രാജ്യത്തിന്റെ അതിര്‍ത്തി ഗ്രാമങ്ങള്‍ അടുത്തറിയാന്‍ യുവാക്കള്‍ക്ക് അവസരം
കേന്ദ്ര യുവജന കാര്യാ മന്ത്രലയം മേരാ യുവ ഭാരത് വഴി രാജ്യത്തിന്റെ അതിര്‍ത്തി ഗ്രാമങ്ങള്‍ അടുത്തറിയാന്‍ യുവാക്കള്‍ക്ക് അവസരം നല്‍കുന്നു. രാജ്യത്തിന്റെ വിവിധ ഭാഗങ്ങളിലുള്ള യുവതി യുവാക്കള്‍ക്കാണ് അവസരം. വികസിത് വൈബ്രന്റ് വില്ലേജ് പ്രോഗ്രാമിന്റെ ഭാഗമായാണ് പരിപാടി. ലേഹ് ലഡാക്, ഹിമാചല്‍ പ്രദേശ്, ഉത്തരാഖണ്ഡ് എന്നീ സംസ്ഥാനങ്ങളിലെ ഗ്രാമങ്ങളില്‍ 10 ദിവസം താമസിച്ച് പഠിക്കാനും സേവന പ്രവര്‍ത്തനങ്ങള്‍ നടത്താനുമാണ് പദ്ധതി അവസരം ഒരുക്കുന്നത്.
യുവജനകാര്യം, ഗ്രാമ വികസനം, സാംസ്‌കാരിക വിനിമയം, സാമൂഹ്യ സേവന മേഖലകളില്‍ പ്രവര്‍ത്തിക്കാന്‍ താത്പര്യമുള്ള ശാരീരിക ക്ഷമതയുള്ള 21നും 29നും ഇടയില്‍ പ്രായമുള്ളവര്‍ക്ക് ഭാഗമാകാം. നെഹ്റു യുവ കേന്ദ്ര, എന്‍.എസ്.എസ്, എന്‍.സി.സി , സൗക്ട് ആന്‍ഡ് ഗൈഡ്സ് വോളന്റീയര്‍മാര്‍ക്ക് മുന്‍ഗണന ലഭിക്കും. താത്പര്യമുള്ളവര്‍ മേരാ യുവ ഭാരത് പോര്‍ട്ടലില്‍ മെയ് മൂന്നിന് മുന്‍പായി രജ്സ്റ്റര്‍ ചെയ്യണം. മെയ് 15 മുതല്‍ മെയ് 30 വരെയുള്ള പരിപാടിയില്‍ കേരളത്തില്‍ നിന്ന് 15 പേര്‍ക്കും ലക്ഷദ്വീപില്‍ നിന്നും 10 പേര്‍ക്കും ആണ് അവസരം. കൂടുതല്‍ വിവരങ്ങള്‍ക്ക് നെഹ്റു യുവ കേന്ദ്ര ജില്ലാ യൂത്ത് ഓഫീസര്‍മാരെയോ എന്‍.എസ്.എസ് പ്രോഗ്രാം ഓഫീസര്‍മാരെയോ ബന്ധപ്പെടാം. ഫോണ്‍ :6282296002
- Log in to post comments