അപേക്ഷ ക്ഷണിച്ചു

കേരള സര്‍ക്കാര്‍ ഫിഷറീസ് വകുപ്പിനു കീഴില്‍ പ്രവര്‍ത്തിക്കുന്ന സൊസൈറ്റി ഫോര്‍ അസിസ്റ്റന്റ്‌സ് ടു ഫിഷര്‍ വിമണ്‍ (സാഫ്) നടപ്പാക്കുന്ന 'ഒരു കുടുംബം ഒരു സംരംഭം' (ഒ.എഫ്.ഒ.ഇ) പദ്ധതിയിലേക്ക് അപേക്ഷ ക്ഷണിച്ചു. ഒരാള്‍ക്ക് ഒരു ലക്ഷം രൂപ ധനസഹായമായി ലഭിക്കും. മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗത്വമുള്ള കുടുംബങ്ങളില്‍ നിന്നുള്ള വനിതകളായിരിക്കണം അപേക്ഷകര്‍. പ്രായം 18 നും 40 നും മധ്യേ. സാഫില്‍ നിന്ന് ഒരു തവണ ധനസഹായം കൈപ്പറ്റിയവര്‍ അപേക്ഷിക്കേണ്ടതില്ല. അപേക്ഷാ ഫോം കോട്ടയം ജില്ലയില്‍ കാരാപ്പുഴയില്‍ പ്രവര്‍ത്തിക്കുന്ന ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ നിന്നും വൈക്കം, കുമരകം മത്സ്യഭവനുകളില്‍ നിന്നും ലഭ്യമാണ്. പൂരിപ്പിച്ച അപേക്ഷകള്‍ ഓഗസ്റ്റ് 24ന്  വൈകുന്നേരം അഞ്ചിനു മുന്‍പായി നല്‍കണം. ഫോണ്‍: 9745556674, 7306377007,8075248141, 9446209817.