അന്താരാഷ്ട്ര സർഫിം​ഗ് ഫെസ്റ്റിവൽ ഏപ്രിൽ 10 മുതൽ 13 വരെ

#സബ് കമ്മിറ്റികൾ രൂപീകരിച്ചു#

അന്താരാഷ്ട്ര സർഫിം​ഗ് ഫെസ്റ്റിവൽ ഏപ്രിൽ 10 മുതൽ 13 വരെ വർക്കല ഇടവ ബീച്ചിൽ സംഘടിപ്പിക്കും. ഏപ്രിൽ 10ന് ഫെസ്റ്റിന്റെ ഉദ്ഘാടനം നടക്കും. ഇത് സംബന്ധിച്ച സംഘാടക സമിതി രൂപീകരണ യോ​ഗ൦ തിരുവനന്തപുരം ജില്ലാ കളക്ടർ അനുകുമാരിയുടെ അധ്യക്ഷതയിൽ ചേർന്നു. ഫെസ്റ്റിവലിന്റെ നടത്തിപ്പിനായി മെഡിക്കൽ കമ്മിറ്റി ഉൾപ്പെടെ പത്ത് സബ് കമ്മിറ്റികൾ രൂപീകരിച്ചു.

ആംബുലൻസ് ഉൾപ്പെടെയുള്ള മെഡിക്കൽ ടീമിനെ ഫെസ്റ്റിന് സജ്ജീകരിക്കും. രണ്ട് ലക്ഷം രൂപയാണ് ഈ വർഷം സമ്മാന തുകയായി വിതരണം ചെയ്യുന്നത്. എഴുപതോളം മത്സരാർത്ഥികൾ ഫെസ്റ്റിവലിൽ മാറ്റുരയ്ക്കും. വർക്കല മുനിസിപ്പൽ ചെയർപേഴ്സൺ കെ.എം ലാജി, ജില്ലാ മെഡിക്കൽ ഓഫീസർ, വിവിധ വകുപ്പുകളിലെ ഉദ്യോ​ഗസ്ഥർ എന്നിവർ പങ്കെടുത്തു.