ശ്രീനാരായണഗുരു ഓപ്പൺ യൂണിവേഴ്‌സിറ്റി പ്രാദേശിക കേന്ദ്രം ഓഫീസ് ഉദ്ഘാടനം 25 ന് മന്ത്രി ഡോ.ആർ ബിന്ദു നിർവഹിക്കും

ശ്രീനാരായണഗുരു ഓപ്പൺ യൂണിവേഴ്‌സിറ്റിയുടെ ഗവ. ബ്രണ്ണൻ കോളേജിൽ നിലവിൽ വന്ന കണ്ണൂർ പ്രാദേശിക കേന്ദ്രത്തിന്റെ നവീകരിച്ച ഓഫീസ് ഒക്ടോബർ 25 ന് രാവിലെ 10 ന് ഉന്നതവിദ്യാഭ്യാസ വകുപ്പ് മന്ത്രി ഡോ.ആർ ബിന്ദു ഉദ്ഘാടനം ചെയ്യും. വയനാട്, കണ്ണൂർ, കാസർകോഡ് ജില്ലകളിലെ പഠിതാക്കളുടെ സൗകര്യാർത്ഥമാണ് കേന്ദ്രം പ്രവർത്തിക്കുന്നത്. തലശ്ശേരി ഗവ. ബ്രണ്ണൻ കോളേജ് ഓഡിറ്റോറിയത്തിൽ നടക്കുന്ന പരിപാടിയിൽ യൂണിവേഴ്‌സിറ്റി വൈസ് ചാൻസിലർ പ്രൊ.(ഡോ) വി.പി ജഗതിരാജ് അധ്യക്ഷത വഹിക്കും. മുഖ്യമന്ത്രിയുടെ മണ്ഡലം പ്രതിനിധി പി. ബാലൻ മുഖ്യാതിഥിയാകും. സിൻഡിക്കേറ്റ് അംഗം ഡോ. എ പസ്ലിത്തിൽ, രജിസ്ട്രാർ ഡോ. എം. ജയമോഹൻ എന്നിവർ സംസാരിക്കും.