നവീകരിച്ച മുണ്ടോത്ത് - തെരുവത്ത്കടവ് റോഡ് ഇന്ന് (28) മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും

ബാലുശ്ശേരി നിയോജക മണ്ഡലത്തിലെ നവീകരിച്ച മുണ്ടോത്ത് - തെരുവത്ത്കടവ് റോഡ് ഇന്ന് (ഏപ്രിൽ 28) വൈകുന്നേരം മൂന്ന് മണിക്ക് പൊതുമരാമത്ത് വിനോദസഞ്ചാര വകുപ്പ് മന്ത്രി പി എ മുഹമ്മദ് റിയാസ് ഉദ്ഘാടനം ചെയ്യും. 3.24 കോടി രൂപ ചെലവിൽ ആധുനിക രീതിയിൽ ബി എം ആന്റ് ബി സി നിലവാരത്തിലാണ് റോഡ് നവീകരിച്ചിട്ടുള്ളത്. മുണ്ടോത്ത് ടൗണിൽ നടക്കുന്ന ഉദ്ഘാടന ചടങ്ങിൽ കെ എം സച്ചിൻ ദേവ് എംഎൽഎ അധ്യക്ഷത വഹിക്കും.