നവകേരള സദസ്സ് മജീഷ്യൻ ഗോപിനാഥ് മുതുകാട് മോട്ടിവേഷൻ ക്ലാസ് നയിച്ചു 

ആലപ്പുഴ:ആലപ്പുഴ നിയോജകമണ്ഡലം നവകേരള സദസ്സിനോടനുബന്ധിച്ച്  വിദ്യാർത്ഥികൾക്കായി പ്രശസ്ത മജീഷ്യൻ ഗോപിനാഥ് മുതുകാടിന്റെ മോട്ടിവേഷണൽ ക്ലാസ്സായ മോൾഡിങ്ങ് മൈൻ്റ്സ് മാജിക്കലി എന്ന പരിപാടി നടത്തി.
ആലപ്പുഴ എസ്.ഡി.വി സെന്റിനറി ഹാളിൽ നടന്ന ചടങ്ങിൽ പി.പി. ചിത്തരഞ്ജൻ എം.എൽ.എ അധ്യക്ഷത വഹിച്ചു.
മണ്ഡലത്തിലെ വിവിധ സ്കൂളുകളിലെയും കോളേജുകളിലേയും ആയിരത്തിലധികം വിദ്യാർഥികൾ ക്ലാസ്സിൽ പങ്കെടുത്തു.
ആലപ്പുഴ നിയോജകമണ്ഡലം നവകേരള സദസ്സ് കൺവീനറും ഡെപ്യൂട്ടി  കളക്ടറുമായ സി.പ്രേംജി,സബ് കമ്മിറ്റി കൺവീനർ ഒ.ജെ ഷിബു തുടങ്ങിയവർ പങ്കെടുത്തു.

ഇന്ന് വൈകിട്ട് (6) പത്തിന് മാലിന്യമുക്ത നവകേരളം ആലപ്പുഴയിലെ പുരവഞ്ചികളിലെ ഇടപെടലുകൾ എന്ന വിഷയത്തിൽ സെമിനാർ നടക്കും. പി.പി.ചിത്തരഞ്ജൻ എം.എൽ.എ ഉദ്ഘാടനം ചെയ്യും.
ചാത്തനാട് റോട്ടറി ക്ലബ് ഓഡിറ്റോറിയത്തിൽ നടക്കുന്ന സെമിനാറിൽ നഗരസഭ ചെയർപേഴ്സൺ കെ.കെ.ജയമ്മ അധ്യക്ഷത വഹിക്കും. ആലപ്പുഴ നഗരസഭ സെക്രട്ടറി മുംതാസ് മറ്റ് ജനപ്രതിനിധികൾ ഉദ്യോഗസ്ഥർ തുടങ്ങിയവർ പങ്കെടുക്കും.

ഉച്ചയ്ക്കുശേഷം മൂന്നിന് ആര്യാട് ലൂഥറന്‍സ് സ്കൂളില്‍ നവ കേരളത്തിന്റെ പ്രതീക്ഷകളും ആലപ്പുഴയുടെ സാധ്യതകളും എന്ന വിഷയത്തില്‍ സെമിനാര്‍ നടത്തും. മുന്‍ ധനകാര്യ മന്ത്രി തോമസ് ഐസക് ഉദ്ഘാടനം ചെയ്യും. ആര്‍. നാസര്‍ അധ്യക്ഷത വഹിക്കും.