ആലപ്പുഴ: ഹരിതകേരളം മിഷന്റെ ഒന്നാംവാർഷികത്തിന്റെ ഭാഗമായി ജില്ലാഭരണകൂടവും ശുചിത്വമിഷനും ചേർന്ന് സംഘടിപ്പിക്കുന്ന ശുചിത്വമാലിന്യ സംസ്‌ക്കരണ സംവിധാനങ്ങളുടെ മാതൃകകളുടെ പ്രദർശനം നാളെ(ഡിസംബർ 8) രാവിലെ 9.30 മുതൽ 5.30 വരെ സിവിൽ സ്‌റ്റേഷൻ അങ്കണത്തിൽ നടക്കും.

(പി.എൻ.എ.2968/17)

// അവസാനിച്ചു //

ആലപ്പുഴ: കേരളത്തിലെ ദേശീയപാതയിലെ പ്രധാന ബൈപ്പാസുകളിലൊന്നായ ബൈപ്പാസ് നിർമ്മാണത്തിന്റെ ഭാഗമായ തുമ്പോളി, പുന്നപ്ര റെയിൽവേ മേൽപ്പാലങ്ങൾ നിർമ്മിക്കുന്നതിന് സൂപ്പർവിഷൻ, മെയിന്റനൻസ് ചാർജ്ജുകൾ അടയ്ക്കുന്നത് ഇളവ് നൽകി ഉത്തരവ് ലഭിച്ചതായി മന്ത്രി ജി.സുധാകരൻ അറിയിച്ചു. 

ആലപ്പുഴ: സംസ്ഥാന ന്യൂനപക്ഷകമ്മിഷൻ ഇടപെട്ടതിനെത്തുടർന്ന് രാമങ്കരി സ്വദേശിയായ ബി.എസ്‌സി. നഴ്‌സിംഗ് വിദ്യാർത്ഥിനിക്ക് സാങ്കേതിക വിദ്യാഭ്യാസ വകുപ്പിൽ നിന്നുള്ള എം.സി.എം. സ്‌കോളർഷിപ്പ് നൽകാനും പുതിയ വർഷത്തേയ്ക്കുള്ള അപേക്ഷ സ്വീകരിക്കുന്നതിനും   നടപടി. അപേക്ഷ നൽകിയിട്ട് സ്‌കോളർഷിപ്പ് നൽകിയിലെന്നുകാട്ടിയാണ് വിദ്യാർഥിനി കളക്ടറേറ്റിൽ നടന്ന ന്യൂനപക്ഷ കമ്മിഷൻ സിറ്റിങിലെത്തിയത്. 

എടരിക്കോട് സെക്ഷന്‍ പരിധിയില്‍ ചുടലപ്പാറ, ഒറ്റത്തെങ്ങ്, പുതുപറമ്പ്, കാരാട്ടങ്ങാടി ഭാഗങ്ങളില്‍ ഇന്ന് (ഡിസംബര്‍ ഏഴ്)  രാവിലെ ഒമ്പത് മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

കേന്ദ്രപദ്ധതിയായ വണ്‍ സ്റ്റോപ്പ് സെന്ററില്‍ വിവിധ തസ്തികയിലേക്ക് നിയമനം നടത്തുന്നതിന് അപേക്ഷ ക്ഷണിച്ചു.  
സെന്റര്‍ അഡിമിനിസ്‌ട്രേറ്റര്‍ : എല്‍.എല്‍.ബി, എം.എസ്.ഡബ്ല്യു, കുറഞ്ഞത് അഞ്ച് വര്‍ഷം സ്ത്രീകള്‍ക്കായുള്ള പദ്ധതികളുമായി ബന്ധപ്പെട്ട് സര്‍ക്കാര്‍ / സര്‍ക്കാരിതര സന്നദ്ധ സംഘടനകളില്‍ അഡ്മിനിസ്‌ട്രേറ്റീവ് ലെവലില്‍ പ്രവര്‍ത്തിച്ച, ജില്ലയില്‍ സ്ഥിരതാമസക്കാരായ സ്ത്രീകള്‍ക്ക് അപേക്ഷിക്കാം.  പ്രായപരിധി 28-40. ഒരു വര്‍ഷത്തെ കൗണ്‍സിലിംഗ് പരിചയം അഭികാമ്യം.

