മലപ്പുറം ജില്ലാ സമഗ്ര മാനസികാരോഗ്യ പദ്ധതിയുടെ ഭാഗമായി പെരിന്തൽമണ്ണ ഡേ കെയർ യൂണിറ്റില്‍ സ്റ്റാഫ് നഴ്സ്, സൈക്യാട്രിസ്റ്റ് തസ്തികകളിൽ താത്കാലിക നിയമനം നടത്തുന്നു. എം.ബി.ബി.എസ്, എം.ഡി ഇന്‍ സൈക്യാട്രി, ഡി.പി.എം / ഡി.എൻ.ബി എന്നിവയാണ് സൈക്യാട്രിസ്റ്റിനു വേണ്ട യോഗ്യതകള്‍. സ്റ്റാഫ് നഴ്സിന് ജിഎൻഎം / ബി.എസ്.സി നഴ്സിങ്, സൈക്യാട്രിയിൽ ഒരു വർഷത്തെ പ്രവൃത്തി പരിചയം എന്നിവ ഉണ്ടായിരിക്കണം.

കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികളുടെ മക്കളെ സിവില്‍ സര്‍വ്വീസ് പരീക്ഷയ്ക്കും വിവിധ എന്‍ട്രന്‍സ് പരീക്ഷകള്‍ക്കും സജ്ജരാക്കുന്ന വിദ്യാതീരം പദ്ധതിയിലേക്ക് അപേക്ഷ ക്ഷണിച്ചു. പദ്ധതിയുടെ ഭാഗമായി നടത്തുന്ന സൗജന്യ സിവില്‍ സര്‍വ്വീസ്, റസിഡന്‍ഷ്യല്‍ മെഡിക്കല്‍ എന്‍ട്രന്‍സ്, ഐ.ഐ.ടി/എന്‍.ഐ.ടി എന്‍ട്രന്‍സ് പരീക്ഷാ പരിശീലനത്തിന് ഇപ്പോള്‍ അപേക്ഷിക്കാം. അപേക്ഷാ ഫോറം പൊന്നാനിയില്‍ പ്രവര്‍ത്തിക്കുന്ന ജില്ലാ ഫിഷറീസ് ഡെപ്യൂട്ടി ഡയറക്ടര്‍ ഓഫീസ്, പൊന്നാനി/ പുറത്തൂര്‍/ വെട്ടം/ താനൂര്‍/ പരപ്പനങ്ങാടി  മത്സ്യഭവന്‍ ഓഫീസുകള്‍ എന്നിവിടങ്ങളില്‍ നിന്നും ലഭിക്കും.

കൃഷി വിജ്ഞാന കേന്ദ്രങ്ങളുടെ സുവർണ ജൂബിലി ആഘോഷത്തിന്റെ ഭാഗമായി മലപ്പുറം ജില്ലാ കൃഷി വിജ്ഞാന കേന്ദ്രത്തിന്റെ ആഭിമുഖ്യത്തില്‍ ജില്ലയിലെ ബിരുദ വിദ്യാർത്ഥികൾക്കായി  ക്വിസ് മത്സരം സംഘടിപ്പിക്കുന്നു. പൊതു അവബോധവും സമകാലിക വിഷയങ്ങളും ഉൾപ്പെടുന്ന ക്വിസ് പ്രോഗ്രാം ജൂൺ 24-ന് രാവിലെ ഒമ്പതു മണിക്ക് തവനൂരിലെ ജില്ലാ കൃഷി വിജ്ഞാന്‍ കേന്ദ്രത്തില്‍ നടക്കും. ഒരു കോളേജിൽ നിന്ന് രണ്ട് വിദ്യാർഥികള്‍ അടങ്ങിയ ഒരു ടീമിനാണ് പങ്കെടുക്കാൻ അവസരം.

കമ്പളക്കാട് ഇലക്ട്രിക്കല്‍ സെക്ഷനില്‍ അറ്റകുറ്റപണി നടക്കുന്നതിനാല്‍ മില്ലുമുക്ക്, പച്ചിലക്കാട്, തെങ്ങില്‍പാടി, കണിയാമ്പറ്റ, പോലീസ് സ്റ്റേഷന്‍ ഭാഗങ്ങളില്‍ ഇന്ന് (ജൂണ്‍ 14) രാവിലെ ഒന്‍പത് മുതല്‍ വൈകിട്ട് ആറ് വരെ പൂര്‍ണ്ണമായോ, ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

കോഴിക്കോട് കെല്‍ട്രോണ്‍ നോളഡ്ജ് സെന്ററില്‍ പ്ലസ് ടു യോഗ്യരായ പട്ടികജാതി-പട്ടികവര്‍ഗ്ഗ യുവതീ,യുവാക്കള്‍ക്ക് സൗജന്യ കോഴ്സിലേയ്ക്ക് സ്പോട്ട് അഡ്മിഷന്‍ നടത്തുന്നു. അഡ്വാന്‍സ് ഡിപ്ലോമ ഇന്‍ ഗ്രാഫിക്സ് ആന്‍ഡ് ഡിജിറ്റല്‍ ഫിലിം മേക്കിങ്, ഫയര്‍ ആന്‍ഡ് സേഫ്റ്റി, ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ് കോഴ്സുകളിലേക്കും അഡ്മിഷന്‍ തുടരുന്നു. താത്പര്യമുള്ളവര്‍ സര്‍ട്ടിഫിക്കറ്റിന്റെ കോപ്പിയുമായി ജൂണ്‍ 15 ന് നേരിട്ട് എത്തണം. ഫോണ്‍-049352301772

