പെരിന്തല്‍മണ്ണ ജില്ലാ ആശുപത്രിയിലേക്ക് ആവശ്യമായ ഉപകരണങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു.  ടെണ്ടറുകള്‍ ഡിസംബര്‍ എട്ടിന് വൈകീട്ട് മൂന്നിനകം സൂപ്രണ്ട്, ജില്ലാ ആശുപത്രി, പെരിന്തല്‍ണ്ണ വിലാസത്തില്‍ ലഭിക്കണം.  ഫോണ്‍ 04933228279.

    മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിന്നും 2016 മാര്‍ച്ച് പരീക്ഷ എഴുതിയ വിദ്യാര്‍ഥികളുടെ കോഷന്‍ ഡിപ്പോസിറ്റ് ഡിസംബര്‍ നാല് മുതല്‍ വിതരണം ചെയ്യും.  ഡിസംബര്‍ 31നകം തുക കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു.

    കുറ്റുപ്പുറം ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-2020 വര്‍ഷത്തേക്ക് വിവിധ ഓഴിവുകളിലേക്ക് പരിഗണിക്കുന്നതിന് തയ്യാറാക്കിയ സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ് ഓഫീസില്‍ പരിശോധനക്ക് ലഭിക്കും.  പരാതികള്‍ ഡിസംബര്‍ 23നകം നല്‍കണം.

    അന്തര്‍ദ്ദേശീയ ഭിന്നശേഷി ദിനത്തില്‍ ജില്ലാ സാമൂഹ്യനീതി വകുപ്പ് ഭിന്നശേഷിയുളള വര്‍ക്കായി ജില്ലാതല കായിക മത്സരങ്ങള്‍ നടത്തുന്നു.  മലപ്പുറം എം.എസ്.പി.എല്‍.പി സ്‌കൂള്‍ മൈതാനത്താണ് ദിനാഘോഷത്തിന്റെ ഭാഗമായുളള പരിപാടികള്‍ നടക്കുക. ക്ഷേമപദ്ധതികള്‍ വിശദീകരിക്കുന്നതിനുളള പ്രദര്‍ശനങ്ങള്‍, ലീഗല്‍ ഗാര്‍ഡിയന്‍ഷിപ്പ് വിതരണം, നിരാമയ ഇന്‍ഷ്വറന്‍സ് പദ്ധതി സഹായത്തിനുളള അപേക്ഷ സ്വീകരിക്കല്‍ എന്നിവയുമുണ്ടാകും.    രാവിലെ 9.30 ന് എം.എസ്.പി ഡെപ്യൂട്ടി കമാന്‍ഡന്റ് കുരികേശ്മാത്യു പതാകയുയര്‍ത്തും. ജില്ലാ കളക്ടര്‍ അമിത്മീണ മാര്‍ച്ച്പാസ്റ്റില്‍ സല്യൂട്ട് സ്വീകരിക്കും.

തിരൂര്‍ സീതിസാഹിബ് മെമ്മോറിയല്‍ പോളിടെക്‌നിക്ക് കോളേജില്‍ 2017- 18 അദ്ധ്യായന വര്‍ഷത്തേക്ക് ഫസ്റ്റ് ഷിഫ്റ്റ് പാര്‍ട്ട് ടൈം ഡിപ്ലോമ സായാഹ്നം കോഴ്‌സിന്  മെക്കാനിക്കല്‍, സിവില്‍ ബ്രാഞ്ചുകളിലേക്ക് ഡിസംബര്‍ നാലിന് രാവിലെ 10 ന് സ്‌പോട്ട്  അഡ്മിഷന്‍  നടത്തും. അപേക്ഷ സമര്‍പ്പിക്കാത്ത വിദ്യാര്‍ത്ഥികള്‍ക്കും പങ്കെടുക്കാം. താല്‍പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളും രജിസ്‌ട്രേഷന്‍ ഫീ 3500/- രൂപയുമായി എത്തണം. വിശദ വിവരങ്ങള്‍ക്ക് ഓഫീസുമായി   ബന്ധപ്പെടാം.

പെരിന്തല്‍മണ്ണ ഗവ. പോളിടെക്‌നിക് കോളേജില്‍ പാര്‍ട്ട് ടൈം ഡിപ്‌ളോമ സായാഹ്ന കോഴ്‌സുകളില്‍  കരാറടിസ്ഥാനത്തില്‍ സിവില്‍  എഞ്ചിനീയറിംഗ്  വിഭാഗത്തില്‍ ഗസ്റ്റ് ലക്ചററെ നിയമിക്കുന്നു. ബി.ടെക് ഒന്നാം ക്ലാസ് ബിരുദം/എം. ടെക് ബിരുദം  ഉള്ളവര്‍ ഡിസംബര്‍ അഞ്ചിന് രാവിലെ 9.30 ന് കോളേജില്‍ ബയോഡാറ്റയും അസ്സല്‍ സര്‍ട്ടിഫിക്കറ്റുകളുമായി കൂടിക്കാഴ്ചയ്ക്ക് എത്തണം.

ഗെയില്‍ പദ്ധതി പൂര്‍ത്തിയാവുന്നതോടെ ജില്ലയില്‍ ലഭിക്കുന്നത് ലാഭകരവും സുരക്ഷിതവുമായ പാചക വാതകമായിരിക്കുമെന്ന് ഒന്നര വര്‍ഷമായി പദ്ധതിയില്‍ നിന്നുള്ള പാചക വാതകം വിട്ടാവശ്യത്തിന് ഉപയോഗിക്കുന്ന ഗുണഭോക്താക്കള്‍ സാക്ഷ്യപ്പെടുത്തുന്നു. കലക്‌ട്രേറ്റില്‍ നടന്ന ഗെയില്‍ പദ്ധതിക്ക് സ്ഥലം വിട്ടു നല്‍കിയവരുടെ ചെക്ക് വിതരണ യോഗത്തിലാണ് ഇത് സംബന്ധിച്ച ഗുണഭോക്താക്കള്‍ തങ്ങളുടെ അനുഭവങ്ങള്‍ പങ്ക് വച്ചത്. രണ്ട് മാസത്തിന് ഒരു സാധാരണ കുടുംബത്തിന് പരമാവധി 300 രൂപയില്‍ താഴെ മാത്രമെ ചെലവ് വരികയുള്ളു. പാചകവാതകത്തിനായി പരക്കം പാഞ്ഞ് നടക്കേണ്ട ആവശ്യവുമില്ല.  

പാലാ അമലോത്ഭവ ജൂബിലി ചാപ്പലിലെ (സെന്റ് തോമസ് കത്തീഡ്രല്‍ പള്ളി) തിരുനാളിനോട് അനുബന്ധിച്ച് ഡിസംബര്‍ ഏഴ്, എട്ട് ദിവസങ്ങളില്‍  പാലാ അമലോത്ഭവ ജൂബിലി ചാപ്പലിന്റെ മൂന്ന് കിലോ മീറ്റര്‍ ചുറ്റളവിലുളള പ്രദേശം ഉത്സവമേഖലയായി പ്രഖ്യാപിച്ചു.