പിണറായി എ കെ ജി സ്കൂൾ ഹയർ സെക്കന്ററി  ബ്ലോക്ക് 20 ന് മുഖ്യമന്ത്രി  ഉദ്‌ഘാടനം ചെയ്യും

പിണറായി എ കെ ജി മെമ്മോറിയൽ ഗവ. ഹയർ സെക്കന്ററി സ്കൂളിന്റെ  പുതിയതായി  നിർമിച്ച  ഹയർ സെക്കന്ററി ബ്ലോക്കിന്റെയും  സ്മാർട്ട് ക്ലാസ്റൂമിന്റെയും  ഉദ്‌ഘാടനം ഒക്ടോബർ 20  ന് ഉച്ചക്ക് 3 ന്  മുഖ്യമന്ത്രി പിണറായി വിജയൻ നിർവഹിക്കും. പുതിയതായി നിർമിച്ച സ്കൂൾ ഹാളും അനുബന്ധ ക്ലാസ് മുറികളുടെയും ഇൻഡോർ സ്റ്റേഡിയത്തിന്റെയും മുഖ്യകവാടത്തിന്റെയും ഉദ്‌ഘാടനവും മുഖ്യമന്ത്രി നിർവഹിക്കും. പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി  അധ്യക്ഷത വഹിക്കും. രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി മുഖ്യാതിഥിയാകും.