 പട്ടികവര്‍ഗ്ഗവികസന വകുപ്പിനു കീഴില്‍ പ്രവര്‍ത്തിക്കുന്ന മൂന്നാര്‍ മോഡല്‍ റസിഡന്‍ഷ്യല്‍ സ്കൂളിൽ ഹയര്‍ സെക്കൻഡറി  ടീച്ചര്‍ (കൊമേഴ്സ്‌, ജൂനിയര്‍), ലൈബ്രേറിയന്‍ എന്നീ തസ്തികകളിൽ ഒഴിവുണ്ട്. ദിവസവേതനാടിസ്ഥാനത്തിലാകും  നിയമനം. എം കോം , ബി എഡ് , സെറ്റ് എന്നീ യോഗ്യതയുള്ളവർക്ക് ഹയര്‍ സെക്കൻഡറി ടീച്ചര്‍ (കൊമേഴ്സ്‌, ജൂനിയര്‍) തസ്തികകളിലേക്ക് അപേക്ഷിക്കാം .
ലൈബ്രറി സയന്‍സില്‍ ബിരുദവും ഒരു വര്‍ഷത്തില്‍ കുറയാത്ത പ്രവൃത്തി  പരിചയവുമുള്ളവർക്ക് ലൈബ്രേറിയന്‍ ഒഴിവിലേക്കും അപേക്ഷിക്കാം.  കോഹ സോഫ്റ്റ്‌ വെയറിലുള്ള  പരിജ്ഞാനം അഭികാമ്യം.

സർക്കാർ സ്ഥാപനമായ ഐ എച്ച് ആർ ഡിയുടെ  പൈനാവ്  മോഡൽ പോളിടെക്നിക്  കോളേജിൽ  ത്രിവത്സര ഡിപ്ലോമ കോഴ്സുകളിലേക്കുള്ള ഓൺലൈൻ അപേക്ഷ ജൂൺ 20 വരെ സ്വീകരിക്കും.

സുല്‍ത്താന്‍ ബത്തേരി നഗരസഭയുടെ ഡ്രോപ്പ് ഔട്ട് ഫ്രീ നഗരസഭ പദ്ധതിയുടെ ഭാഗമായി ഊരുകൂട്ട വളണ്ടിയര്‍മാരെ നിയമിക്കുന്നു. ചേനാട്, ഓടപ്പള്ളം, കുപ്പാടി, സര്‍വജന, അസംപ്ഷന്‍, ബീനാച്ചി, പഴുപ്പത്തൂര്‍, പൂമല, കൈപ്പഞ്ചേരി സ്‌കൂള്‍ പരിധിയിലെ കോളനികളില്‍ താമസിക്കുന്ന എസ്എസ്എല്‍സി യോഗ്യതയുള്ളവര്‍ക്ക കൂടിക്കാഴ്ചയില്‍ പങ്കെടുക്കാം. താത്്പര്യമുള്ളവര്‍ ജൂണ്‍ 15 രാവിലെ 10.30 നകം യോഗ്യതാ സര്‍ട്ടിഫിക്കറ്റുകള്‍, റേഷന്‍ കാര്‍ഡ്/ആധാര്‍ കാര്‍ഡുമായി സുല്‍ത്താന്‍ ബത്തേരി നഗരസഭാ  ഓഫീസില്‍  വെരിഫിക്കേഷന് എത്തണം. ഫോണ്‍ : 9447887798

പീരുമേട്, ഇടുക്കി മുൻസിഫ് കോടതികളിൽ സർക്കാർ കക്ഷികളായ കേസുകളിൽ ഹാജരാകുന്നതിന് പ്ലീഡർ ടു ഗവൺമെന്റ് വർക്ക് ഒഴിവിലേക്ക് പാനൽ തയ്യാറാക്കുന്നു. 1978 ലെ കേരള ഗവൺമെന്റ് ലോ ഓഫീസേഴ്സ് അപ്പോയ്മെന്റ് ആന്റ് കണ്ടീഷൻസ് ഓഫ് സർവ്വീസസ് ഓഫ് കേസസ് ചട്ടങ്ങളിലെ വ്യവസ്ഥകൾക്കനുസൃതമായിട്ടാകും നിയമനം. നിശ്ചിത യോഗ്യതയുള്ളവരും, ബാർ അസോസിയേഷനിൽ രജിസ്റ്റർ ചെയ്ത് 7 വർഷത്തിൽ കുറയാത്ത പ്രവൃത്തി പരിചയമുള്ളവർക്കും അപേക്ഷിക്കാം. പ്രായം  60 വയസിൽ കവിയരുത്.

കുപ്പാടി ഗവ ഹൈസ്‌കൂളില്‍ കായിക അധ്യാപക തസ്തികയില്‍ താത്ക്കാലിക നിയമനം നടത്തുന്നു. താത്പര്യമുള്ളവര്‍ ജൂണ്‍ 15 ന് രാവിലെ 10.30 ന്  സുല്‍ത്താന്‍ ബത്തേരി നഗരസഭാ ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം. ബിപിഎഡ്/എംപിഎഡ്/തത്തുല്യമാണ് യോഗ്യത.  ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകള്‍, റേഷന്‍ കാര്‍ഡ് /ആധാര്‍ കാര്‍ഡുമായി രാവിലെ 10  നകം വെരിഫിക്കേഷന് എത്തണം.  ഫോണ്‍ : 9447887798