മറയൂരില്‍ ഗോത്രായന സംഗമം 14 ന്
കില ഇറ്റിസി മറയൂര്‍, കാന്തല്ലൂര്‍ പഞ്ചായത്തുകളില്‍ നടത്തുന്ന പട്ടിക ഗോത്രവര്‍ഗ സങ്കേത പഠനത്തിന്റെ ഭാഗമായി തിങ്കളാഴ്ച (14) രാവിലെ 10.30 ന് മറയൂര്‍ പഞ്ചായത്ത് ഹാളില്‍ ഗോത്രായന സംഗമം നടത്തും. ദേവികുളം ബ്ലോക്ക് പഞ്ചായത്ത് പ്രസിഡന്റ് ആര്‍.രാധാകൃഷ്ണന്‍ സംഗമം ഉദ്ഘാടനം ചെയ്യും. കൊട്ടാരക്കര കില ഇറ്റിസി പ്രിന്‍സിപ്പല്‍ ജി.കൃഷ്ണകുമാര്‍ ഗോത്രായനം പഠന പരിശീലന പദ്ധതി വിശദീകരിക്കും. ബ്ലോക്ക് പഞ്ചായത്ത് വൈസ് പ്രസിഡന്റ് ഉഷാ ഹെന്റി ജോസഫ്, ഗ്രാമപഞ്ചായത്തു പ്രസിഡന്റുമാരായ എന്‍.ആരോഗ്യദാസ് (മറയൂര്‍), ഡെയ്‌സി റാണി രാജേന്ദ്രന്‍ (കാന്തല്ലൂര്‍), ഇടുക്കി തൊഴിലുറപ്പു പദ്ധതി ജെപിസി ബിന്‍സ് സി. തോമസ്, ദാരിദ്ര്യ ലഘൂകരണ വിഭാഗം പ്രോജക്ട് ഡയറക്ടര്‍ സുരേന്ദ്രന്‍, ദേവികുളം ബിഡിഒ എം.എസ്.വിജയന്‍, ത്രിതല പഞ്ചായത്ത് ജനപ്രതിനിധികള്‍, തെരഞ്ഞെടുത്ത സങ്കേതങ്ങളിലെ ഊരുമൂപ്പന്‍മാര്‍, പട്ടികവര്‍ഗ വികസന വകുപ്പ് ഉദ്യോഗസ്ഥര്‍, ജില്ലാ - ബ്ലോക്ക് - ഗ്രാമ പഞ്ചായത്ത്തല ഉദ്യോഗസ്ഥര്‍ എന്നിവര്‍ പങ്കെടുക്കും.
- Log in to post comments