കൊറോണ കൺട്രോൾ റൂം, കാക്കനാട്, എറണാകുളം, 4/5/20

കൊറോണ കൺട്രോൾ റൂം, കാക്കനാട്,
എറണാകുളം, 4/5/20

ബുള്ളറ്റിൻ - 5 PM
    ഇന്ന് (4/5/20) 10 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 26 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു. ഇതോടെ ജില്ലയിൽ വീടുകളിൽ നിരീക്ഷണത്തിൽ ഉള്ളവരുടെ ആകെ എണ്ണം  864  ആയി. ഇതിൽ 404 പേർ ഹൈറിസ്ക്ക് വിഭാഗത്തിൽ ഉൾപ്പെട്ടതിനാൽ 28 ദിവസത്തെ നിരീക്ഷണത്തിലും, 460 പേർ ലോ റിസ്ക് വിഭാഗത്തിൽ ഉൾപ്പെട്ടതിനാൽ 14 ദിവസത്തെ നിരീക്ഷണത്തിലും ആണ്

    ഇന്ന് പുതുതായി ആരെയും ആശുപത്രികളിൽ നിരീക്ഷണത്തിനായി പ്രവേശിപ്പിച്ചിട്ടില്ല. കളമശ്ശേരി മെഡിക്കൽ കോളേജിൽ നിരീക്ഷണത്തിൽ ഉണ്ടായിരുന്ന 2 പേരെ ഡിസ്ചാർജ് ചെയ്യുകയും ചെയ്തു. ജില്ലയിൽ വിവിധ ആശുപത്രികളിൽ നിരീക്ഷണത്തിലുള്ളവരുടെ എണ്ണം  25  ആണ്
    കളമശ്ശേരി മെഡിക്കൽ കോളേജ് – 4     
    ആലുവ ജില്ലാ ആശുപത്രി-   7
    കരുവേലിപ്പടി താലൂക്ക് ആശുപത്രി – 1
    സ്വകാര്യ ആശുപത്രികൾ -  13

•    ഇന്ന് ജില്ലയിൽ നിന്നും 10  സാമ്പിളുകൾ കൂടി പരിശോധനയ്ക്ക് അയച്ചിട്ടുണ്ട്.  ഇന്ന് 16 പരിശോധന ഫലങ്ങളാണ് ലഭിച്ചത്. ഇവയെല്ലാം തന്നെ നെഗറ്റീവ് ആണ്.  ഇനി 57 സാമ്പിൾ ഫലങ്ങൾ കൂടി ലഭിക്കാനുണ്ട്. ഇതിൽ 41 എണ്ണവും ഫീൽഡിൽ നിന്നും എടുത്തവയാണ്.

•    കോവിഡ് പ്രതിരോധ പ്രവർത്തനങ്ങളുടെ ഭാഗമായി മലയിടംതുരുത്ത്, വെങ്ങോല, കീഴ്മാട്, വാഴക്കുളം, ചൂർണിക്കര, എടത്തല എന്നീ പ്രാഥമികാരോഗ്യ കേന്ദ്രങ്ങളിലെ  ഡോക്ടർമാർ ഉൾപ്പെടെയുള്ള  47   ജീവനക്കാർക്കും, വേങ്ങൂർ ഗ്രാമ പഞ്ചായത്തിലെ ജന പ്രതിനിധികൾക്കും, ആശ പ്രവർത്തകർക്കും, കീഴ്മാട് പല്ലാരിമംഗലം എന്നിവിടങ്ങളിലെ230 അതിഥി തൊഴിലാളികൾക്കും, മാലിപ്പുറം, കുമ്പളങ്ങി, പിറവം എന്നിവിടങ്ങളിലെ സർക്കാർ ആശുപത്രിയിലെ ഓ.പി വിഭാഗത്തിൽ വന്ന പൊതുജനങ്ങൾക്കും ബോധവൽക്കരണ പരിപാടികൾ സംഘടിപ്പിച്ചു. 

