ദേശീയ രക്തദാനദിനാചരണം ജി സുധാകരൻ എം എൽ എ ഉദ്‌ഘാടനം നിർവഹിച്ചു

ആലപ്പുഴ ജനറൽ ആശുപത്രിയിൽ സംഘടിപ്പിച്ച ദേശീയ രക്തദാനദിനാചരണം അമ്പലപ്പുഴ എം എൽ എ ജി സുധാകരൻ  ഉദ്‌ഘാടനം ചെയ്തു. രക്തദാനത്തിന്റെ പ്രാധാന്യത്തെപറ്റി പൊതുജനങ്ങളിൽ അവബോധം വളർത്താൻ ബോധവത്കരണം വിപുലീകരിക്കണമെന്നും   പുതുതലമുറയെ രക്തദാനപ്രവർത്തങ്ങളിൽ കൂടുതൽ സജീവമാക്കണമെന്നും എം എൽ എ അറിയിച്ചു.  നഗരസഭാ  ചെയർപേഴ്സൺ മോളി ജേക്കബ് ചടങ്ങിൽ അധ്യക്ഷയായി.   നഗരസഭ ഉപാധ്യക്ഷൻ ജോസ് ചെല്ലപ്പൻ  രക്തദാന ക്യാമ്പ് ഉദ്ഘാടനം ചെയ്തു. നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർമാൻ എ എം നൗഫൽ രക്തദാന ദിന സന്ദേശം നൽകി. വാർഡ് കൗൺസിലർ എ എസ് കവിത രക്തദാന ദിന പ്രതിജ്ഞ ചൊല്ലി. തുടർന്ന് എൻസിസി 11 കെ ബറ്റാലിയൻ ആലപ്പുഴയുടെയും, ആലപ്പുഴ ഹെഡ് പോസ്റ്റ് ഓഫീസിന്റെയും നേതൃത്വത്തിൽ രക്തദാനവും നടന്നു. ജില്ലാ ടിബി  ഓഫീസർ ഡോ വിൻസി മുഖ്യപ്രഭാഷണം നടത്തി. രക്തദാതാക്കളെയും, സംഘടനകളെയും ചടങ്ങിൽ ആദരിച്ചു