ജില്ലയില്‍ 75 പേര്‍ക്ക് കൂടി കോവിഡ് 19 സ്ഥിരീകരിച്ചു; ഒമ്പത് പേര്‍ക്ക് രോഗമുക്തി

ഒമ്പത് പേര്‍ രോഗ മുക്തരായി
സമ്പര്‍ക്കത്തിലൂടെ 63 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 721 പേര്‍
ഇതുവരെ രോഗബാധ സ്ഥിരീകരിച്ചത് 2,067 പേര്‍ക്ക്
1,027 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 33,447 പേര്‍

ജില്ലയില്‍ 75 പേര്‍ക്ക് കൂടി ഇന്നലെ (ജൂലൈ 31) കോവിഡ് 19 സ്ഥിരീകരിച്ചതായി ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവരില്‍ 63 പേര്‍ക്കും സമ്പര്‍ക്കത്തിലൂടെയാണ് രോഗബാധ. ഇന്നലെ രോഗം സ്ഥിരീകരിച്ചവരില്‍ അഞ്ച പേര്‍ ഇതര സംസ്ഥാനങ്ങളില്‍ നിന്നെത്തിയവരും ശേഷിക്കുന്ന ഏഴ് വിവിധ വിദേശ രാജ്യങ്ങളില്‍ നിന്നെത്തിയവരാണ്. ഇന്നലെ ഒമ്പത് പേര്‍ ജില്ലയില്‍ രോഗമുക്തരായി. വിദഗ്ധ ചികിത്സക്കു ശേഷം ഇതുവരെ 1,333 പേരാണ് രോഗമുക്തരായി വീടുകളിലേക്ക് മടങ്ങിയത്.

സമ്പര്‍ക്കത്തിലൂടെ രോഗബാധ സ്ഥിരീകരിച്ചവര്‍

നേരത്തെ രോഗബാധ സ്ഥിരീകരിച്ചവരുമായി അടുത്ത ബന്ധമുണ്ടായ മൊറയൂര്‍ സ്വദേശി (45), പുളിക്കല്‍ സ്വദേശിനി (34), കൊണ്ടോട്ടി സ്വദേശി (31), മഞ്ചേരി സ്വദേശി (54), തെന്നല സ്വദേശി (28), പുളിക്കല്‍ സ്വദേശി (18), നിലമ്പൂര്‍ സ്വദേശി (13), കൊണ്ടോട്ടി സ്വദേശിനി (11), കൊണ്ടോട്ടി സ്വദേശിനി (22), ആനക്കയം സ്വദേശിനി (29), പുളിക്കല്‍ സ്വദേശിനി (26), മഞ്ചേരി സ്വദേശി (26), കൊണ്ടോട്ടി സ്വദേശിനി (47), കൊണ്ടോട്ടി സ്വദേശിനി (അഞ്ച്), പള്ളിക്കല്‍ സ്വദേശി (46), മഞ്ചേരി സ്വദേശി (18), പെരുവെള്ളൂര്‍ സ്വദേശിനി (44), പെരുവെള്ളൂര്‍ സ്വദേശിനി (72), പെരുവെള്ളൂര്‍ സ്വദേശി (82), പള്ളിക്കല്‍ സ്വദേശി (17), കോണ്ടോട്ടി സ്വദേശി (15), കൊണ്ടോട്ടി സ്വദേശി (എട്ട്), വഴിക്കടവ് സ്വദേശി (22), കൊണ്ടോട്ടി സ്വദേശി (18), പെരുവെള്ളൂര്‍ സ്വദേശി (14), പാണ്ടിക്കാട് സ്വദേശി (29), കൊണ്ടോട്ടി സ്വദേശിനി (40), പെരിന്തല്‍മണ്ണ സ്വദേശി (45), പെരിന്തല്‍മണ്ണ സ്വദേശി (13), പെരിന്തല്‍മണ്ണ സ്വദേശി (47), മൊറയൂര്‍ സ്വദേശി (31), ചോക്കാട് സ്വദേശിനി (30), മഞ്ചേരി സ്വദേശി (25), വഴിക്കടവ് സ്വദേശിനി (ഒമ്പത്), എടരിക്കോട് സ്വദേശിനി (53), പള്ളിക്കല്‍ സ്വദേശിനി (12), പെരിന്തല്‍മണ്ണ സ്വദേശിനി (40), കൊണ്ടോട്ടി സ്വദേശിനി (45), തെന്നല സ്വദേശിനി (53), പുളിക്കല്‍ സ്വദേശിനി (24), ചേലേമ്പ്ര സ്വദേശി (31), കൊണ്ടോട്ടി സ്വദേശിനി (19), പെരുവെള്ളൂര്‍ സ്വദേശിനി (30), തിരൂരങ്ങാടി സ്വദേശിനി (ഒമ്പത്), പെരുവെള്ളൂര്‍ സ്വദേശി (20), തെന്നല സ്വദേശി (27), തിരൂരങ്ങാടി സ്വദേശിനി (19), തിരൂരങ്ങാടി സ്വദേശിനി (നാല്), നന്നമ്പ്ര സ്വദേശി (39), വഴിക്കടവ് സ്വദേശി (44), പോരൂര്‍ സ്വദേശി (55), എടവണ്ണ സ്വദേശി (35), ആതവനാട് സ്വദേശി (48), മമ്പാട് സ്വദേശി (24) എന്നിവര്‍ക്കും ഉറവിടമറിയാതെ കൊണ്ടോട്ടി സ്വദേശിനി (38), ഇരിമ്പിളിയം സ്വദേശി (33), തൃക്കലങ്ങോട് സ്വദേശിനി (70), ആരോഗ്യ പ്രവര്‍ത്തകയായ താഴേക്കോട് സ്വദേശിനി (49), പെരിന്തല്‍മണ്ണ സ്വദേശി (36), പെരിന്തല്‍മണ്ണ സ്വദേശി (34), ചുങ്കത്തറ സ്വദേശി (32), അരീക്കോട് സ്വദേശി (32), കൊണ്ടോട്ടി സ്വദേശി (26) എന്നിവര്‍ക്കുമാണ് സമ്പര്‍ക്കത്തിലൂടെ രോഗബാധയുണ്ടായത്.