•    ഇന്ന് 546 കോളുകൾ ആണ് കൺട്രോൾ റൂമിൽ ലഭിച്ചത്. ഇതിൽ 366  കോളുകൾ പൊതുജനങ്ങളിൽ  നിന്നുമായിരുന്നു. മറ്റു ജില്ലകളിലേക്ക് ജോലി സംബന്ധമായും, ബന്ധുക്കളെ കാണുന്നതിനായും പോകുന്നതിനുള്ള പാസ് ലഭിക്കുന്നതിനെ കുറിച്ചും, ഇതര സംസ്ഥാനങ്ങളിൽ നിന്നും കേരളത്തിലേക്ക് വരുന്നതിനുള്ള രെജിസ്ട്രേഷൻ സംബന്ധിച്ചും, വിദേശത്ത് നിന്നും എന്ന് മുതൽ ആളുകളെ തിരികെ എത്തിക്കും എന്നൊക്കെ അറിയുന്നതിനായിരുന്നു ഭൂരിഭാഗം കോളുകളും. പാസ് ലഭിച്ച് മറ്റു ജില്ലകളിൽ ജോലിക്കായി പോയാൽ അവിടെ നിരീക്ഷണത്തിൽ കഴിയേണ്ടി വരുമോ എന്ന് അറിയുവാനും കോളുകൾ എത്തി.

•    വാർഡ് തലങ്ങളിൽ പ്രവർത്തിക്കുന്ന ആരോഗ്യ പ്രവർത്തകരുടെ സംഘങ്ങൾ ഇന്ന്  2572 വീടുകൾ സന്ദർശിച്ചു ബോധവൽക്കരണം നടത്തി. വീടുകളിൽ നിരീക്ഷണത്തിൽ കഴിയുന്നവരുമായി ഫോൺ വഴി ബന്ധപ്പെട്ട് ആരോഗ്യ സ്ഥിതിയും വിലയിരുത്തി വരുന്നു.

•    അതിഥി തൊഴിലാളികളുടെ തിരിച്ചു പോക്കുമായി ബന്ധപ്പെട്ട് സ്ക്രീനിംഗ് നടത്തുന്നതിനായി ഇന്നലെ (3/5/20) റെയിൽവേ സ്റ്റേഷനുകളിലും, തൊഴിലാളി ക്യാമ്പുകളിലുമായി 15 മെഡിക്കൽ ടീമുകൾ പ്രവർത്തിച്ചു.

•    തൃപ്പൂണിത്തുറ കോവിഡ് കെയർ സെന്ററിൽ (ആയുർവേദ മെഡിക്കൽ കോളേജ്) ഇന്ന് 2 പേരെ കൂടി വേശിപ്പിച്ചു. ജില്ലയിലെ കോവിഡ് കെയർ സെന്ററുകളിൽ നിരീക്ഷണത്തിലുള്ളവരുടെ എണ്ണം 50 ആണ് . ഇവരെല്ലാം തന്നെ തൃപ്പൂണിത്തുറ കോവിഡ് കെയർ സെന്ററിലാണ്.

•    ഇന്ന് ജില്ലയിലെ പ്രധാന മാർക്കറ്റുകളിൽ 96 ചരക്കു ലോറികൾ എത്തി. അതിൽ വന്ന 109 ഡ്രൈവർമാരുടെയും  ക്ളീനർമാരയുടെയും വിവരങ്ങൾ ശേഖരിച്ചു. ഇതിൽ 75 പേരെ ജില്ലാ കൺട്രോൾ റൂമിൽ നിന്നും ഫോൺ വഴി ബന്ധപ്പെട്ട് വിവരങ്ങൾ ശേഖരിച്ചു. ആരിലും രോഗലക്ഷണങ്ങൾ ഇല്ല.

•    ഇന്ന് ജില്ലയിൽ 117 കമ്മ്യൂണിറ്റി കിച്ചനുകൾ പ്രവർത്തിച്ചു. ഇതിൽ  87 എണ്ണം പഞ്ചായത്തുകളിലും, 30 എണ്ണം നഗരസഭകളിലുമാണ്. ഇവിടങ്ങൾ വഴി 15,552  പേർക്ക് ഫുഡ് കിറ്റുകൾ നൽകി. ഇതിൽ 3119 പേർ ഇതര സംസ്ഥാന തൊഴിലാളികൾ ആണ്.

