ഐ.എച്ച്.ആർ.ഡി. എൻജിനീയറിംഗ്  കോളജുകളിൽ പ്രവേശനം

 കേരള സർക്കാർ സ്ഥാപനമായ ഐ.എച്ച്.ആർ.ഡി.യുടെ കീഴിൽ എറണാകുളം, ചെങ്ങന്നൂർ, അടൂർ, കരുനാഗപ്പള്ളി,കല്ലൂപ്പാറ ,ചേർത്തല, ആറ്റിങ്ങൽ, കൊട്ടാരക്കര എന്നിവിടങ്ങളിൽ പ്രവർത്തിക്കുന്ന എൻജിനീയറിംഗ് കോളേജുകളിലെ എൻ.ആർ.ഐ. സീറ്റുകളിൽ ഓൺലൈൻ വഴി പ്രവേശനത്തിന് അപേക്ഷ ക്ഷണിച്ചു.
മേയ് 15-ന് രാവിലെ 10 മുതൽ ജൂൺ നാലിന് വൈകുന്നേരം നാലുവരെ https: //nri.ihrd.ac.in എന്ന വെബ്സൈറ്റ് മുഖേന അപേക്ഷിക്കാം.
ഓരോ  കോളേജിലേയും പ്രവേശനത്തിന് പ്രത്യേകമായി അപേക്ഷിക്കണം. ഓൺലൈനായി നൽകിയ അപേക്ഷയുടെ പ്രിന്റ് ഔട്ട്, നിർദ്ദിഷ്ട അനുബന്ധങ്ങൾ, 1000 രൂപയുടെ രജിസ്ട്രേഷൻ ഫീസ് (ഓൺലൈനായോ/ബന്ധപ്പെട്ട പ്രിൻസിപ്പലിന്റെ പേരിൽ മാറാവുന്ന ഡിമാൻഡ് ഡ്രാഫ്റ്റായോ) എന്നിവ സഹിതം ജൂൺ ഏഴിന് വൈകുന്നേരം നാലിന്  മുൻപ് പ്രവേശനം ആഗ്രഹിക്കുന്ന കോളേജിൽ നൽകണം വിശദവിവരത്തിന് www.ihrd.ac.in എന്ന വെബ് സൈറ്റ് സന്ദർശിക്കണം. ഫോൺ: 8547005000.