കേന്ദ്രാവിഷ്‌കൃത പദ്ധതിയായ അമൃത് നടപ്പിലാക്കുന്ന സംസ്ഥാന മിഷന്‍ മാനേജ്‌മെന്റ് യൂണിറ്റില്‍ അര്‍ബന്‍ ഇന്‍ഫ്രാസ്ട്രക്ചര്‍ എക്‌സ്പര്‍ട്ട് തസ്തികയില്‍ പ്രതിമാസം 55,000/- രൂപ വേതനത്തില്‍ കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. വിശദ വിവരങ്ങള്‍ക്ക് www.smartkeralamission.org.

പി.എന്‍.എക്‌സ്.4788/17

കേരള നഴ്‌സസ് ആന്റ് മിഡ് വൈവ്‌സ് കൗണ്‍സിലില്‍ 2012 ജനുവരി ഒന്നു മുതല്‍  ഡിസംബര്‍ 31 വരെ രജിസ്‌ട്രേഷന്‍ സര്‍ട്ടിഫിക്കറ്റ് ലഭിച്ചവര്‍ക്ക് ഇന്നു (നവംബര്‍-10) മുതല്‍ www.knmc.org യില്‍ ഓണ്‍ലൈനായി നിശ്ചിത ഫീസടച്ച് സര്‍ട്ടിഫിക്കറ്റ് പുതുക്കാന്‍ അപേക്ഷിക്കാം.

കേരളത്തിലെ പട്ടികവര്‍ഗ്ഗക്കാര്‍ക്കായുള്ള 35-ാമത് സംസ്ഥാനതല തലയ്ക്കല്‍ ചന്തു സ്മാരക റോളിംഗ് ട്രോഫി അമ്പെയ്ത്ത് മല്‍സരങ്ങള്‍ക്ക് അപേക്ഷ ക്ഷണിച്ചു. കിര്‍ടാഡ്‌സിന്റെ ആഭിമുഖ്യത്തില്‍ സംഘടിപ്പിക്കുന്ന മല്‍സരത്തില്‍ പങ്കെടുക്കാന്‍ താല്‍പര്യമുള്ളവര്‍ ടീമിന്റെ പേര്, മേല്‍വിലാസം, ടീമംഗങ്ങളുടെ പേര്, വയസ്സ്, സമുദായം, ഫോണ്‍ നമ്പര്‍ എന്നിവ ഉള്‍പ്പെടെയുള്ള അപേക്ഷയും സമുദായം, വയസ്സ്  എന്നിവ തെളിയിക്കുന്നതിനൂള്ള സര്‍ട്ടിഫിക്കറ്റുകളുടെ പകര്‍പ്പും സഹിതം ഡെപ്യൂട്ടി ഡയറക്ടര്‍ (പരിശീലനം), ഡയറക്ടറേറ്റ് ഓഫ് കിര്‍ടാഡ്‌സ്, ചേവായൂര്‍ പി.ഒ., കോഴിക്കോട്-17 എന്ന വിലാസത്തില്‍ നവംബര്‍ 20 ന് മുമ്പ് അയക്കണം.

തിരുവനന്തപുരം മെഡിക്കല്‍ കോളേജിലെ എ.ആര്‍.റ്റി പ്ലസ് സെന്ററില്‍ കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റി മുഖാന്തിരം കരാര്‍ അടിസ്ഥാനത്തില്‍ മെഡിക്കല്‍ ഓഫീസറുടെ താല്‍ക്കാലിക നിയമനത്തിന് നിശ്ചിത യോഗ്യതയുള്ളവര്‍ക്ക് നവംബര്‍ 15 ന് വാക്-ഇന്‍-ഇന്റര്‍വ്യൂ നടത്തും. യോഗ്യത : നാഷണല്‍ എയ്ഡ്‌സ് കണ്‍ട്രോള്‍ ഓര്‍ഗനൈസേഷന്‍ അംഗീകരിച്ച പരിശീലന കേന്ദ്രത്തില്‍ പരിശീലനം സിദ്ധിച്ച എം.ബി.ബി.എസ് ബിരുദമുള്ളവരായിരിക്കണം. താല്‍പര്യമുള്ളവര്‍ യോഗ്യത, പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി അന്ന് രാവിലെ 11 മണിക്ക് പ്രിന്‍സിപ്പാള്‍ ഓഫീസില്‍ എത്തണം.

ജില്ലയില്‍ വിദ്യാഭ്യാസ വകുപ്പില്‍ എച്ച്എസ്എ നാച്ചുറല്‍ സയന്‍സ് (കാറ്റഗറി നമ്പര്‍ 659/12) തസ്തികയ്്ക്കുള്ള ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്കുള്ള പ്രമാണ പരിശോധന ഈ മാസം 14, 15, 16 തീയതികളില്‍ രാവിലെ 10നും  എച്ച്എസ്എ അറബിക് (കാറ്റഗറി നമ്പര്‍ 199/16) തസ്തികയിലേക്കുള്ള പ്രമാണ പരിശോധന 16ന് രാവിലെ 11.30നും ജില്ലാ പി.എസ്.സി ഓഫീസില്‍ നടക്കും.

