മിനിമം വേതന ഉപദേശക സമിതി തെളിവെടുപ്പ് 25ന്

സംസ്ഥാനത്തെ ബ്ലോക്ക് റബര്‍ ഫാക്ടറീസ്, സ്‌ക്രീന്‍ പ്രന്റിംഗ്, കുടനിര്‍മ്മാണം എന്നീ മേഖലകളിലെ തൊഴിലാളികളുടെ കുറഞ്ഞ വേതനം പുതുക്കി നിശ്ചയിക്കുതിനുള്ള മിനിമം വേതന ഉപദേശക സമിതി ഉപസമിതിയുടെ  തെളിവെടുപ്പ് യോഗം 25ന്  യഥാക്രമം രാവിലെ 10 നും, 11 നും, 12 നും കോട്ടയം കളക്ടറേറ്റ് കോണ്‍ഫറന്‍സ് ഹാളില്‍ ചേരും.   

തിരുവനന്തപരും, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ ബ്ലോക്ക് റബര്‍ ഫാക്ടറീസ്, സ്‌ക്രീന്‍ പ്രന്റിംഗ്, കുടനിര്‍മ്മാണം തൊഴില്‍ മേഖലകളുമായി ബന്ധപ്പെട്ട തൊഴിലാളി-തൊഴിലുടമാ പ്രതിനിധികള്‍ യോഗത്തില്‍ പങ്കെടുക്കണമെന്ന് സമിതി സെക്രട്ടറി അറിയിച്ചു.

(പി.ആര്‍.കെ. നമ്പര്‍ 1614/18)