വിവിപാറ്റ് 

ബാലറ്റ് യൂണിറ്റില്‍ വോട്ടര്‍ താന്‍ വോട്ട് ചെയ്യാനുദ്ദേശിക്കുന്ന സ്ഥാനാര്‍ത്ഥിയുടെ പേരിനു നേരെയുള്ള ചിഹ്നത്തിന്‍റെ നേര്‍ക്കുള്ള നീല ബട്ടണ്‍ അമര്‍ത്തുമ്പോള്‍  ചുവന്ന ലൈറ്റ് തെളിയും.  തുടര്‍ന്ന് വോട്ടുരേഖപ്പെടുത്തിയ സ്ഥാനാര്‍ത്ഥിയുടെ ക്രമനമ്പര്‍, പേര്, ചിഹ്നം എന്നിവ   ഏഴു സെക്കന്‍റ് നേരം വിവിപാറ്റിലെ ഡിസ്പ്ലേ യൂണിറ്റില്‍ തെളിഞ്ഞു കാണാം. അതിനുശേഷം അവയുടെ പ്രിന്‍റ്  താഴെയുള്ള സുരക്ഷാ അറയിലേയ്ക്ക് വീഴുകയും അവിടെ സൂക്ഷിക്കപ്പെടുകയും ചെയ്യും. ഭാവിയില്‍ വോട്ട് സംബന്ധിച്ച് തര്‍ക്കങ്ങള്‍ ഉണ്ടാവുകയാണെങ്കില്‍ വീണ്ടും തെരഞ്ഞെടുപ്പ് നടത്താതെ വിവിപാറ്റിനുള്ളില്‍ സൂക്ഷിച്ചിരിക്കുന്ന പേപ്പര്‍ വോട്ടുകളെണ്ണി സംശയം ദൂരികരിക്കാവുന്നതാണ്.