ട്രാവന്‍കൂര്‍ - കൊച്ചിന്‍ മെഡിക്കല്‍ കൗണ്‍സിലില്‍ രജിസ്റ്റര്‍ ചെയ്ത എല്ലാ ഭാരതീയ ചികിത്സാ സമ്പ്രദായം ചികിത്സകരും പേരു വിവരങ്ങള്‍ നിശ്ചിത പ്രൊഫോര്‍മയില്‍ എക്‌സല്‍ ഫോര്‍മാറ്റില്‍ registrartcmc@gmail.com എന്ന ഇ-മെയിലില്‍ നവംബര്‍ 21 നകം ലഭ്യമാക്കണം. സി.സി.ഐ.എം സെന്‍ട്രല്‍ രജിസ്റ്റര്‍ ഓഫ് ഇന്ത്യന്‍ മെഡിസിന്‍ ചികില്‍സകരുടെ പേരുകള്‍ പുതുക്കുന്നതിന് വിശദാംശങ്ങള്‍ നല്‍കുന്നതിനാലാണ് വിവരങ്ങള്‍ തേടുന്നതെന്ന് കൗണ്‍സില്‍ രജിസ്ട്രാര്‍ അറിയിച്ചു. 

പി.എന്‍.എക്‌സ്.4784/17

ഓമല്ലൂര്‍ ഗ്രാമപഞ്ചായത്തിലെ നികുതി ദായകരുടെ സൗകര്യാരത്ഥം കെട്ടിട നികുതി, തൊഴില്‍ നികുതി, ലൈസന്‍സ് ഫീസ് ഇവ പഞ്ചായത്തിലെ വിവിധ കേന്ദ്രങ്ങളില്‍ രാവിലെ 10.30 മുതല്‍ 2.30 വരെ സ്വീകരിക്കും. നികുതി ഒടുക്കാത്തവര്‍ ഈ സൗകര്യം പ്രയോജനപ്പെടുത്തണമെന്ന് സെക്രട്ടറി അറിയിച്ചു.

മുതിര്‍ന്ന പൗരന്മാരുടെ ക്ഷേമവും മാനസിക ഉല്ലാസവും ലക്ഷ്യമാക്കി തുമ്പമണ്‍ സാമൂഹ്യാരോഗ്യ കേന്ദ്രത്തില്‍ ഈ മാസം 13ന് രാവിലെ 10ന് മുതിര്‍ന്ന പൗരന്മാരുടെ സംഗമം നടത്തുന്നു.

പരിപാടിയുടെ ഭാഗമായി സൗജന്യ വൈദ്യപരിശോധന, കൗണ്‍സിലിംഗ്, യോഗ, ധ്യാനം, വിനോദ പരിപാടികള്‍ എന്നിവ സംഘടിപ്പിച്ചിട്ടുള്ളതായി തുമ്പമണ്‍ സാമൂഹികാരോഗ്യ കേന്ദ്രം മെഡിക്കല്‍ ഓഫീസര്‍ അറിയിച്ചു.                         

(പിഎന്‍പി 3020/17)

സ്‌കൂള്‍ വായനശാലയിലേക്ക് ഒരു പുസ്തകം എന്ന പദ്ധതിയിന്‍ കീഴില്‍ വാഴമുട്ടം ഗവണ്‍മെന്റ് യുപി സ്‌കൂളില്‍ പുസ്തകശേഖരണം ആരംഭിച്ചു. ഇളംതലമുറയില്‍ വായനാശീലം വളര്‍ത്തിക്കൊണ്ടുവരുന്നതിന് എല്ലാ ക്ലാസുകളിലും കുട്ടികളുടെ നിലവാരത്തിന് അനുസൃതമായ ലൈബ്രറി സജ്ജീകരിക്കുന്നതിനാണ് പുസ്തക ശേഖരണം ആരംഭിച്ചിട്ടുള്ളത്.

രക്ഷിതാക്കള്‍, പൂര്‍വവിദ്യാര്‍ഥികള്‍, അധ്യാപകര്‍, പൊതുസമൂഹം എന്നിവരുടെ പിന്തുണയോടെയാണ് പുസ്തകശേഖരണം നടത്തുകയെന്ന് ഹെഡ്മാസ്റ്റര്‍ അറിയിച്ചു. 

(പിഎന്‍പി 3019/17)

സാമൂഹ്യനീതി വകുപ്പിന് കീഴിലുള്ള കോഴഞ്ചേരി ഗവണ്‍മെന്റ് മഹിളാ മന്ദിരത്തില്‍ മള്‍ട്ടി ടാസ്‌ക് കെയര്‍ പ്രൊവൈഡറെ താത്ക്കാലിക അടിസ്ഥാനത്തില്‍ നിയമിക്കുന്നു.

25നും 50നും മധ്യേ പ്രായമുള്ള എട്ടാം ക്ലാസ് പാസായ വനിതകള്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 13ന്  രാവിലെ 11ന് കോഴഞ്ചേരി ഗവണ്‍മെന്റ് മഹിളാമന്ദിരത്തില്‍ നടക്കുന്ന കൂടിക്കാഴ്ചയില്‍ പങ്കെടുക്കണം.                     

(പിഎന്‍പി 3018/17)