ഇതര സംസ്ഥാനങ്ങളില്‍ നിന്നെത്തിയവര്‍

ബംഗളൂരുവില്‍ നിന്നെത്തിയ പൊന്മുണ്ടം സ്വദേശി (25), ആന്ധ്രപ്രദേശില്‍ നിന്നെത്തിയ തിരൂരങ്ങാടി സ്വദേശി (23), ഗുജറാത്തില്‍ നിന്നെത്തിയ എടക്കര സ്വദേശി (ഒമ്പത്), ബംഗളൂരുവില്‍ നിന്നെത്തിയ തെന്നല സ്വദേശി (25), കര്‍ണ്ണാടകയില്‍ നിന്നെത്തിയ മൂന്നിയൂര്‍ സ്വദേശി (64) എന്നിവര്‍ക്ക് ഇതര സംസ്ഥാനങ്ങളില്‍ നിന്നെത്തിയ ശേഷവും രോഗബാധ സ്ഥിരീകരിച്ചു.

വിദേശ രാജ്യങ്ങളില്‍ നിന്നെത്തിയവര്‍

ജിദ്ദയില്‍ നിന്നെത്തിയ താനൂര്‍ സ്വദേശി (40), ജിദ്ദയില്‍ നിന്നെത്തിയ കണ്ണമംഗലം സ്വദേശി (49), റാസല്‍ഖൈമയില്‍ നിന്നെത്തിയ ഒതുക്കുങ്ങല്‍ സ്വദേശി (29), സൗദിയില്‍ നിന്നെത്തിയ ആലിപ്പറമ്പ് സ്വദേശി (36), ദമാമില്‍ നിന്നെത്തിയ മമ്പാട് സ്വദേശി (53), കുവൈത്തില്‍ നിന്നെത്തിയ വണ്ടൂര്‍ സ്വദേശി (47), ജിദ്ദയില്‍ നിന്നെത്തിയ പൊന്മള സ്വദേശി (49) എന്നിവര്‍ക്കാണ് വിദേശ രാജ്യങ്ങളില്‍നിന്നെത്തിയവരില്‍ രോഗം സ്ഥിരീകരിച്ചത്.

