Post Category
പി സി ആന്റ് പി എന്‍ ഡി ടി ആക്റ്റ്: സ്‌കാനിങ് കേന്ദ്രങ്ങളില്‍ പരിശോധന നടത്തും
ഗര്‍ഭസ്ഥ ശിശുക്കളുടെ ലിംഗ നിര്‍ണയവുമായി ബന്ധപ്പെട്ട് പിസി ആന്റ് പിഎന്‍ഡിടി ആക്ടിന് കീഴില്‍ വരുന്ന ജില്ലയിലെ സ്‌കാനിങ് കേന്ദ്രങ്ങളില്‍ കൃത്യമായ ഇടവേളകളില്‍ പരിശോധന നടത്തും. ഈ നിയമവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യാന്‍ കൂടിയ ജില്ലാതല ഉപദേശക സമിതി യോഗത്തിലാണ് ഈ തീരുമാനമെടുത്തത്. ഈ നിയമത്തെ സംബന്ധിച്ച് പൊതുജനങ്ങള്‍ക്ക് അവബോധന ക്ലാസുകള്‍ നടത്തുവാനും തീരുമാനിച്ചു. ഡി എം ഒ ഡോ. എം പിയൂഷിന്റെ ചേമ്പറില്‍ ചേര്‍ന്ന യോഗത്തില്‍ ജില്ലാ ഗവ.പ്ലീഡര്‍ അഡ്വ കെ അജിത്ത് കുമാര്‍, ഡോ ഇ തങ്കമണി, ഡോ പി ടി ബിന്ദു, ഡോ ശബ്നം എസ് നമ്പ്യാര്‍, ഡോ ജി അശ്വിന്‍, അഡ്വ ഷര്‍മിള മധുമ്മല്‍ എന്നിവര്‍ പങ്കെടുത്തു.
date
- Log in to post comments