'സൃഷ്ടി' വേനലവധിക്കാല ക്യാമ്പ് ഇന്ന് മുതല്‍
പട്ടികവര്‍ഗ ഉന്നതികളിലെ കുട്ടികള്‍ക്കായി ജില്ലാ ഭരണകൂടം സംഘടിപ്പിക്കുന്ന 'സൃഷ്ടി' ദ്വിദിന വേനലവധിക്കാല ക്യാമ്പിന് ഇന്ന് (ഏപ്രില്‍ 29) ചെമ്പുകടവ് ഗവ. യുപി സ്‌കൂളില്‍ തുടക്കമാകും. ജില്ല ലീഗല്‍ സര്‍വീസസ് അതോറിറ്റി ചെയര്‍പേഴ്‌സണ്‍ ബിന്ദു കുമാരി ഉദ്ഘാടനം നിര്‍വഹിക്കും. ട്രൈബല്‍ എക്സ്റ്റന്‍ഷന്‍ ഓഫീസര്‍ സലീഷ് അധ്യക്ഷനാകും.
ജില്ലാ ലീഗല്‍ സര്‍വീസസ് അതോറിറ്റി, അഡോറ, പട്ടികവര്‍ഗ വകുപ്പ്, ആസാദ് സേന എന്നിവയുടെ സഹകരണത്തോടെയാണ് ക്യാമ്പ് ഒരുക്കുന്നത്. വെണ്ടക്കാംപൊയില്‍, തേക്കുംതോട്ടം, കോഴിക്കാടന്‍ ചാല്‍, ചെമ്പുകടവ് എന്നീ ഉന്നതികളിലെ എല്‍.പി, യു.പി, ഹൈസ്‌കൂള്‍ വിദ്യാര്‍ഥികള്‍ ക്യാമ്പില്‍ പങ്കെടുക്കും. വിവിധ വിഷയങ്ങളിലുള്ള സെഷനുകള്‍ക്ക് പ്രമുഖര്‍ നേതൃത്വം നല്‍കും. മജീഷ്യന്‍ മലയില്‍ ഹംസയുടെ മാജിക് പ്രദര്‍ശനവും അരങ്ങേറും. ജില്ലാ കളക്ടറുടെ ഇന്റേണ്‍സാണ് പരിപാടിയുടെ ഏകോപനം നിര്‍വഹിക്കുന്നത്. ക്യാമ്പ് ബുധനാഴ്ച വൈകീട്ട് സമാപിക്കും
- Log in to post comments