''സ്ത്രീകളുടെ സമൂഹത്തിലെ പദവിയെ സ്വാധീനിക്കുന്ന എന്ത് മാറ്റമാണ് കുടുംബശ്രീ സൃഷ്ടിച്ചത്?'' ധനമന്ത്രി ഡോ. ടി.എം. തോമസ് ഐസക്ക് ചോദിച്ചു. കനകക്കുന്നിലെ വേദിയില്‍ നിറഞ്ഞിരുന്ന കുടുംബശ്രീ അംഗങ്ങളോടായിരുന്നു ചോദ്യം. മറുപടിയുമായി ആദ്യം മൈക്കിനു മുന്നിലെത്തിയത് വാഴപ്പിള്ളി സ്വദേശി സുബിന. പിന്നാലെ എറണാകുളം സ്വദേശി അച്ചാമ്മ ഏലിയാസും തിരുവനന്തപുരത്തെ പ്രിയദര്‍ശിനിയും എത്തി. ''പണ്ടൊക്കെ സ്ത്രീകള്‍ ചെയ്തിരുന്ന ജോലി കാണാപ്പണിയായിരുന്നു,'' കുടുംബശ്രീ സ്ത്രീകളുടെ മറുപടി മന്ത്രിക്ക് ഇഷ്ടപ്പെട്ടു. കൈയടിച്ചാണ് മന്ത്രി അവരെ പ്രോത്‌സാഹിപ്പിച്ചത്. മൂന്നു പേര്‍ക്കും ഓരോ പുസ്തകം വീതം മന്ത്രി സമ്മാനമായി നല്‍കി.

പാര്‍ശ്വവത്കരിക്കപ്പെട്ടവരില്ലാത്ത വിദ്യാര്‍ഥിസമൂഹത്തെ സൃഷ്ടിക്കുകയാണ് സര്‍ക്കാര്‍ പൊതുവിദ്യാഭ്യാസ സംരക്ഷണയജ്ഞത്തിലൂടെ ലക്ഷ്യമിടുന്നതെന്ന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് പറഞ്ഞു. സര്‍വശിക്ഷാ അഭിയാന്റെ ആഭിമുഖ്യത്തില്‍ സംഘടിപ്പിച്ച ഭിന്നശേഷി കുട്ടികളുടെ ഉപകരണ വിതരണത്തിന്റെ സംസ്ഥാനതല ഉദ്ഘാടനം മണക്കാട് സത്രം സ്‌കൂളില്‍ നിര്‍വഹിച്ചുസംസാരിക്കുകയായിരുന്നു അദ്ദേഹം. 

കൊച്ചി:  മലയാളം പഠിച്ചവര്‍ക്ക് ലോകത്തിലെ ഏതു ഭാഷയും ശബ്ദവും പഠിക്കാനാകും. അതിനാലാണ് കേരളത്തില്‍ ഏറ്റവുമധികം മിമിക്രിക്കാരുള്ളത്. എന്നാല്‍ മറ്റു ഭാഷക്കാര്‍ക്ക് മലയാളം പഠിക്കാനും നന്നായി സംസാരിക്കാനും സാധാരണ അത്ര എളുപ്പമല്ല. ഇതില്‍ നിന്നു വ്യത്യസ്തമാണ് ജില്ല കളക്ടറുടെ നല്ല മലയാളം. ഭാഷയെ അത്രമേല്‍ സ്‌നേഹിക്കുന്നതിനാലാണ് ഇതു സാധ്യമാകുന്നത്- സി. രാധാകൃഷ്ണന്റെ വാക്കുകള്‍ നീണ്ട കരഘോഷത്തോടെയാണ് ജീവനക്കാര്‍ ഏറ്റുവാങ്ങിത്. കേരളപ്പിറവി ദിനത്തിലാരംഭിച്ച ഭരണഭാഷ വാരാചരണത്തിന്റെ സമാപന ചടങ്ങായിരുന്നു വേദി. 

