വയോമിത്രം മൊബൈൽ ക്ലിനിക് ഇന്ന് ഉച്ചവരെ പ്രവർത്തിക്കും 

സംസ്ഥാന സർക്കാരിന്റെ വയോമിത്രം പദ്ധതി പ്രയോജനപ്പെടുത്തി കോഴിക്കോട് കോർപറേഷൻ സംഘടിപ്പിക്കുന്ന മൊബൈൽ ക്ലിനിക്ക് ഇന്ന് (മാർച്ച് ആറ്) രാവിലെ 10.30 മുതൽ ഉച്ചക്ക് 12 മണിവരെ ഭട്ട് റോഡ് ദോബി ഗാനക്ക് സമീപമുള്ള ഹെൽത്ത് സെന്ററിൽ പ്രവർത്തിക്കും.

നിലവിൽ പദ്ധതിയിൽ ഉള്ളവർക്കും പുതുതായി  ചേരുന്ന 65 വയസ്സിന് മുകളിലുള്ളവർക്കും ജീവിതശൈലീ രോഗങ്ങൾ ഉൾപ്പെടെയുള്ളവക്ക് സൗജന്യ വൈദ്യസഹായവും മരുന്നുകളും ലഭിക്കും. പദ്ധതിയിൽ പുതുതായി ചേരാൻ വരുന്നവർ വയസ്സ് തെളിയിക്കുന്ന  രേഖയുടെയും റേഷൻ കാർഡിന്റെയും പകർപ്പ് കൊണ്ടുവരേണ്ടതാണെന്ന് കൗൺസിലർ എം കെ മഹേഷ്‌ അറിയിച്ചു.