ക്യാഷ്   അവാര്‍ഡിന്  അപേക്ഷിക്കാം 

കേരള കശുവണ്ടി തൊഴിലാളി ആശ്വാസ ക്ഷേമനിധി അംഗങ്ങളുടെ മക്കളില്‍ 2019-20 അധ്യായന വര്‍ഷം എസ്.എസ്.എല്‍.സി, സിബിഎസ്ഇ , പ്ലസ്ടു(സ്റ്റേറ്റ്, സിബിഎസ്ഇ) പരീക്ഷകളില്‍ എറ്റവും കൂടുതല്‍ മാര്‍ക്ക് വാങ്ങി വിജയിച്ചവര്‍ക്ക് ക്യാഷ് അവാര്‍ഡ് നല്‍കും. ഇതിനായി  വെളള പേപ്പറില്‍ എഴുതി തയ്യാറാക്കിയ ക്ഷേമനിധി അംഗത്തിന്റെ അപേക്ഷ, മാര്‍ക്ക് ലിസ്സിന്റെ പകര്‍പ്പ്, ക്ഷേമനിധി കാര്‍ഡിന്റെ പകര്‍പ്പ്, അപേക്ഷകന് വിദ്യാര്‍ത്ഥിയുമായുളള ബന്ധം തെളിയിക്കുന്നതിനായി എസ്.എസ്.എല്‍.സി ബുക്കിന്റെ പകര്‍പ്പ്, റേഷന്‍ കാര്‍ഡിന്റെ പകര്‍പ്പ്, അപേക്ഷകന്റെ ഫോണ്‍ നമ്പര്‍ എന്നിവ സഹിതം ആഗസ്റ്റ് 10 നകം ചീഫ് എക്‌സിക്യൂട്ടീവ് ഓഫീസര്‍, കേരള കശുവണ്ടി തൊഴിലാളി ആശ്വാസ ക്ഷേമനിധി ബോര്‍ഡ്, മുണ്ടയ്ക്കല്‍ വെസ്റ്റ്, കൊല്ലം-691001 എന്ന വിലാസത്തില്‍ സമര്‍പ്പിക്കണം.  രേഖകള്‍ നേരിട്ടോ, തപാലിലോ അല്ലെങ്കില്‍ chiefofficecashew@gmail.com ലേക്ക് മെയിലായോ സമര്‍പ്പിക്കാം.ഫോണ്‍- 0474-2743469.