കായിക പരിശീലക നിയമനം

താനൂര്‍ ഗവ. റീജണല്‍ ഫിഷറീസ് ടെക്‌നിക്കല്‍ ഹൈസ്‌കൂളിലെ കായിക പരിശീലക തസ്തികയിലേക്കുള്ള അഭിമുഖം സെപ്റ്റംബര്‍ 23ന് രാവിലെ 11ന് പൊന്നാനി ചന്തപ്പടിയിലുളള ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ നടക്കും. അപേക്ഷകര്‍ ഫുട്‌ബോള്‍ സീനിയര്‍ വിഭാഗത്തില്‍ സ്റ്റേറ്റ് പ്ലേയര്‍ ആയവര്‍ അല്ലെങ്കില്‍  സ്‌പോര്‍ട്‌സ് കൗണ്‍സിലിന്റെ അംഗീകാരമുളള ഫുട്‌ബോള്‍ കോച്ച് ആയിരിക്കണം. സ്‌കൂള്‍ പ്രവൃത്തി സമയത്തിന് ശേഷവും അവധി ദിവസങ്ങളിലും പരിശീലനം നല്‍കണം. താത്പര്യമുളളവര്‍ അസ്സല്‍ രേഖകള്‍ സഹിതം അഭിമുഖത്തിന് ഹാജരാകണം. ഫോണ്‍: 0494 2666428, 9496007031.