•    ജില്ലാ മാനസികാരോഗ്യ പരിപാടിയുടെ നേതൃത്വത്തിൽ ഇന്ന് നിരീക്ഷണത്തിൽ കഴിയുന്ന 64  പേർക്ക് കൗൺസലിംഗ് നൽകി. ഇത് കൂടാതെ കൺട്രോൾ റൂമിലേക്ക് വിളിച്ച 27 പേർക്കും ഇത്തരത്തിൽ കൗൺസലിംഗ് നൽകി.

•    ഐ.എം.എ ഹൗസിൽ പ്രവർത്തിക്കുന്ന ടെലി ഹെൽത്ത് ഹെൽപ്പ് ലൈൻ സംവിധാനത്തിൽ നിന്ന് വീഡിയോ കോൾ വഴി ഇന്ന് നിരീക്ഷണത്തിൽ കഴിയുന്ന 5 പേർക്ക് സേവനം നൽകി. ഇവർ ഡോക്ടറുമായി നേരിൽ കണ്ട് സംസാരിക്കുകയും ആശങ്കകൾ പരിഹരിക്കുകയും ചെയ്തു.

•    വീടുകളിൽ നിരീക്ഷണത്തിലുള്ള 19 ഗർഭിണികളുടെ ആരോഗ്യ വിവരങ്ങൾ  ആരോഗ്യപ്രവത്തകർ ഫോൺ വഴി ശേഖരിച്ചു. ആവശ്യമായ നിർദ്ദേശങ്ങൾ നൽകി.  

•    ലോക്ക് ഡൗണിൽ ഇളവുകൾ പ്രഖാപിച്ച സാഹചര്യത്തിൽ തുറന്ന് പ്രവർത്തിക്കുന്ന സ്ഥപനങ്ങൾ പ്രതിരോധ പ്രവർത്തങ്ങളുടെ  മാനദണ്ഡങ്ങൾ പാലിക്കുന്നുണ്ടോ എന്നറിയാനായി രൂപീകരിച്ച എൻഫോഴ്സ്മെന്റ സ്ക്വാഡ് കൊച്ചി നഗരസഭ പ്രദേശത്ത് ഇന്ന്  30  സ്ഥപനങ്ങൾ പരിശോധിച്ചു. ജീവനക്കാർ മാസ്ക്ക് ധരിക്കാത്തതിന് 3 സ്ഥാപനങ്ങൾക്കെതിരെയും, സാമൂഹിക അകലം പാലിക്കാത്തതിനും, ഇടപാടുകാർക്ക് സാനിറ്റൈസർ നല്കാത്തതിനും ഓരോ സ്ഥാപനങ്ങൾക്കെതിരെയും നടപടിക്ക് ശുപാര്ശ ചെയ്തു.

•    ഇന്നലെ (03.04.2) കൊച്ചി തുറമുഖത്ത് എത്തിയ 2 കപ്പലുകളിലെ  88 ജീവനക്കാരെയും 147 യാത്രക്കാരെയും പരിശോധിച്ചതിൽ ആർക്കും തന്നെ  രോഗലക്ഷണങ്ങൾ ഇല്ല.
DATA UPDATE    
Home quarantine new -                                     10
No. of persons released from home quarantine -     26
Home quarantine total -                              864
        
New Hospital isolation today-     nil
Discharge from Isolation –    2 (GMC-2)
Hospital isolation total-        25 (GMC-4 , DH Aluva -7, Karuvelipady GMTH-1 , Pvt - 13)
        
Positive case today                 Nil
Total positive case till date -     25    
Total positive cases under treatment –    Nil
        
Sample sent today -         10
Results received today -         16 (All negative)
Results awaiting -     57 (16 routine sample & 41 surveillance sample )
        
No. of Covid Care Centres/Short Stay Homes -          36
Total persons  quarantined at Covid  Care Centres -    50
        
Total calls received at Call centre -     546
                                      

ജില്ലാ കളക്ടർ, 
എറണാകുളം
ജില്ലാ കൺട്രോൾ റൂം നമ്പർ : 0484 2368802