നിരീക്ഷണത്തിലുള്ളത് 33,447 പേര്‍

33,447 പേരാണ് ഇപ്പോള്‍ ജില്ലയില്‍ നിരീക്ഷണത്തിലുള്ളത്. രോഗബാധ സ്ഥിരീകരിച്ചവരടക്കം 834 പേര്‍ വിവിധ ആശുപത്രികളില്‍ നിരീക്ഷണത്തിലുണ്ട്. മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ 577 പേരും തിരൂരങ്ങാടി താലൂക്ക് ആശുപത്രിയില്‍ 13 പേരും തിരൂര്‍ ജില്ലാ ആശുപത്രിയില്‍ രണ്ട് പേരും നിലമ്പൂര്‍ ജില്ലാ ആശുപത്രിയില്‍ അഞ്ച് പേരും കാളികാവ് പ്രത്യേക ചികിത്സാ കേന്ദ്രത്തില്‍ 31 പേരും മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില്‍ 48 പേരും കരിപ്പൂര്‍ ഹജ്ജ് ഹൗസില്‍ 35 പേരും കാലിക്കറ്റ് സര്‍വ്വകലാശാലയിലെ പ്രത്യേക ചികിത്സാ കേന്ദ്രത്തില്‍ 123 പേരുമാണ് ചികിത്സയില്‍ കഴിയുന്നത്. 31,237 പേര്‍ വീടുകളിലും 1,340 പേര്‍ കോവിഡ് കെയര്‍ സെന്ററുകളിലുമായി പ്രത്യേക നിരീക്ഷണത്തിലുണ്ട്.

58,639 പേര്‍ക്ക് രോഗബാധയില്ലെന്ന് സ്ഥിരീകരിച്ചു

ജില്ലയില്‍ നിന്ന് ഇതുവരെ ആര്‍.ടി.പി.സി.ആര്‍, ആന്റിജന്‍, ആന്റിബോഡി വിഭാഗങ്ങളിലുള്‍പ്പടെ 65,959 പേരുടെ സാമ്പിളുകള്‍ പരിശോധനക്കയച്ചു. ഇതില്‍ 63,929 പേരുടെ ഫലം ലഭ്യമായി. ഇതില്‍ 58,539 പേര്‍ക്കാണ് വൈറസ് ബാധയില്ലെന്ന് സ്ഥിരീകരിച്ചത്. 1,894 പേരുടെ പരിശോധനാ ഫലങ്ങളാണ് ഇനി ലഭിക്കാനുള്ളത്.

രോഗികളുമായി സമ്പര്‍ക്കമുണ്ടായവര്‍ ആരോഗ്യ വകുപ്പിനെ അറിയിക്കണം

രോഗം സ്ഥിരീകരിച്ചവരുമായി ഏതെങ്കിലും വിധത്തില്‍ സമ്പര്‍ക്കമുണ്ടായിട്ടുള്ളവര്‍ വീടുകളില്‍ പ്രത്യേക മുറികളില്‍ നിരീക്ഷണത്തില്‍ കഴിയണമെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഈ വിവരം ആരോഗ്യ പ്രവര്‍ത്തകരെ അറിയിക്കണം.  വീടുകളില്‍ നിരീക്ഷണത്തിന് സൗകര്യമില്ലാത്തവര്‍ക്ക് സര്‍ക്കാര്‍ ഒരുക്കിയ കോവിഡ് കെയര്‍ സെന്ററുകള്‍ ഉപയോഗപ്പെടുത്താം. ആരോഗ്യ പ്രശ്‌നങ്ങളുണ്ടായാല്‍ ഒരു കാരണവശാലും നേരിട്ട് ആശുപത്രികളില്‍ പോകരുത്. ജില്ലാതല കണ്‍ട്രോള്‍ സെല്ലില്‍ വിളിച്ച് ലഭിക്കുന്ന നിര്‍ദേശങ്ങള്‍ പൂര്‍ണമായും പാലിക്കണം.  ജില്ലാതല കണ്‍ട്രോള്‍ സെല്‍ നമ്പറുകള്‍: 0483 2737858, 2737857, 2733251, 2733252, 2733253.