സൂര്യാഘാത, സൂര്യതാപ മുന്നറിയിപ്പ്
കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില് ഏപ്രില് ഏഴ്, എട്ട് തീയതികളില് തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, ഇടുക്കി, എറണാകുളം, പാലക്കാട്, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളില് ഉയര്ന്ന താപനില ശരാശരിയില് നിന്നും രണ്ടു മുതല് മൂന്ന് ഡിഗ്രി വരെ ഉയരുവാന് സാധ്യതയുണ്ട്.
പൊതുജനങ്ങള്ക്കുള്ള നിര്ദേശം
- പൊതുജനങ്ങള് 11 മുതല് മൂന്നു വരെ എങ്കിലും നേരിട്ട് സൂര്യപ്രകാശം എല്ക്കുന്നത് ഒഴിവാക്കണം
- നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കയ്യില് കരുതണം.
- രോഗങ്ങള് ഉള്ളവര് (11 മുതല് മൂന്നു വരെ) എങ്കിലും സൂര്യപ്രകാശം എല്ക്കുന്നത് ഒഴിവാക്കണം.
- പരമാവധി ശുദ്ധജലം കുടിക്കുക; മദ്യം, കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കുക.
- അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക.
-അതീവ ജാഗ്രത മുന്നറിയിപ്പ് നിലനില്ക്കുന്ന ദിവസങ്ങളില് സ്കൂള്, കോളേജ് വിദ്യാര്ത്ഥികളുടെ അവധിക്കാല ക്ലാസുകള് ഒഴിവാക്കണം.
-പ്രായമായവര്, ഗര്ഭിണികള്, കുട്ടികള്, മറ്റ് രോഗങ്ങള് മൂലമുള്ള അവശത അനുഭവിക്കുന്നവര് തുടങ്ങിയ വിഭാഗങ്ങള് പകല് 11 മുതല് മൂന്നു വരെ നേരിട്ട് സൂര്യപ്രകാശം ഏല്ക്കാതെ ശ്രദ്ധിക്കണം.
- തൊഴില് സമയം പുനഃക്രമീകരിച്ചുള്ള ലേബര് കമ്മീഷണറുടെ നിര്ദേശം തൊഴില്ദാതാക്കള് പാലിക്കണം.
- ഇരു ചക്ര വാഹനങ്ങളില് ഓണ്ലൈന് ഭക്ഷണ വിതരണം നടത്തുന്നവര് ഉച്ച സമയത്തു (11 മുതല് മൂന്ന് വരെ) സുരക്ഷിതരാണെന്ന് അതത് സ്ഥാപനങ്ങള് ഉറപ്പുവരുത്തണം.
- മാധ്യമപ്രവര്ത്തകരും പോലീസ് ഉദ്യോഗസ്ഥരും കുടകള് ഉപയോഗിക്കുകയും നേരിട്ട് വെയില് ഏല്ക്കാതിരിക്കാന് ശ്രദ്ധിക്കണം.
- തെരഞ്ഞെടുപ്പ് പ്രവര്ത്തനത്തില് ഏര്പ്പെട്ടിരിക്കുന്ന സാമൂഹിക പ്രവര്ത്തകര് മുന്നറിയിപ്പ് പാലിക്കണം.
- Log in to post comments