ഐ എച്ച് ആര്‍ ഡി ടെക്‌നിക്കല്‍ ഹയര്‍ സെക്കണ്ടറി സ്‌കൂള്‍ എട്ടാം ക്ലാസ് പ്രവേശനം

ഐ എച്ച് ആര്‍ ഡി യുടെ കീഴില്‍ എറണാകുളം കലൂര്‍(0484-2347132), കപ്രാശ്ശേരി(ചെങ്ങമനാട്- 0484-2604116), മലപ്പുറം വാഴക്കാട്(0483-2725215), വട്ടംകുളം(0494-2681498), പെരിന്തല്‍മണ്ണ(04933-225086) എന്നിവിടങ്ങളിലും കോട്ടയം പുതുപ്പള്ളി(0481-2351485), ഇടുക്കി പീരുമേട്(04869-233982), തൊടുപുഴ മുട്ടം(04862-255755), പത്തനംതിട്ട മല്ലപ്പള്ളി(0469-2680574) എന്നിവിടങ്ങളില്‍ പ്രവര്‍ത്തിക്കുന്ന ടെക്‌നിക്കല്‍ ഹയര്‍ സെക്കണ്ടറി സ്‌കൂളുകളില്‍ 2020-21 അധ്യയന വര്‍ഷത്തില്‍ എട്ടാം സ്റ്റാന്റേര്‍ഡ് പ്രവേശനത്തിന് അര്‍ഹരായവരില്‍ നിന്നും ഓണ്‍ലൈന്‍ അപേക്ഷ ക്ഷണിച്ചു. അപേക്ഷകന്‍ 2006 ജൂണ്‍ ഒന്നിനും 2008 മെയ് 31 നും ഇടയില്‍ ജനിച്ചവരായിരിക്കണം. ഏഴാം സ്റ്റാന്റേര്‍ഡോ തത്തുല്യ പരീക്ഷയോ ജയിച്ചവര്‍ക്കും പരീക്ഷാഫലം കാത്തിരിക്കുന്നവര്‍ക്കും അപേക്ഷിക്കാം. അപേക്ഷ  ihrd.kerala.gov.in/thss വെബ്‌സൈറ്റ് മുഖേന സമര്‍പ്പിക്കണം. രജിസ്‌ട്രേഷന്‍ ഫീസ് 110 രൂപ (എസ് സി/എസ് ടി വിദ്യാര്‍ഥികള്‍ക്ക് 55 രൂപ) അപേക്ഷിക്കാന്‍ ഉദ്ദേശിക്കുന്ന സ്‌കൂളിന്റെ ബാങ്ക് അക്കൗണ്ടില്‍ അടച്ച് രസീതിന്റെ വിശദാംശങ്ങള്‍ ഓണ്‍ലൈന്‍ പോര്‍ട്ടലില്‍ രേഖപ്പെടുത്തണം. അപേക്ഷ ഫീസ് സ്‌കൂള്‍ ഓഫീസില്‍ പണമായോ പ്രിന്‍സിപ്പലിന്റെ പേരില്‍ മാറാവുന്ന ഡി ഡി ആയോ നല്‍കാം. 2020-21 വര്‍ഷത്തെ പ്രോസ്‌പെക്ടസ് വെബ്‌സൈറ്റില്‍ ലഭിക്കും. അപേക്ഷ ഓണ്‍ലൈനില്‍ മെയ് 18 മുതല്‍ മെയ് 26 ന് വൈകുന്നേരം നാലുവരെ സമര്‍പ്പിക്കാം.
(പി.ആര്‍.കെ. നമ്പര്‍. 1382/2020)