യൂട്ടില് നിന്നുള്ള വിദഗ്ധ സംഘം ജില്ലയില് എത്തി. രണ്ട് ശാസ്ത്രജ്ഞന്മാരും ഒരു ടെക്നിക്കല് അസിസ്റ്റന്റും മൂന്ന് ഗവേഷകരും ഉള്പ്പെട്ടതാണ് സംഘം. വിമാന മാര്ഗം ഇന്നലെ വൈകീട്ട് കരിപ്പൂരിലെത്തിയ സംഘം ഇന്ന് തിരച്ചിലിനിറങ്ങും. പ്രിന്സിപ്പല് ശാസ്ത്രജ്ഞനായ ആനന്ദ് കെ പാണ്ഡെ, രത്നാകര് ദാക്തെ, ടെക്നിക്കല് അസിസ്റ്റന്റ് ദിനേശ് കെ സഹദേവന്, സീനിയര് റിസര്ച് ഫെലോ ജോണ്ടി ഗോഗോയ്, ജൂനിറയര് റിസര്ച് ഫെലോകളായ സതീഷ് വര്മ, സഞ്ജീവ് കുമാര് ഗുപ്ത എന്നിവരാണ് സംഘത്തിലുള്ളത്. രണ്ട് സെറ്റ് ജിപിആര് (ഗ്രൗണ്ട് പെനിട്രേറ്റിങ് റഡാര്) ഉപകരണം സംഘത്തിന്റെ കയ്യിലുണ്ട്. ഭൂമിക്കടിയില് 20 മീറ്റര് താഴ്ചയില് നിന്ന് വരെയുള്ള സിഗ്നലുകള് പിടിച്ചെടുക്കാന് ഉപകരണത്തിന് സാധിക്കും. കണ്ട്രോള് യൂനിറ്റ്, സ്കാനിങ് ആന്റിന എന്നിവയടക്കം 130 കിലോയാണ് ഉപകരണത്തിന്റെ ഭാരം.
- Log in to post comments