*അഞ്ച് റോഡുകളുടെ നിർമ്മാണോദ്ഘാടനം മന്ത്രി ആർ. ബിന്ദു നിർവ്വഹിച്ചു*

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ ഭാഗമായി അഞ്ച് റോഡുകളുടെ നിർമാണോദ്ഘാടനം ഉന്നത വിദ്യാഭ്യാസ, സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു നിർവ്വഹിച്ചു. കാറളം ഗ്രാമപഞ്ചായത്തിലേക്ക് അനുവദിച്ച റോഡുകളായ എ.കെ.ജി പുഞ്ചപ്പാടം റോഡ്, ഐ.എച്ച്.ഡി.പി റോഡ്, ചെമ്മണ്ട നഗർ റോഡ്, മനപ്പടി വെട്ടിക്കര റോഡ്, താണിശ്ശേരി ഹെൽത്ത് സെന്റർ റോഡ് എന്നീ റോഡുകളുടെ നിർമാണോദ്ഘാടനമാണ് മന്ത്രി നിർവ്വഹിച്ചത്. 

നന്തി ഐ.എച്ച്.ഡി.പി റോഡ് പരിസരത്ത് നടന്ന ഉദ്ഘാടന ചടങ്ങിൽ കാറളം ഗ്രാമപഞ്ചായത്ത് പ്രസിഡന്റ് ബിന്ദു പ്രദീപ് അധ്യക്ഷത വഹിച്ചു. കാറളം ഗ്രാമപഞ്ചായത്ത് വൈസ് പ്രസിഡന്റ് സുനിൽ മാലാന്ത്ര, കാറളം ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ബീന സുബ്രഹ്മണ്യൻ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അമ്പിളി റെനിൽ, ബ്ലോക്ക് പഞ്ചായത്ത് അംഗം മോഹനൻ വലിയാട്ടിൽ, പഞ്ചായത്ത് അംഗങ്ങളായ സീമ പ്രേംരാജ്, വൃന്ദ അജിത്കുമാർ, രജനി നന്ദകുമാർ, കാറളം ഗ്രാമപഞ്ചായത്ത് സെക്രട്ടറി കെ.കെ ഗ്രേസി എന്നിവർ സംസാരിച്ചു.