നിരോധനാജ്ഞ അവസാനിച്ചു; കോവിഡ് നിയന്ത്രണങ്ങൾ തുടരും

കോവിഡ് പ്രതിരോധ മുൻകരുതലിൻറെ ഭാഗമായി ക്രിമിനൽ നടപടി നിയമം 144 പ്രകാരം തൃശൂർ ജില്ലയിൽ പ്രഖ്യാപിച്ച നിരോധാജ്ഞയുടെ കാലാവധി നവംബർ 15ന് അവസാനിച്ചു. രോഗ പ്രതിരോധത്തിനായുള്ള മറ്റു നിയന്ത്രണങ്ങൾ കർശനമായി തുടരുമെന്ന് ജില്ലാ കളക്ടർ എസ്. ഷാനവാസ് അറിയിച്ചു. സാമൂഹിക അകലം പാലിക്കാതിരിക്കുക, മാസ്‌ക് ഉപയോഗിക്കാതിരിക്കുകയോ ശരിയായ രീതിയിൽ ഉപയോഗിക്കാതിരിക്കുകയോ ചെയ്യുക, അനാവശ്യമായി കൂട്ടം കൂടുക തുടങ്ങിയ നിയമലംഘനങ്ങൾക്കെതിരെ പിഴ ഇടാക്കുന്നത് ഉൾപ്പെടെയുള്ള നടപടികൾ തുടരും.