പട്ടികജാതി വിഭാഗക്കാർക്ക് സൗജന്യ പരിശീലനം: അപേക്ഷ ക്ഷണിച്ചു

സി-ഡിറ്റ് നടപ്പാക്കുന്ന സൈബർശ്രീയിൽ 20നും 26നും മധ്യേ പ്രായമുള്ള പട്ടികജാതി വിഭാഗത്തിൽപ്പെട്ട വിദ്യാർഥികളിൽ നിന്നും വിവിധ പരിശീലനങ്ങളിലേക്ക് അപേക്ഷ ക്ഷണിച്ചു.
പൈത്തൺ പ്രോഗ്രാമിംഗിന്റെ നാലുമാസത്തെ പരിശീലനത്തിന് തെരഞ്ഞെടുക്കപ്പെടുന്നവർക്ക് പ്രതിമാസം 5000 രൂപ സ്റ്റൈപന്റായി ലഭിക്കും. ബി.ടെക്/ എം.സി.എ/ എം.എസ്‌സി കമ്പ്യൂട്ടർ സയൻസ് കോഴ്‌സ് പൂർത്തീകരിച്ചവർക്ക് അപേക്ഷിക്കാം.
ഐ.ടി ഓറിയന്റഡ് സോഫ്റ്റ് സ്‌കിൽ ഡെവലപ്പ്‌മെന്റ് ട്രെയിനിംഗിൽ മൂന്ന് മാസത്തെ പരിശീലനത്തിന് പ്രതിമാസം 5500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തിൽ ബിരുദമുള്ളവർക്കോ ബി.ഇ/ ബി.ടെക്/ എം.സി.എ/ എം.എസ്‌സി കമ്പ്യൂട്ടർ സയൻസ് കോഴ്‌സ് പൂർത്തീകരിച്ചവർക്കോ അപേക്ഷിക്കാം.
ഐ.ടി അധിഷ്ഠിത ബിസിനസ് മാനേജ്‌മെന്റിന്റെ ആറു മാസത്തെ പരിശീലനത്തിന് പ്രതിമാസം 5500 രൂപ സ്റ്റൈപന്റായി ലഭിക്കും. ഏതെങ്കിലും വിഷയത്തിൽ ബിരുദമുള്ളവർക്കോ ബി.ഇ/ ബി.ടെക്/ എം.സി.എ/ എം.എസ്‌സി കമ്പ്യൂട്ടർ സയൻസ് കോഴ്‌സ് പൂർത്തീകരിച്ചവർക്കോ അപേക്ഷിക്കാം.
വിഷ്വൽ ഇഫക്ട് ആൻഡ് ആനിമേഷൻ ഇൻ ഫിലിം ആൻഡ് വിഷ്വൽമീഡിയ പരീശീലനത്തിന് (ആറുമാസം) പ്രതിമാസം 5500 രൂപ സ്റ്റൈപന്റ് ലഭിക്കും. ഏതെങ്കിലും വിഷയത്തിൽ ബിരുദം/ ബി.എഫ്.എ പാസായവർക്കോ ബി.ടെക്/ എം.സി.എ/ എം.എസ്‌സി കമ്പ്യൂട്ടർസയൻസ് കോഴ്‌സ് പൂർത്തീകരിച്ചവർക്കോ അപേക്ഷിക്കാം.
വിശദവിവരങ്ങളും അപേക്ഷാ ഫോറവും www.cybersri.org ൽ ലഭിക്കും. വിദ്യാഭ്യാസ യോഗ്യത, വയസ്സ്, ജാതി എന്നിവ തെളിയിക്കുന്നതിനുള്ള സർട്ടിഫിക്കറ്റുകൾ സഹിതം അപേക്ഷകൾ 25ന് മുമ്പ് സൈബർശ്രീ സെന്റർ, അംബേദ്കർ ഭവൻ, മണ്ണന്തല.പി.ഒ, തിരുവനന്തപുരം-695015 എന്ന വിലാസത്തിൽ ലഭിക്കണം. പൂരിപ്പിച്ച അപേക്ഷകൾ യോഗ്യത സർട്ടിഫിക്കറ്റുകളുടെ പകർപ്പ് സഹിതം  cybersritraining@gmail.com എന്ന വിലാസത്തിൽ ഇ-മെയിൽ ആയും അയക്കാം. ഫോൺ: 0471 2933944, 9447401523.
പി.എൻ.എക്സ്.167/2020