ശ്രീനിവാസ രാമാനുജൻ ഇൻസ്റ്റിറ്റ്യൂട്ട് ഓഫ് ബേസിക് സയൻസിൽ ശ്സ്ത്രജ്ഞൻമാരാകാൻ അവസരം

പാമ്പാടി ശ്രീനിവാസ രാമാനുജൻ ഇൻസ്റ്റിറ്റ്യൂട്ട് ഓഫ് ബേസിക് സയൻസ്  പിഎച്ച്.ഡി. ഉള്ളവരിൽ നിന്ന് തിയററ്റിക്കൽ ആൻഡ് കമ്പ്യൂട്ടേഷണൽ റിസർച്ചിൽ ശാസ്ത്രജ്ഞർക്കുള്ള  അപേക്ഷ ക്ഷണിച്ചു. കമ്പ്യൂട്ടേഷണൽ മോഡലിംഗ്, സിമുലേഷൻ, ഡാറ്റാധിഷ്ഠിത ഗവേഷണം എന്നിവയിലേതിലെങ്കിലും നല്ല മുൻപരിചയമുള്ളവർക്ക് അപേക്ഷിക്കാം.  
ജൂനിയർ സയന്റിസ്റ്റ് വിഭാഗത്തിൽ് തിയററ്റിക്കൽ ആൻഡ് കമ്പ്യൂട്ടേഷണൽ കെമിസ്ട്രി, ഫിസിക്സ്,ബയോളജി, മാത്തമാറ്റിക്സ്, കമ്പ്യൂട്ടർ സയൻസ് എന്നീ ഡിസിപ്ലിനുകളിലുള്ളവർക്ക് അപേക്ഷിക്കാം. കമ്പ്യൂട്ടേഷണൽ സയൻസിൽ പി.എച്ച്.ഡി. ഉണ്ടായിരിക്കണം. തീസിസ് വർക്കുകളോ പബ്ലിക്കേഷനുകളോ ഉൾപ്പെടെ ശക്തമായ ഗവേഷണ പശ്ചാത്തലം ഉണ്ടായിരിക്കണം. ഉയർന്ന പ്രായ പരിധി-35 വയസ്.
സയന്റിസ്റ്റ് വിഭാഗത്തിൽ കമ്പ്യൂട്ടേഷണൽ സയൻസിൽ( കെമിസ്ട്രി, ബയോളജി, ഫിസിക്സ്, മാത്തമാറ്റിക്സ്, കമ്പ്യൂട്ടർ സയൻസ്) കമ്പ്യൂട്ടേഷണൽ സയൻസിൽ പി.എച്ച്.ഡി. ഉണ്ടായിരിക്കണം. തീസിസ് വർക്കുകളോ പബ്ലിക്കേഷനുകളോ ഉൾപ്പെടെ ശക്തമായ ഗവേഷണ പശ്ചാത്തലം ഉണ്ടായിരിക്കണം. രണ്ട് വർഷത്തെ പ്രവർത്തി പരിചയം വേണം. ഉയർന്ന പ്രായ പരിധി-35 വയസ്. യോഗ്യതയുള്ള ഉദ്യോഗാർത്ഥികൾക്ക് അഞ്ച് വർഷം വരെ ഉയർന്ന പ്രായപരിധിയിൽ ഇളവ് പരിഗണിക്കും.
സീനിയർ പ്രിൻസിപ്പൽ സയന്റിസ്റ്റ് വിഭാഗത്തിൽ കമ്പ്യൂട്ടേഷണൽ സയൻസിൽ( കെമിസ്ട്രി, ബയോളജി, ഫിസിക്സ്, മാത്തമാറ്റിക്സ്, കമ്പ്യൂട്ടർ സയൻസ്) ഗവേഷണം പൂർത്തിയാക്കിയിരിക്കണം, കമ്പ്യൂട്ടേഷണൽ മോഡലിംഗ്, സിമുലേഷൻ, ഡാറ്റാധിഷ്ഠിത ഗവേഷണം എന്നിവയിൽ പത്തുവർഷത്തെ ഗവേഷണാനന്തര പഠനം പൂർത്തിയാക്കിയിരിക്കണം. സ്വതന്ത്ര ഗവേഷണ പ്രോജ്കടുകൾ നയിച്ചുള്ള പരിചയം വേണം.  ഉയർന്ന പ്രായപരിധി-50 വയസ്. യോഗ്യതയുള്ള ഉദ്യോഗാർഥികൾ  അപേക്ഷയോടൊപ്പം  വിശദമായ ബയോഡാറ്റ, പ്രസിദ്ധീകരിച്ച ഗവേഷണ പ്രബന്ധങ്ങളുടെ പട്ടിക, വിവരങ്ങളുടെ ഒരു സംക്ഷിപ്ത പ്രസ്താവന (ഫോൺ നമ്പർ, ഇമെയിൽ ഐഡി എന്നിവ സഹിതം) sribs.kscste@gmail.com എന്ന ഇ-മെയിൽ വിലാസത്തിൽ  ജൂലൈ അഞ്ചിന് മുൻപായി അപേക്ഷിക്കണം.https://sribs.kerala.giv.in. എന്ന വെബ്‌സൈറ്റിൽ അപേക്ഷ ഫോം ലഭ്യമാണ്. വിശദ വിവരത്തിന്: 0481 2500200