ആക്ഷേപങ്ങളും അഭിപ്രായങ്ങളും ജൂലൈ 26 വരെ സമർപ്പിക്കാം

ജില്ലാ പഞ്ചായത്തുകളുടെ കരട് നിയോജകമണ്ഡല വിഭജന  റിപ്പോർട്ടുകൾ സംസ്ഥാന ഡീ ലിമിറ്റേഷൻ കമ്മീഷൻ പരിശോധിച്ച് ജൂലൈ 21ന് വിജ്ഞാപനം പുറപ്പെടുവിച്ചിട്ടുള്ളതാണ്. 

ഇതിനെ  സംബന്ധിച്ച് ആക്ഷേപങ്ങളും അഭിപ്രായങ്ങളും   ജൂലൈ 26 വരെ സമർപ്പിക്കാം എന്ന് ജില്ലാ തിരഞ്ഞെടുപ്പ് ഉദ്യോഗസ്ഥൻ കൂടിയായ ജില്ലാ കളക്ടർ അറിയിച്ചു.

ഡീലിമിറ്റേഷൻ കമ്മീഷൻ സെക്രട്ടറി, കോർപ്പറേഷൻ ഓഫീസ് ബിൽഡിംഗ് നാലാം നില, പാളയം, തിരുവനന്തപുരം മുമ്പാകയോ, ജില്ലാ തിരഞ്ഞെടുപ്പ് ഉദ്യോഗസ്ഥൻ & ജില്ലാ കളക്ടർ, കളക്ടറേറ്റ്, ആലപ്പുഴ മുമ്പാകയോ നേരിട്ടോ, രജിസ്റ്റർ ചെയ്ത തപാൽ മുഖേനയോ മാത്രം സമർപ്പിക്കാം. ഇതിനോടൊപ്പം എന്തെങ്കിലും രേഖകൾ നൽകുവാൻ ആഗ്രഹിക്കുന്നുവെങ്കിൽ രേഖകളുടെ സ്വയം സാക്ഷ്യപ്പെടുത്തിയ പകർപ്പുകളും നൽകേണ്ടതാണ്.

വിജ്ഞാപനം കമ്മീഷന്റെ വെബ് സൈറ്റിലും (delimitation.lsgkerala.gov.in) ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളിലും പരിശോധനയ്ക്ക് ലഭ്യമാണ്.