മൈക്രോ ഒബ്സർവർമാർക്ക് പരിശീലനം നൽകി

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ മൈക്രോ ഒബ്സർവർമാർക്ക് പരിശീലനം നൽകി. തൈക്കാട് ​ഗവ ​ഗസ്റ്റ് ഹൗസിൽ സംഘടിപ്പിച്ച പരിശീലനം ജില്ലാ തിരഞ്ഞെടുപ്പ് ഉദ്യോ​ഗസ്ഥയും ജില്ലാ കളക്ടറുമായ അനു കുമാരി ഉദ്ഘാടനം ചെയ്തു. ജില്ലയിൽ നിയോ​ഗിക്കപ്പെട്ട ജനറൽ ഒബ്സർവർമാരായ രവി കുമാർ അറോറ, ആഷിഷ് ജോഷി, ​ഗോപാൽ മീണ തുടങ്ങിയവർ മൈക്രോ ഒബ്സർവർമാർക്ക് വേണ്ട മാർ​​ഗ നിർദ്ദേശങ്ങൾ നൽകി. 

ഇലക്ഷൻ ട്രയ്നിം​ഗ് നോഡൽ ഓഫീസർ സജി ആർ.എസ്, പരിശീലകരായ നിഷ എസ് ശിവാനന്ദൻ, അജയ്കുമാർ ആർ.എൽ എന്നിവർ ക്ലാസ്സുകൾ നയിച്ചു. 

50 ശതമാനം റിസർവ് ഉൾപ്പെടെ 106 മൈബ്രോ ഒബ്സർവർമാരാണ് ജില്ലയിൽ ഉള്ളത്. പ്രശ്നബാധിതമായ 68 സ്ഥലങ്ങളിലെ 210 പോളിം​ഗ് ബൂത്തുകളിലാണ് മൈക്രോ ഒബ്സർവർമാരെ നിയോ​ഗിച്ചിരിക്കുന്നത്.