ഭരണഭാഷാ വാരാചരണത്തിന് സമാപനം

കൊച്ചി: എറണാകുളം കത്രിക്കടവു പുളിക്കല്‍ അവന്യൂ ബില്‍ഡിംഗില്‍ പ്രവര്‍ത്തിക്കുന്ന സംസ്ഥാന സര്‍ക്കാര്‍ സ്ഥാപനമായ കെല്‍ട്രോണ്‍ നോളഡ്ജ് സെന്ററില്‍ അനിമേഷന്‍/വെബ് ഡിസൈന്‍ കോഴ്‌സുകള്‍ ആരംഭിക്കുന്നു.

അഡ്വാന്‍സ്ഡ് ഡിപ്ലോമ ഇന്‍ ഗ്രാഫിക്‌സ്, വെബ് ആന്റ് ഡിജിറ്റല്‍ ഫിലിം മേയ്ക്കിങ്ങ്- കോഴ്‌സുകളുടെ കാലാവധി ഒരു വര്‍ഷവും പ്രൊഫഷണല്‍ ഡിപ്ലോമ ഇന്‍ വെബ് ഡിസൈന്‍ ആന്റ് ഡവലപ്‌മെന്റ് കോഴ്‌സിന്റെ കാലാവധി ആറ് മാസവുമാണ്.

കൊച്ചി: കൊച്ചി മുനിസിപ്പല്‍ കോര്‍പറേഷന്‍ ജനകീയാസൂത്രണ പദ്ധതിയില്‍ ഉള്‍പ്പെടുത്തി നിര്‍മ്മാണം പൂര്‍ത്തീകരിച്ച 23-ാം ഡിവിഷനിലെ സൗത്ത് മൂലംങ്കുഴി അംഗന്‍വാടി കെട്ടിടം കൊച്ചി മേയര്‍ സൗമിനി ജെയിന്‍ ഉദ്ഘാടനം ചെയ്തു. ഉദ്ഘാടന പരിപാടിയില്‍ ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എ.ബി.സാബു അധ്യക്ഷത വഹിച്ചു.

ഡിവിഷന്‍ കൗണ്‍സിലര്‍ റോസ് മേരി സ്വാഗതം പറഞ്ഞു. സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാരായ ഗ്രേസി ജോസഫ്, ഷൈനി മാത്യൂ കൗണ്‍സിലര്‍മാരായ ബിന്ദുലെവിന്‍, ജയന്തി പ്രേംനാഥ്, ഹേമ പ്രഹ്‌ളാദന്‍, എലിസബത്ത് ടീച്ചര്‍, ഷീബാലാല്‍, പ്രീതി.കെ.എച്ച്, സനീഷ എന്നിവര്‍ പങ്കെടുത്തു.

കൊച്ചി: ശിശുദിനാഘോഷങ്ങളുടെ ഭാഗമായി നവംബര്‍ 14-ന് കുട്ടികളുടെ റാലി നടത്തും. രാവിലെ 8.30 നു ശേഷം ഏകദേശം 4000 കുട്ടികളുടെ റാലി രാജേന്ദ്രമൈതാനിയില്‍ നിന്നും ആരംഭിച്ച് പാര്‍ക്ക് അവന്യൂ റോഡ് വഴി ചില്‍ഡ്രന്‍സ് പാര്‍ക്കില്‍ അവസാനിക്കും.

റാലിയും തുടര്‍ന്ന് ചില്‍ഡ്രന്‍സ് പാര്‍ക്കില്‍ നടത്തുന്ന സമാപന സമ്മേളനവും ഉണ്ടായിരിക്കും.

