രജിസ്ട്രേഷന് ദിനാചരണം: സംഘാടക സമിതി രൂപീകരിച്ചു
സംസ്ഥാന രജിസ്ട്രേഷന് വകുപ്പിന്റെ നേതൃത്വത്തില് ജനുവരി നാലിന് അഞ്ചരക്കണ്ടി ഹയര്സെക്കഡറി സ്കൂളില് സംഘടിപ്പിക്കുന്ന സംസ്ഥാനതല രജിസ്ട്രേഷന് ദിനാചരണ പരിപാടിക്കായി സംഘാടക സമിതി രൂപീകരിച്ചു. രജിസ്ട്രേഷന്, പുരാവസ്തു, പുരാരേഖ, മ്യൂസിയം വകുപ്പ് മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്തു.
മുഖ്യമന്ത്രി പിണറായി വിജയന്, നിയമസഭ സ്പീക്കര് അഡ്വ.എ.എന് ഷംസീർ എന്നിവരെ രക്ഷാധികാരികളായും മന്ത്രി രാമചന്ദ്രന് കടന്നപ്പള്ളി ചെയര്മാനായും രജിസ്ട്രേഷന് ഐ ജി കെ.മീര ജനറൽ കണ്വീനറായും തിരഞ്ഞെടുത്തു. വിവിധ സബ് കമ്മിറ്റികളും രൂപീകരിച്ചു.
1865 ജനുവരി നാലിന് കണ്ണൂര് ജില്ലയിലെ അഞ്ചരക്കണ്ടിയിലാണ് ആദ്യമായി രജിസ്ട്രേഷന് നടപടികള് ആരംഭിച്ചത് എന്ന രേഖകളുടെ വെളിച്ചത്തിലാണ് ജനുവരി നാല് രജിസ്ട്രേഷന് ദിനമായി ആചരിക്കാന് സംസ്ഥാന സര്ക്കാര് തീരുമാനിച്ചത്. ദിനാചരണത്തോടനുബന്ധിച്ച് ഓരോ ജില്ലയിലെയും മികച്ച സബ്ബ് രജിസ്ട്രാർ ഓഫീസുകൾക്കും ജില്ലാ-മേഖല ഓഫീസുകൾക്കും അവാർഡ് നല്കും.
അഞ്ചരക്കണ്ടി ഫാര്മേഴ്സ് ബേങ്ക് ഹാളില് സംഘടിപ്പിച്ച യോഗത്തിൽ തലശേരി ബ്ലോക്ക് പഞ്ചായത്ത് അംഗം വിപിന്ലാല് അധ്യക്ഷത വഹിച്ചു. രജിസ്ട്രേഷന് ഐ ജി കെ.മീര, ബ്ലോക്ക് പഞ്ചായത്തംഗങ്ങളായ ഷീജ ചന്ദ്രന് ടി, എന് സവിത, ജില്ലാ രജിസ്ട്രാര് ജനറല് എ ബി സത്യന്, ചിട്ടി ഇന്സ്പെക്ടര് ടി സന്തോഷ്കുമാര് എന്നിവർ സംസാരിച്ചു.
(പടം)
- Log in to post comments