പുനരുദ്ധരിച്ച കാസര്കോട്- കാഞ്ഞങ്ങാട് റോഡ് നാളെ മുഖ്യമന്ത്രി ഉദ്ഘാടനം ചെയ്യും
പുനരുദ്ധരിച്ച കാസര്കോട്- കാഞ്ഞങ്ങാട് റോഡ് നാളെ(22) രാവിലെ 11ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ലോക ബാങ്കിന്റെ സഹായത്തോടെ കെ.എസ്.ടി.പിയുടെ രണ്ടാം ഘട്ടത്തില് ഉള്പ്പെടുത്തി പ്രവൃത്തി പൂര്ത്തികരിച്ച കാസര്കോട്, ഉദുമം കാഞ്ഞങ്ങാട് നിയോജക മണ്ഡലങ്ങളിലൂടെ കടന്നുപോകുന്ന റോഡാണ് ഇത്.
പൊതുമരാമത്ത് വകുപ്പ് മന്ത്രി ജി.സുധാകരന് അധ്യക്ഷതവഹിക്കും. റവന്യുമന്ത്രി ഇ.ചന്ദ്രശേഖരന്, പി.കരുണാകരന് എം.പി, എംഎല്എമാരായ എന്.എ നെല്ലിക്കുന്ന്, കെ.കുഞ്ഞിരാമന്, എം.രാജഗോപാലന് എന്നിവര് വിശിഷ്ടാതിഥികളായിരിക്കും.
ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്, ജില്ലാ കളക്ടര് ഡോ.ഡി.സജിത് ബാബു, കാഞ്ഞങ്ങാട് നഗരസഭ അധ്യക്ഷന് വി.വി രമേശന്, കാസര്കോട് നഗരസഭ അധ്യക്ഷ ബിഫാത്തി ഇബ്രാഹിം, ബ്ലോക്ക്, ഗ്രാമപഞ്ചായത്ത് അധ്യക്ഷന്മാര്, അംഗങ്ങള്, വിവിധ രാഷ്ട്രീയകക്ഷി പ്രതിനിധികള് തുടങ്ങിയവര് പങ്കെടുക്കും.
- Log in to post comments