കാക്കനാട്: മരട് അഗ്രിക്കള്‍ച്ചറല്‍ അര്‍ബന്‍ ഹോള്‍സെയില്‍ മാര്‍ക്കറ്റില്‍ 24 മണിക്കൂറും പ്രവര്‍ത്തിക്കുന്ന വെയ്ബ്രിഡ്ജിന്റെ പ്രവര്‍ത്തനം കരാര്‍ അടിസ്ഥാനത്തില്‍ 11 മാസത്തേക്ക് ഏറ്റെടുത്ത് നടത്തുന്നതിന് താല്‍പര്യമുളള വ്യക്തികള്‍/സ്ഥാപനങ്ങള്‍/സഹകരണ സ്ഥാപനങ്ങള്‍/സര്‍ക്കാര്‍അര്‍ധ സര്‍ക്കാര്‍ സ്ഥാപനങ്ങള്‍ എന്നിവരില്‍ നിന്ന് ദര്‍ഘാസുകള്‍ ക്ഷണിച്ചു.

ദര്‍ഘാസ് പ്രമാണങ്ങളും വിശദ വിവരങ്ങളും നവംബര്‍ 16 വരെ രാവിലെ 10.30 മുതല്‍ 12.30 വരെ ഓഫീസില്‍ നിന്നു ലഭിക്കും. 

കൊച്ചി: പാര്‍ലമെന്റ് അംഗങ്ങളുടെ ഗ്രാമം ദത്തെടുക്കല്‍ പദ്ധതിയായ സന്‍സദ് ആദര്‍ശ് ഗ്രാം യോജനയുടെ കീഴില്‍ ഗ്രാമങ്ങളുടെ സമഗ്രവികസനത്തിനായുള്ള പദ്ധതിരേഖ 2018 ജനുവരി 31-നു മുമ്പ്് തയാറാക്കുമെന്ന് അഖിലേന്ത്യാ സാങ്കേതിക വിദ്യാഭ്യാസ കൗണ്‍സില്‍ ഉപാധ്യക്ഷന്‍ ഡോ. പി എം പൂണിയ അറിയിച്ചു.

അങ്കമാലി എംഎല്‍എ റോജി എം ജോണ്‍, എഐസിടിഇ ഡയറക്ടര്‍ രമേഷ് ഉണ്ണികൃഷ്ണന്‍, നാഷണല്‍ സര്‍വ്വീസ് സ്‌കീം ടെക്‌നിക്കല്‍ സെല്‍ സംസ്ഥാന കോര്‍ഡിനേറ്റര്‍ അബ്ദുള്‍ ജബ്ബാര്‍ അഹമ്മദ്, അങ്കമാലി ഫെഡറല്‍ ഇന്‍സ്റ്റിറ്റിയൂട്ട് ചെയര്‍മാന്‍ പോള്‍ മുണ്ടാടന്‍ എന്നിവര്‍ സന്നിഹിതരായിരുന്നു.

തെരഞ്ഞെടുപ്പും തെരഞ്ഞെടുപ്പ് അനുബന്ധ പ്രക്രിയകള്‍ എന്ന വിഷയത്തില്‍ ഇന്ത്യന്‍ തെരഞ്ഞെടുപ്പ്  കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരത്തില്‍ പങ്കെടുക്കുവാന്‍ അവസരം.

ജില്ലയില്‍ തലശ്ശേരി, കണ്ണൂര്‍, തളിപ്പറമ്പ്, ഇരിട്ടി താലൂക്കുകളില്‍ നവംബര്‍ 10ന് മത്സരം നടത്തുമെന്ന് ഡെപ്യൂട്ടി കലക്ടര്‍ (ഇലക്ഷന്‍ ) അറിയിച്ചു. സ്‌കൂള്‍ അധികൃതര്‍ തെരഞ്ഞെടുത്ത രണ്ട് വിദ്യാര്‍ത്ഥികളെ അന്നേ ദിവസം മത്സരത്തില്‍ പങ്കെടുപ്പിക്കുന്നതിനുള്ള നടപടികള്‍ സ്വീകരിക്കണം. കൂടുതല്‍ വിവരങ്ങള്‍ക്ക് അതാത് താലൂക്ക് ഓഫീസിലെ ഇലക്ഷന്‍ വിഭാഗവുമായി ബന്ധപ്പെടണം.