കുടുംബശ്രീ ജില്ലാ മിഷന്‍ ഡി.ഡി.യു.ജി.കെ.വൈ പദ്ധതിയുടെ ഭാഗമായി ഡിസംബര്‍ 17ന് എടപ്പാള്‍ ഹൈസ്‌കൂളില്‍ തൊഴില്‍ മേള നടത്തുന്നു.  18 നും 35നുമിടയില്‍ പ്രായമുള്ളവര്‍ക്ക് പങ്കെടുക്കാം.  താല്‍പര്യമുള്ളവര്‍ https://goo.gl.forms/ zr/GPgjGakjkYAVali2ല്‍ ഓണ്‍ലൈനായി ഡിസംബര്‍ 10ന് വൈകുന്നേരം അഞ്ചിനകം രജിസ്‌ട്രേഷന്‍ നടത്തണം.  9037325985

ജില്ലയുടെ പൈതൃകവും സംസ്‌കാരവും പറയുന്ന ചിത്രത്തിന്റെ നിര്‍മാണം ആരംഭിച്ചു.  ജില്ലാ ടൂറിസം പ്രമോഷന്‍ കൗണ്‍സിലാണ് വീഡിയോ നിര്‍മിക്കുന്നത്.  ഒന്നര മിനിറ്റ് ദൈര്‍ഘ്യമാണ് ചിത്രത്തിനുണ്ടാവുക. വീഡിയോയുടെ സ്വിച്ച് ഓണ്‍ ജില്ലാ കലക്ടര്‍ അമിത് മീണ നിര്‍വഹിച്ചു.
പി ഉബൈദുള്ള എംഎല്‍എ, ഡിടിപിസി സെക്രട്ടറി ബിനോഷ് കുഞ്ഞപ്പന്‍, എക്സി. കമ്മിറ്റി അംഗങ്ങളായ വി.പി അനില്‍, പാലോളി കുഞ്ഞിമുഹമ്മദ്, കെ വിലാസിനി, കെ കെ രാജീവ്, കെ വരുണ്‍ എന്നിവര്‍ പങ്കെടുത്തു.

ജില്ലാ ആരോഗ്യ കുടുംബക്ഷേമ സമിതിക്കു കീഴില്‍ ജില്ലയിലെ വിവിധ ആരോഗ്യ സ്ഥാപനങ്ങളിലേക്ക് കരാര്‍ അടിസ്ഥാനത്തില്‍ ജെ.പി.എച്ച്.എന്‍ നിയമനത്തിനായി എ.എന്‍.എം യോഗ്യതയും കേരള നഴ്‌സസ് ആന്റ് മിഡ്‌വൈഫ്  കൗണ്‍സില്‍ രജിസ്‌ട്രേഷനുമുള്ളവരില്‍ നിന്നും അപേക്ഷ ക്ഷണിച്ചു. പ്രായ പരിധി 40 വയസ്സ്.  താല്‍പര്യമുള്ളവര്‍ ഡിസംബര്‍ 14 ന് രാവിലെ 10 ന് മലപ്പുറം സിവില്‍ സ്റ്റേഷനിലെ ആരോഗ്യകേരളം ജില്ലാ  ഓഫീസില്‍ അസ്സല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം കൂടികാഴ്ചക്ക് എത്തണം. വിവരങ്ങള്‍ ജില്ലാ ഓഫീസില്‍ നിന്നും www. arogyakeralam.gov.in വെബ്‌സൈറ്റില്‍ നിന്നും ലഭിക്കും. ഫോണ്‍: 0483 2730313.